Na Woinde Shizza , ARUSHA
Bodi ya sukari (SBT )inashirikiana na wadau wa maendeleo wakiwemo taasisi ya uhandisi na usanifu mitambo (TEMDO) ilikuboresha kuboresha na kubuni mitambo ya kisasa ya kuzalisha sukari kwa wingi itakayowezesha wakulima na wafanyabiashara kuanzisha viwanda vya kuzalisha sukari hapa nchini.
Sekta ya viwanda nchini ni kiungo muhimu katika ukuzaji wa uchumi wa taifa hali ambayo iliopelekea naibu waziri wa Kilimo Antoni Mavunde kufanya ziara katika taasisi ya ubunifu na usanifu mitambo (TEMDO)na kuona ubunifu wa mitambo ya kilimo itakayokuza biashara ya sukari hapa nchini.
Akiongea katika ziara hiyo Naibu waziri huyo alisema kuwa ni lazima tutengeneze mashine au viwanda ambavyo vitasaidia wakulima kuongeza dhamani katika mazao yao
"Lazima tufikie katika kuongeza dhamani na nyinyi mliopo chini ya wizara ya viwanda , biashara na uwekezaji muakikishe mnafanya kazi ya kutengeneza mitambo ya kuongeza dhamani na hasa katika mazao ya kilimo ,uvuvi pamoja na mifugo mmepewa jukumu kubwa kama temdo na mimi ningependa kila siku muendelee kuja na bunifu mbalimbali " alisema
Alisema kuwa wanaamini mitambo hii ikikamilika kwa muda muaafaka kama walivyomuaidi hadi kufika mwezi June itasaidia kumtoa mkulima katika ukulima wa miwa na kwenda kuwa mzalishaji wa sukari.
"Niwaombe muendelee kuboresha huduma mnayo nafasi kubwa ya kuwasaidia wananchi ,pia nimpongeze mkurugenzi wa bodi ya sukari Kwa bunifu walioufanya na kuamua kushiriana na TEMDO mlikaa na kutafuta jinsi ya kumsaidia mkulima kuondoka na tatizo la miwa kubaki shambani na kuharibuka ,kuna kipindi uwezo wa uchakataji wa miwa katika viwanda vikubwa uliwaliwazidi nakuanza kutokuchukuwa miwa ya wakulima ,bodi iliamua kuchukuwa hatua kwamba huyu mkulima aliekwenda shambani akaweka mda wake akatumia gharama leo miwa yake inaozea shambani hali ambayo ilikuwa inawavunja moyo wakulima ,lakini pia kama nchi tulikuwa tunajipunguzia mapato lakini pia tulikuwa tunawafanya watu wachukie kilimo hivyo Mtambo wa Kuzalisha Sukari utamuokoa mkulima .
Alibainisha kuwa mtambo huu utasaidia kuongeza dhamani ya mazao ya kilimo kwa yule mkulima ambaye analima miwa na yupo sehemu ambayo awezi kupeleka miwa yake katika kiwanda kikubwa na utasaidia kukuza uchumi wetu wa nchi yetu ,na alisisitiza kuwa lazima taasisi hizo zijikite katika kutengeneza mitambo itakayo saidia kuongeza thamani katika mazao ya Kilimo ,Mifugo na Uvuvi.
Kwa upande wake mkurugenzi wa bodi ya sukari Prof.Keneth Bengesi alisema kuwa lengo la kutengeneza mashine hii ni kuhakikisha wanamsaidia mkulima pamoja na kuhakikisha kwamba hawauzi mazao ya miwa ambayo hayajaongezewa dhamani maana mkulima anapoongeza thamani mazao yake anapata pesa nyingi zaidi .
Mkurugenzi wa taasisi ya ubunifu na usanifu mitambo (TEMDO) Muhandisi Prof. Frederick Kahimba alisema kuwa wameshaanza kutengeneza mitambo mbalimbali itakayomsaidia mwananchi na kuhakikisha yale matatizo ambayo yapo katika wizara ya kilimo wao kama Taasisi ya usanifu wanayatatua na kufanyia kazi.
Post A Comment: