Articles by "IAA"
Showing posts with label IAA. Show all posts

on August 24, 2026

 


Chuo cha Uhasibu Arusha (IAA) kimeandika historia mpya mkoani Manyara kwa kuzindua rasmi utoaji wa programu Shahada (Degree) katika Kampasi ya Babati. 

Hafla hiyo ya uzinduzi wa 'Bachelor of Accountancy with Information Technology' na "Bachelor of Computer Science' imeongozwa leo Agosti 24, 2026 na Naibu Spika wa Bunge, Mhe. Daniel Sillo.

Mhe. Sillo amesema wahitimu wa programu hizo watakuwa sehemu ya kizazi kipya cha wabunifu watakaosadia kuimarisha matumizi ya Teknolojia katika sekta ya fedha, elimu, afya,biashara, kilimo, utalii, viwanda na utoaji wa huduma za serikali.

Mkuu wa Chuo IAA, Prof. Eliamani Sedoyeka amesema" hatua hii ni mkakati wa IAA kuunga mkono juhudi za Serikali kusogeza elimu bora kwa wananchi na kuhakikisha wanapata elimu inayokidhi mahitaji ya dunia ya sasa na baadaye".

Aidha, Prof. Eliamani Sedoyeka ametangaza kuwa wanafunzi wote wa mwaka wa kwanza watapatiwa huduma ya hosteli bure  hatua inayolenga kupunguza gharama kwa wazazi na kuwawezesha wanafunzi kusoma katika mazingira salama na tulivu.

Kampasi ya Babati ilianza mwaka 2014 ikiwa na wanafunzi 272, sasa ina wanafunzi 728 na IAA  inalenga kuongeza idadi ya wanafunzi Babati hadi 6,000 ifikapo mwaka 2031.

Aidha, IAA inaandaa mkakati wa kuanzisha programu za  elimu inayozingatia ujuzi (skills-based curriculum) katika maeneo kama Kilimo biashara, Uchakataji wa chakula,Uchakataji wa ngozi,Uhandisi wa uchomeleaji.Lengo ni kuwaandaa vijana wenye ujuzi wa vitendo, kuongeza fursa za kujiajiri na kuajiriwa, na kuendana na mahitaji ya soko la ajira.















soma zaidi »

on August 02, 2026

 

MKUU wa Kampasi ya Dodoma wa Chuo cha Uhasibu Arusha,Prof. Epaphra Manamba,akizungumza na waandishi wa habari leo Agosti 2,2026 kwenye banda la chuo hicho akimwakilisha Mkuu wa Chuo, Profesa Eliamani Sedoyeka,wakati wa Maonesho ya 49 ya Kilimo ya Nane Nane yanayoendelea katika viwanja vya Dkt. John Samuel Malecela Nzuguni jijini Dodoma, 


MKUU wa Kampasi ya Dodoma wa Chuo cha Uhasibu Arusha,Prof. Epaphra Manamba,amesema wanaendelea kuandaa wataalamu wenye ujuzi na uwezo wa kutumia teknolojia za kisasa katika uzalishaji, usimamizi na biashara ya mazao, hatua itakayochangia kuongeza tija, ushindani na thamani ya sekta ya kilimo nchini.

Akizungumza katika Maonesho ya 49 ya Kilimo ya Nanenane yanayoendelea katika viwanja vya Dkt.John Malecela Nzunguni jijini Dodoma, Mkuu wa Kampasi ya Dodoma wa Chuo cha Uhasibu Arusha, Prof.Epaphra Manamba, akimwakilisha Mkuu wa Chuo, Profesa Eliamani Sedoyeka, amesema IAA imeamua kushiriki maonesho hayo ili kuwa karibu na wakulima, kutoa elimu na kuonesha mchango wa taaluma katika kuimarisha uzalishaji wa kilimo nchini.

Amesema sekta ya kilimo ndiyo uti wa mgongo wa uchumi wa Tanzania kwa kuwa inategemewa na takribani asilimia 65 ya nguvu kazi ya Taifa, lakini bado mchango wake katika Pato la Taifa ni takribani asilimia 26 pekee, hali inayoonesha kuwa kuna nafasi kubwa ya kuongeza tija kupitia matumizi ya maarifa, teknolojia na usimamizi bora wa biashara.

"Kilimo kinahitaji nguvu kazi yenye ujuzi, ubunifu na maarifa ya kisasa. Ndiyo maana Chuo cha Uhasibu Arusha kinaendelea kutoa programu mbalimbali za biashara, uchumi, fedha na teknolojia ili kuwajengea uwezo wataalamu watakaosaidia kuifanya sekta ya kilimo iwe yenye ushindani na yenye mchango mkubwa zaidi katika uchumi wa Taifa," amesema Prof.Manamba.

Ameeleza kuwa pamoja na changamoto za mitaji zinazowakabili wakulima wengi pamoja na utegemezi wa zana duni za kilimo, bado kuna fursa kubwa ya kuongeza uzalishaji endapo wakulima wataunganishwa na taasisi za kifedha pamoja na huduma za kitaalamu zitakazowezesha upatikanaji wa mitaji na uwekezaji katika teknolojia za kisasa.

Prof.Manamba amesema IAA imejikita pia katika kufundisha teknolojia zinazoibukia ikiwemo Akili Unde (Artificial Intelligence - AI), ambapo wanafunzi wa chuo hicho tayari wamebuni mifumo inayotumia AI kuboresha uzalishaji wa mazao kama vitunguu kwa lengo la kuongeza tija, kupunguza gharama za uzalishaji na kuifanya kilimo kuwa biashara yenye faida zaidi.

"Hatutaki kuona kilimo kinabaki kwa ajili ya kujikimu pekee. Tunataka wakulima walime kwa mtazamo wa biashara, waongeze thamani ya mazao yao na kuongeza kipato cha familia zao pamoja na kuchangia zaidi katika uchumi wa Taifa," amsisitiza.

Akizungumzia kaulimbiu ya Nanenane ya mwaka huu isemayo "Tambua Soko, Ongeza Tija, Tekeleza Dira ya Taifa 2050," Prof.Epaphra Manamba amesema dira hiyo inalenga kujenga nguvu kazi yenye ujuzi na maarifa inayoweza kuleta mapinduzi katika sekta mbalimbali za uchumi, hususan kilimo.

Amebainisha kuwa taasisi za elimu zina jukumu la kuhakikisha zinatoa wahitimu wenye ujuzi unaoendana na mahitaji ya soko la ajira na mabadiliko ya teknolojia ili kuongeza ufanisi katika uzalishaji na kuifanya Tanzania kufikia malengo ya maendeleo ya Dira ya Taifa 2050.

Amesema kupitia ushiriki wa Maonesho ya Nanenane, Chuo cha Uhasibu Arusha kinaendelea kutoa elimu kwa wananchi kuhusu programu zake mbalimbali na namna zinavyoweza kuwaandaa vijana kuwa wataalamu watakaochangia maendeleo ya kilimo, biashara na uchumi wa kidijitali nchini.

     
 
soma zaidi »

on July 11, 2026

 


Gavana wa Benki Kuu ya Tanzania (BoT), Emmanuel Tutuba, ameipongeza Chuo cha Uhasibu Arusha (IAA) kwa juhudi zake za kuwawezesha vijana kujiajiri kupitia Kituo chake cha Kiatamizi cha IAA Business Start Up Centre, kinachowasaidia kubadili mawazo ya kibunifu kuwa biashara zenye mafanikio.

Tutuba alitoa pongezi hizo alipotembelea banda la IAA katika Maonesho ya 50 ya Biashara ya Kimataifa ya Dar es Salaam (Sabasaba) yanayoendelea katika Viwanja vya Mwalimu Julius Kambarage Nyerere.

Alisema anafurahishwa na maendeleo ya kituo hicho, akieleza kuwa anakumbuka hatua za mwanzo za kuanzishwa kwake na sasa anashuhudia matokeo chanya kupitia vijana wanaobuni na kuanzisha biashara zinazochangia maendeleo ya uchumi.

"Ninakumbuka tulipoanzisha kituo hiki. Leo ninafurahi kuona kinaendelea kuzalisha vijana wenye ubunifu na kuwageuza mawazo yao kuwa fursa za kiuchumi," alisema Tutuba.

Kwa upande wake, Mkuu wa Kitengo cha Ushirikiano wa Kimataifa, Uhusiano na Masoko wa IAA, Sarah Goroi, alisema taasisi hiyo imeendelea kuwekeza katika kuwaandaa vijana kwa kujiajiri kupitia Kituo cha Kiatamizi, sambamba na kutoa elimu inayokidhi mahitaji ya soko la ajira.

Alisema mbali na mafunzo ya darasani, IAA imeweka mazingira rafiki yanayowezesha wanafunzi kuanzisha biashara zao huku wakipata ushauri wa kitaalamu, mafunzo ya ujasiriamali na ufuatiliaji wa karibu ili kuhakikisha mawazo yao yanakua na kuwa biashara endelevu.

Sarah alisema katika mwaka  wa masomo 2024/2025  zaidi  ya vijana 8,600 walinufaika na programu za ujasiriamali, huku vijana 1,520 wakiwasilisha mawazo mbalimbali ya biashara kupitia kituo hicho.

Aliongeza kuwa kati ya mawazo hayo, zaidi ya biashara 50 zilianzishwa na kampuni 12 zikafanikiwa kusajiliwa rasmi, zikijikita katika sekta mbalimbali zikiwemo biashara, teknolojia, sanaa, uhifadhi wa mazingira na shughuli nyingine za kiuchumi.

Alisema kupitia Kituo cha Kiatamizi, wahitimu wengi wamefanikiwa kujiajiri na wengine kuanzisha kampuni zinazowaajiri vijana wenzao, hatua inayochangia kupunguza tatizo la ukosefu wa ajira na kuchochea ukuaji wa uchumi kupitia ubunifu na ujasiriamali.






soma zaidi »

on June 22, 2026


Meneja wa kampasi ya Dodoma ya Chuo cha Uhasibu Arusha (IAA), Prof. Epaphra Manamba amesema katika kuendana na mahitaji ya Dira ya Taifa ya Maendeleo 2050 IAA itaendelea kuwekeza katika mitaala itakayojikita kwenye elimu – ujuzi (Competence based ) na ubunifu ili kuwaandaa wataalam watakaokuwa na uwajibikaji jumuishi katika kujenga Uchumi Jumuishi.

Prof. Manamba ameyasema hayo  wakati akizungumza na waandishi wa habari katika banda la IAA kwenye Maonesho ya Wiki ya Utumishi wa Umma yanayoendelea katika Viwanja vya Chinangali Park jijini Dodoma.

“Dira ya Taifa ya 2050 imeipa sekta binafsi nafasi kubwa, tunapoongelea uwajibikaji jumuishi na uchumi jumuishi sekta binafsi inahusika kwa asilimia 100;sekta binafsi imepewa nguvu kwa sababu maendeleo ya nchi hii yatachangiwa na sekta binafsi na serikali itaandaa miundombinu ili kuiwezesha sekta binafsi kufanya kazi yake”

“Kozi za IAA zinamuandaa mwanafunzi si tu kwamba aende akaajiriwe bali aweze kujiajiri na kuajiri wengine.IAA ina Kiotamizi (Incubator) kazi yake ni kuwasaidia wanafunzi kuandaa mawazo ya biashara, kusimamia waweze kusajili biashara na kampuni zao, kuwaunganisha na wadau, wafadhili wakiwa bado chuoni; wengi wao wamefanikiwa kumaliza masomo yao tayari wakiwa wanamiliki kampuni zao na wanajipatia kipato,” amesema Prof. Manamba.

Mhitimu wa IAA ngazi ya Shaahda na Shahada ya Uzamili Bw. Justine Kitaja,amesema anajivunia kuwa sehemu ya mafaniko ya IAA anaipongeza IAA kwa ubinifu katika kuandaa mitaala yao na kuwawezesha wanafunzi kupata elimu bora inayoendana na mahitaji ambayo inawasaidia katika maeneo wanayofanyia kazi.

soma zaidi »

on June 19, 2026

 


Chuo cha Uhasibu Arusha (IAA) kinaendelea kuwaandaa wanafunzi na walimu kushiriki kikamilifu katika kutangaza Tanzania, vitutio vyake vya Utalii pamoja na chuo hicho kupitia Mashindano ya AFCON yanayotarajiwa kufanyika mwaka 2027.

Hayo yamesemwa na Meneja wa Kampasi ya Dodoma (IAA), Prof. Epaphra Manamba leo tarehe 19 Juni 2026; wakati akizungumza katika Maonesho ya Wiki ya Utumishi wa Umma yanayofanyika katika Viwanja vya Chinangali Park jijini Dodoma.

“Ukizungumzia Arusha unazungumza Utalii, makao makuu ya IAA ni Arusha na sisi IAA tuna programu ya utalii na ukarimu; kwa hiyo wanafunzi wetu watashiriki kikamilifu kufanyia kazi yale waliyojifunza katika eneo la utalii na ukarimu kuanzia kuwapokea wageni mbalimbali, kutangaza nchi yetu na vivutio vyake na chuo chetu pia,” amesema Prof. Manamba.

 Aidha, Prof. Manamba amesema IAA inatambua umuhimu wa elimu katika maendeleo ya nchi na itahakikisha inaendelea kuandaa wataalam wa fani mbalimbali ambao watakuwa na uwajibikaji jumuishi kwa ajili ya kushiriki kujenga uchumi jumuishi kuendana na Dira ya Maendeleo ya Taifa ya 2050.

Katika hatua nyingine Prof. Manamba amesema dirisha la maombi kwa ngazi ya Cheti (Certificate), Stashahada (Diploma)  na Shahada ya Uzamili (Master’s Degree ) limefunguliwa, hivyo akatoa wito kwa watu wenye sifa na vigezo vya kujiunga na IAA katika kutuma maombi yao ili waweze kupata elimu bora inayojibu mahitaji ya wakati ya soko la ajira.

Naye Bw. Justine Kitaja ambaye ni mhitimu wa IAA Shahada ya kwanza na Shahada ya Uzamili  ameipongeza IAA kwa ubunifu wa kutoa shahada ya uzamili kwa mwaka mmoja kupitia mfumo mseto (masomo ya darasani na kwa njia ya mtandao/Blended and Physical classes); jambo linalosaidia kuokoa muda na kuwawezesha wanafunzi kusoma  huku wakiendelea na majukumu yao ya kazi na familia.








soma zaidi »

on February 07, 2026


Chuo cha Uhasibu Arusha (IAA) kimeendelea kutoa wahitimu mahiri wenye ujuzi wa kitaaluma, maadili na uwezo wa kiuongozi, wenye uwezo wa kuleta mabadiliko chanya katika taasisi na jamii wanazozihudumia.

Akizungumza Februari 6, 2026, wakati wa mahafali ya 27 ya wahitimu wa Shahada ya Uzamili ya mwaka 2025 yaliyofanyika katika Ukumbi wa Ngurdoto mkoani Arusha, Mkuu wa Chuo Profesa Eliamani Sedoyeka, amesema maboresho yanayoendelea katika huduma za ufundishaji na ujifunzaji yameiwezesha IAA kuandaa wataalamu wanaokidhi mahitaji ya taifa na soko la ajira.

Prof. Sedoyeka amewasisitiza wahitimu kuzingatia misingi ya uwajibikaji, uadilifu na uzalendo wanapotekeleza majukumu yao huku akiwataka kutumia ujuzi wa kisayansi, tafiti na maadili katika kufanya maamuzi katika maeneo watakayoaminiwa kuyahudumia.

“Mmeandaliwa kuwa viongozi wenye maarifa, maadili na uwezo wa kuongoza mabadiliko chanya katika taasisi na jamii mnazozihudumia, Ni wajibu wenu kuzingatia uwajibikaji, uadilifu na uzalendo katika kila jukumu mtakalotekeleza,” amesema Prof. Sedoyeka.

Akizungumzia mchango wa tafiti zilizofanywa na wahitimu, Mwenyekiti wa Baraza la Uongozi wa Chuo, Dkt. Mwamini Tulli, amesema tafiti hizo ni msingi muhimu katika kuongeza ufanisi wa utendaji kazi, kuboresha utoaji wa huduma na kuchochea ukuaji wa uchumi endelevu.

Dkt. Tulli amesisitiza kuwa matokeo ya tafiti zilizofanywa na wahitimu hazipaswi kubaki kwenye makabati bali yatumike kutatua changamoto halisi zinazolikabili taifa na taasisi zake.

Kwa upande wake, Naibu Waziri wa Fedha, Mhe. Laurent Luswetula, ameupongeza uongozi wa IAA kwa kuendelea kuboresha miundombinu ya kisasa inayoendana na mabadiliko ya teknolojia duniani, hali iliyowawezesha kuzalisha wahitimu wenye uwezo wa kushindana katika soko la ajira ndani na nje ya nchi.

Naibu Waziri amethibitisha kuwa hatua hiyo ni ishara ya dhamira ya huo katika kuhakikisha mifumo ya ufundishaji na ujifunzaji inaendana na mahitaji ya dunia ya sasa na ya baadaye.











soma zaidi »
Subscribe to: Posts (Atom)