Mtibwa sasa yazisubiri Singida na JKT Tanzania

Klabu ya soka ya Mtibwa Sugar imetinga fainali ya Kombe la Shirikisho nchini baada ya kuibuka na ushindi dhidi ya Stand United kwenye mchezo wa nusu fainali uliomalizika jioni hii kwenye uwanja wa Kambarage mjini Shinyanga.

Mtibwa Sugar wameibuka na ushindi wa mabao 2-0 yote yakifungwa na Hassan Dilunga na kutinga fainali itakayopigwa Juni 2, mwaka huu katika dimba la Sheikh Amri Abeid, Arusha.

Baada ya kufuzu fainali leo, Mtibwa sasa inamsubiri mshindi wa nusu fainali ya pili kati ya Singida United na JKT Tanzania katika nusu fainali ya pili itakayopigwa April 23, mwaka huu.

Kwenye ligi msimu huu Mtibwa Sugar, inashika nafasi ya 6 ikiwa na alama 33 baada ya mechi 24. Wakati Stand United ambao wamepoteza nusu fainali ya leo ipo nafasi ya 9 ikiwa na alama 28.

Maadhimisho siku ya Malaria kufanyika Kigoma

Tanzania inatarajia kuungana na nchi zingine duniani kwenye kuadhimisha siku ya Malaria Duniani ambayo ufanyika April 25 kila mwaka.

 Maadhimisho hayo ya kitaifa yatafanyika wilaya ya Kasulu mkoani Kigoma huku Waziri wa Afya na Maendeleo ya Jamii akitarajiwa kuzindua ripoti ya hali ya Malaria nchini.

Akiongea jijini Dar es Salaam leo, Waziri Nyoni ambaye ni Mkurugenzi wa Miradi kutoka VectorWorks alisema kutakuwa na shamra shamra mbali mbali kuanzia tarehe 22 April kabla ya kufikia kilele cha maadhimisho hayo.

VectorWorks ni mradi wa miaka mitano wa kupamba na malaria hapa nchini umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti malaria na kuratibiwa na John Hopkins Center for Communications.

‘Sisi kazi yetu ni kuhakikisha hali ya ugonjwa wa malaria inapungua. Kwa sababu hiyo, tumekuwa na zoezi endelevu la kugawa vyandarua vyenye dawa ya muda mrefu kwa kila kaya hapa nchini. Vile vile, tunatumia vituo vya afya kuwafikia walengwa wakuu ambao ni akinamama waoenda kliniki na watoto wenye umri chini ya mwaka mmoja, alisema Nyoni.

Akina mama wanaonza kliniki ni lazima wapatiwe chandarua chenye dawa ya muda mrefu bure. Hii njia bora ya kujikinga na mbu waenezao malaria. Vile vile tunafanya kazi kwa kushirikiani na Serikali kupitia Wizara ya Afya kitengo cha kupamba na Malaria nchini ambao wamekuwa wakipuliza dawa yenye viatilifu kwenye maeneo yenye masalia ya mbu. Tumepiga hatua kubwa kupunguza malaria hapa Tanzania kwa hivyo natoa wito wangu kwa kila Mtanzania kuhakikisha analala kwenye chandarua kwenye dawa ya muda mrefu, aliongeza Nyoni.

Kauli mbiu ya mwaka huu ni mimi natokomeza malaria, wewe je?

UCHIMBAJI WA MCHANGA KWENYE MITO DAR ES SALAAM WAPIGWA MARUFUKU.

Waziri wa Nchi, Ofisi ya Rais, Tawala za Mikoa na Serikali za Mitaa (Tamisemi) Selemani Jafo akiwa na viongozi wengine akiwemo Mkuu wa wilaya ya Ilala Sophia Mjema wakionyeshana  maeneo ya daraja yalivyo haribika na mafuriko.

Waziri wa Nchi, Ofisi ya Rais, Tawala za Mikoa na Serikali za Mitaa (Tamisemi) Selemani Jafo akiwa na viongozi wengine katika ukaguzi wa athari za mvua.

 Maeneo yaliyoharibiwa na Mvua

 Maeneo yaliyoharibiwa na mvua

 Maeneo yaliyoharibiwa na mvua

 Maeneo yaliyoharibiwa na mvua

Athari za mafuriko

..........................................................
Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI), Mhe Selemani Jafo (Mb) amepiga marufuku uchimbaji wa mchanga unaoendelea katika mito mbalimbali Jijini Dar es Salaam.


Mhe. Jafo ametoa katazo hilo wakati wa ziara yake ya kuangalia athari zilizotokana na mafuriko katika Halmashauri ya Manispaa ya Ilala leo 20 Aprili 2018. 


Akiwa katika kata ya Gongolamboto eneo la Ulongoni A na Ulongoni B, amejionea jinsi ambavyo mafuriko yaliyotokana na wingi wa mvua zilizonyesha yalivyoharibu madaraja na kuacha athari kubwa kwa wananchi. 


“Nimejionea mwenyewe jinsi ambavyo mvua hizi zimeleta athari kubwa hapa na kusababisha mawasiliano kukatika baina yenu nyinyi na wenzenu wa upande wa pili. Lakini niwaambie kuwa kwa sehemu kubwa baadhi ya wananchi wanachangia uharibifu wa maeneo haya kutokana na uchimbaji wa mchanga unaoendelea na kusababisha uharibufu katika kingo za mito pamoja na miundombinu hii iliyojengwa,” alieleza Mhe. Jafo


Waziri ameeleza kuwa miundombinu inajengwa kwa gharama kubwa na Serikali lakini wapo watu ambao wanaiharibu kwa makusudi kutokana na uchimbaji wa mchanga, hivyo akaeleza kuwa Serikali haitavumilia swala hilo.


“Hatuwezi kuzizuia mvua zisinyeshe lakini hatuwezi kuvumilia kuwaacha watu wanaoharibu miundombinu na kingo za mto kwa kuchimba mchanga. Hivyo kuanzia leo napiga marufuku uchimbaji wa mchanga katika maeneo yote ya mito ya Dar es Salaam,” ameagiza Waziri Jafo.


Amemuagiza Mkuu wa Wilaya ya Ilala Mhe. Sofia Mjema aliyeambatana naye katika ziara hiyo kusimamia agizo hilo pamoja Mkoa wa Dar es Salaam kwa ujumla wake, na kuwakamata wale wote watakaokaidi agizo hilo.


Aidha Mhe. Jafo ameeleza kuwa Serikali inajitahidi kurejesha mawasiliano katika maeneo hayo yaliyoathirika kwa kujenga madaraja ya muda wakati wakisubiri ukarabati mkubwa kufanyika.


Ameeleza kuwa amewasiliana na waziri wa Ulinzi Mhe. Hussein Mwinyi ili Jeshi la Ulinzi lisaidie katika kutengeneza madaraja hayo. 


“Waziri wa Ulinzi ameniahidi kuwa anatuma wataalamu wa Jeshi kufanya tathmini ya uharifu ili kutengeneza madaraja hayo ya muda,” amesema Jafo.


Awali, katika ziara hiyo Mhe. Jafo ametembelea Mradi wa Mabasi Yaendayo Kasi “DART” katika kituo cha Jangwani na kuangalia athari zilizoltokana na mafuriko.


Akiwa katika kituo hicho cha Jangwani amepongeza uongozi wa UDART kwa kuzingatia agizo lake alilolitoa awali la kuyahamisha mabasi katika kituo hicho na kuyalaza Kimara pamoja na Gerezani hivyo kufanikiwa kuokoa mabasi hayo.


“Mmeniambia kuwa yale mabasi niliyoyaona hapa wakati wa mafuriko ni yale ambayo yalikuwa hayatembei kabisa na hata hivyo mmetoa vifaa amabavyo vingeharibika katika mabasi hayo na mengine yote mliyatoa hapa. Nawapongeza kwa hilo,” ameeleza Jafo.


Mhe.Jafo amesema kuwa mafuriko hutoke duniani kote marekani, china na kwingineko na hatuwezi kuyazuia, lakini ni akasema kuwa ni lazima wadau na wananchi wote wazingatie tahadhari zinazotolewa ikiwa ni pamoja na kuhama mabondeni ili kupunguza athari.


Pia ameeleza kuwa Serikali inampango mkubwa wa kuutengeneza Mto Msimbazi kupitia Mradi wa DMDP, ambapo takribani dola za kimarekani 20 milioni zimetengwa ili kupata suluhisho la kudumu. Alieleza kuwa kazi hiyo inatarajiwa kuanza mwezi Septemba, 2018 mara baada ya kumalizika kwa usanifu.

DOLA ZA CAF ZAITISHA KIKAO CHA BAJETI HII YANGA

Baada ya kujihakikishia kupata zaid ya shilingi milioni 623 kutoka Shirikisho la Soka la Afrika (Caf), Yanga imeweka wazi mikakati ya matumizi ya fedha hizo watakavyozitumia.

Yanga imefanikiwa kuvuna fedha hizo baada ya kufanikiwa kuwaondoa wapinzani wao, Wolaitta Dicha ya Ethiopia kwa ushindi wa mabao 2-1 katika michuano ya Kombe la Shirikisho Afrika, hivyo kufuzu Hatua ya Makundi ya michuano hiyo.

Mwenyekiti wa Kamati ya Mashindano ya Yanga, Hussein Nyika, ameliambia gazeti hili kuwa wamepanga kufanya kikao kizito cha viongozi wote na benchi la ufundi la timu hiyo litakaloongozwa na Mzambia, Noel Mwandila baada ya kurejea Dar.

Nyika alisema, lengo la kikao hicho ni kupanga bajeti ya matumizi ya fedha hizo ambazo kwa kuanzia watalipa madeni yote kutoka kwa wachezaji wao, ikiwemo mishahara na madai ya fedha za usajili wanazodaiwa.

Aliongeza kuwa, fedha hizo za Caf zitaongeza hamasa kubwa kwenye klabu yao kutokana na ukata ulioikumba timu hiyo katika kipindi hiki kigumu wakati ligi inaendelea.

“Ukweli upo wazi hata kama watani wetu Simba wanatukebehi, Yanga tulikuwa katika kipindi kigumu ambacho wachezaji wetu walikuwa wanacheza bila ya kulipwa mishahara hadi kufikia miezi mitatu.

“Pia, wapo baadhi ya wachezaji walikuwa wakicheza huku wakidai malipo ya fedha za usajili tangu msimu uliopita na mikataba yao inamalizika mwishoni mwa msimu huu, hivyo ni lazima tuwalipe ili tuanze mazungumzo mapya kwa ajili ya kusaini mikataba mipya.

“Na kingine kama unavyojua timu inapovuka kwenda hatua ya makundi inapewa nafasi (zisizozidi saba) za kusajili wachezaji, hivyo kwetu hilo lipo wazi kabisa ni lazima tusajili wachezaji katika kukiimarisha kikosi chetu ili kiwe imara na fedha zitakazotumika kusajili zitatumika hizi za Caf,” alisema Nyika.

Miezi kadhaa iliyopita, Caf ilifanya mabadiliko katika malipo kwa timu kwenye michuano inayosimamiwa na shirikisho hilo ambapo kulikuwa na ongezeko katika kila michuano, ambapo yataanza kutumia rasmi msimu huu ambao Yanga inashiriki.

Kiwango hicho cha 623m, Yanga wana uhakika watakipata hata kama watashika nafasi ya mwisho katika kundi, lakini watakavyofanya vizuri ndivyo ambavyo watakavyokuwa na nafasi kubwa ya kuingiza fedha nyingi zaidi hadi Sh bilioni 2.8 ikiwa watakuwa mabingwa.

Chadema yasema kuna fedha nyingine zimetumika hovyo

Chama cha Demokrasia na Maendeleo (Chadema), kimefanya mkutano na waandishi wa habari na kudai kwamba ukiachilia mbali kiwango za zaidi ya shilingi trilioni 1.5 ambazo zilidaiwa na Zitto Kabwe kwamba hazifahamiki zimekwenda wapi katika ripoti ya CAG, kuna kiwango kingine kikubwa cha fedha pia kimetumika hovyo.

Hayo yamesemwa na Mkurugenzi wa Itifaki, Mawasiliano na Uenezi wa Chadema, John Mrema, leo Aprili 18, 2018 katika makao makuu ya Chama hicho, Kinondoni Dar, na kudai kuwa fedha nyingine zilizopotea ni za kwenye mashirika ya umma yakiwemo ya mifuko ya hifadhi za jamii, ununuzi wa ndege na Shirika la Ndege kwa ujumla. Amedai chama chao kitatoa ufafanuzi wa kifungu kwa kifungu kuhusu ripoti hiyo ya CAG.

“Baada ya sakata hili la trilioni 1.5, kuna wanasiasa hasa wa ccm wanataka kubadilisha mjadala huu na kuanza kusema eti Chadema kuna ufisadi,” alisema John Mrema.

Hata hivyo, Serikali kupitia kwa Naibu Waziri wa Fedha na Mipango, Dkt. Ashatu Kijaji amesema hakuna fedha taslimu kiasi cha shilingi trilioni 1.51 iliyopotea au kutumika kwa matumizi ambayo hayakuidhinishwa na Bunge.

Pia, Rais Dkt. John Pombe Magufuli amesema kuwa katika ripoti ambayo alipokea kutoka kwa Mdhibiti na Mkaguzi Mkuu wa Hesabu za Serikali (CAG), Prof. Mussa Assad haikuonyesha upotevu wa fedha hizo na kueleza endapo kungebainika kitu kama hicho, basi aliyehusika angechukua hatua kali siku hiyo hiyo.

Muda wowote Amber Lulu kuolewa Kenya

Msanii wa Muziki Bongo, Amber Lulu amefunguka kuhusu mipango yake ya kuolewa.

Muimbaji huyo ambaye yupo katika mahusiano na rapper Prezzo kutoka nchini Kenya, amesema ndoa ni majaliwa ya Mwenyenzi Mungu ila anaamini muda wowote ataolewa.

“Ndoa ni majaliwa kwa hiyo any time, Mungu akitujalia mtaona nitavaa sana shela,” amesema Amber Lulu.

Hata hivyo amekiri kuwa hajawahi kutambulishwa au kufika nyumbani kwa Prezzo kwani msanii huyo mara nyingi ndiye amekuwa akija hapa nchini.

Msanii wa Muziki Bongo, Amber Lulu amefunguka kuhusu mipango yake ya kuolewa.

Muimbaji huyo ambaye yupo katika mahusiano na rapper Prezzo kutoka nchini Kenya, amesema ndoa ni majaliwa ya Mwenyenzi Mungu ila anaamini muda wowote ataolewa.

“Ndoa ni majaliwa kwa hiyo any time, Mungu akitujalia mtaona nitavaa sana shela,” amesema Amber Lulu.

Hata hivyo amekiri kuwa hajawahi kutambulishwa au kufika nyumbani kwa Prezzo kwani msanii huyo mara nyingi ndiye amekuwa akija hapa nchini.

Rais Magufuli : AMTEUA MSALIKA MAKUNGU KUWA KATIBU TAWALA TABORA

Rais Dkt. John Pombe Magufuli amteua Bw. Msalika Robert Makungu kuwa Katibu Tawala wa Mkoa wa Tabora.

RAIS MAGUFULI AKUTANA NA UGENI KUTOKA MISRI NA UMOJA WA AFRIKA

Rais Magufuli akisalimiana na Kamishna wa Amani na Usalama wa Kamisheni ya Umoja wa Afrika Balozi Smail Chergui.

Rais Magufuli akiongea na Waziri mstaafu wa Misri, Ibrahim Mahlab.

Mtibwa yaichapa Stand, yatinga fainali

Kikosi cha Mtibwa Sugar kimefanikiwa kufuzu hatua ya fainali michuano ya Kombe la Shirikisho la Azam (ASFC) baada ya kuibuka na ushindi wa mabao 2 – 0 dhidi ya Stand United mchezo uliyopigwa dimba la Kambarage mkoani Shinyanga.

Aliyekuwa mwiba mkali kwenye mchezo huo ni mchezaji, Hassan Dilunga aliyeipatia timu yake ya Mtibwa mabao yote mawili katika dakika 30 na 39 ya kipindi cha kwanza.