CHUO Kikuu Cha Mzumbe kimeanza kuhamasisha na kuelimisha wananchi wa wilaya ya Mkinga juu ya fursa mbalimbali watakazonufaika nazo pindi mradi wa ujenzi wa kampas mpya utakapoanza wilayani humo sambamba na kubaini changamoto zinazoweza kujitokeza ili kuweza kukabiliana nazo mapema.
Akizungumza mara baada ya kuwasili na timu nzima uhamasiahaji na utoaji wa elimu wilayani humo mratibu wa mradi wa
kuboresha miundombinu na mitaala kwaajili ya mageuzi ya kiuchumi 'HEET' Dk.Christina Shitima alisema kuwa wamepanga kuyafikia makundi
mbalimbali ya wananchi wakiwemo kaya zinazoongozwa na wanawake,
makundi ya wafugaji, wazee maarufu , viongozi wa dini , viongozi wa kisiasa pamoja na
kukusanya maoni kutoka kwao kabla na baada ya mradi huo.
"Tupo hapa kwaajili ya kuhamasisha na kuelimisha
wananchi na maeneo yote yanayozungukwa na mradi lakini pia kuchukuwa
maoni yao tukihamasisha matokeo chanya zikiwemo ajira kwaajili ya
kupambania hizo fursa lakini pia kama kuna matukio hasi tuweze kuyaongea
kwa pamoja na kuyapangia mikakati tuweze kukabiliana nayo kabla mradi
haujaanza "
"Baada ya hapa tutakuwa
tunawasiliana na wananchi ili baadaye mkandarasi atakapokuja aweze
kufwatilia yale matakwa ya wananchi na sisi tutakuwa tunamfwatilia
mkandarasi ili tuone ni vitu gani wanavyovitaka na sisi tutakuwa
tunapeleka mrejesho kwao" alisema Dr. Shitima
Hata hivyo Dr
Shitima kwa niaba ya chuo hicho aliishukuru serikali ya jamhuri ya
Muungano wa Tanzania kwa kuridhia chuo hicho kuendelea kupanua huduma
zake za elimu karibu na wananchi pamoja na kukipatia ardhi kwaajili ya
ujenzi wa chuo hicho.
"Tunashukuru sana serikali ya jamhuri ya Muungano wa Tanzania awamu ya sita chini ya
uongozi wa Dk. Samia Suluhu Hassan kwa kutuwezesha kupata huu mradi na
serikali ya mkoa wa Tanga kwa kutuwezesha kupata hii ardhi kwaajili ya
kuwekeza katika kujenga kampasi ya chuo chetu" aliongeza.
Chuo
hicho ambacho kilipokea fedha za mkopo kutoka benki kuu ya dunia
kupitia wizara ya elimu sayansi na technologia mahususi kwaajili ya
kutekeleza mradi wa kuboresha miundombinu na mitaala kwaajili ya
mageuzi ya kiuchumi yaani Higher Education For Economic Transformation
(HEET-PROJECT) ambapo serikali ya mkoa wa Tanga imekipatia chuo hicho
jumla ya hekali 300 kwaajili ya ujenzi wa tawi jipya katika wilaya ya
Mkinga.
Akiwakaribisha
wilayani Mkinga mkuu wa wilaya hiyo Kanal Malid Surumbu wakati wakiwa
ofisini kwake alisema kuwa ujenzi wa chuo hicho utafungua fursa
mbalimbali zikiwemo za kibiashara utalii na f uwekezaji hatua
ambayo itainua uchumi wa wananchi wa wilaya ya Mkinga.
"Ujio
wenu chuo cha Mzumbe katika wilaya yetu ni ishara kuwa wawekezaji wa
aina mbalimbali watakuja na baadaye ikiwemo ujenzi wa hoteli kubwa , tuna
mpango wa ujenzi wa soko kubwa la samaki , sekta ya utalii zote hizi ni
fursa kwetu na hii ni kutokana na uwepo Mzumbe tunawakaribisha sana na mimi niwahakikishie ushirikiano wa hali na mali na kuwaambia kuwa mpo
salama chini ya kamati ya ulinzi na usalama" alisema Kanal Surumbu.
Mkuu wa wilaya ya Mkinga (mwenye kofia katikati) akiwa pamoja na wawakilishi wa chuo cha Mzumbe mara baada ya kuwasili wilayani humo leo june 26,2023 tayari kwaajili ya kutoa elimu kwa wananchi kubusu ujenzi wa kampas ya chuo hicho.
Timu
hiyo kutoka chuo Kikuu Cha Mzumbe kilenga kutoa elimu na uhamasishaji
katika vijiji vya Gombero, Vunde,Jihirini, Kichangani, Machimboni,
Kwangena, Mjesani, Dima, Mnyezani pamoja na Machimboni vyote vikiwa katika wilaya ya Mkinga.
, wapili kulia ni Mratibu wa kitengo cha mazingira kutoka chuo cha Mzumbe na wa tatu ni Mratibu wa miundombinu wa mradi huo Prosper Leonard.
Mratibu wa mradi wa
kuboresha miundombinu na mitaala kwaajili ya mageuzi ya kiuchumi 'HEET' Dk.Christina Shitima akizungumza na waandhishi wa habari kuhusiana na mradi huo wilayani Mkinga
Post A Comment: