Recent Post Recent Post
View More

on October 15, 2026


Na Denis Chambi Tanga

WAKATI Serikali kupitia Wizara  ya Mambo ya ndani ikiendelea kutoa muda kwa wananchi wanaomiliki silaha kinyume na Sheria na kuwataka kuzirejesha kwa hiari Jeshi la Polisi Mkoa wa Tanga limesema kuwa mpaka sasa jumla ya silaha 69 zilizokuwa zikitumiwa kwenye shughuli mbalimbali zimesalimishwa.

Hayo yamebainishwa na Kamanda wa Jeshi la Polisi mkoa wa Tanga (ACP) Almachius Mchunguzi wakati akizungumza katika kipindi cha Radio Maarifa FM ambapo amesema wananchi Mkoani Tanga wameendelea kuitikia wito huo ikiwa silaha hizo ni pamoja na Magobole na Laifo  huku akiwasisitiza kuzingatia mwisho wa muda uliotolewa kuzirejesha kwa hiari ambapo itakuwa ni October 30,2026.

"Mpaka sasa silaha  69 aina ya Magobole na Laifo wananchi wamezisalimisha kupitia mikutano , ofisi za Serikali za Mitaa na vituo vya jeshi la Polisi muitikio umekuwa ni mkubwa lakini bado tunawaomba wale ambao wanaomiliki silaha kinyume cha sheria  waweze kuzisalimisha  ni vizuri sana watu wakakitumia kupitia hiki Cha msamaha"

Aidha Kamanda Mchunguzi amesema kuwa kwa kushirikiana na maafisa wa Jeshi la Polisi mkoani humo wameendelea na kampeni ya 'Sema na Kamanda' yenye lengo la kuongea na wananchi kupitia mikutano mbalimbali ya hadhara ambapo inatoa fursa ya kusikiliza kero, kupokea maoni na ushauri mbalimbali kutoka kwa wananchi lengo likiwa ni kuendelea kujenga ushirikiano wa pamoja  na kuimarisha hali ya ulinzi na usalama kwa wananchi na mali zao.

Amewataka wananchi kujitokeza kwenye mikutano hiyo ya hadhara ambayo inawapa fursa ya kuelezea changamoto zao, kutoa ushauri na maoni sambamba na kupata elimu kutoka Jeshi la Polisi  juu ya masuala ya usalama kuanzia ngazi ya jamii.

"Tumeshaanza kampeni ya Sema na Kamanda' maana yake ni Kamanda pamoja na waandamizi wake kutoka maofisini  kwenda kuongea nao katika nyanja za kupata ushauri katika masuala ya kiusalama , mapendekezo lakini na kusikiliza zile  kero ambazo zinahusiana na masuala ya kiusalama ambazo zinaweza zikasababisha watu kufanya jinai lengo kuu ni kuzuia uhalifu usitendeke" amesema Kamanda huyo.

Katika hatua nyingine Kamanda Mchunguzi amesema kuwa dhamana ambayo ni haki ya kisheria kwa kila mmoja hairuhusiwi kutoa au kupokea rushwa ili kupata huduma hiyo kwa wahalifu  akiwataka wananchi kutoa taarifa pale watakapotakiwa kutoa pesa ili wapatiwe dhamana.

Ameongeza kuwa kwa mkoa wa Tanga kumekuwa na migogoro ya mara kwa mara inayotokea baina ya wakulima na wafugaji wengi wao kujichukulia sheria mkononi na hatimaye kupelekea uvunjifu wa amani katika jamii ambapo amesema Jeshi la Polisi limeendelea kutoa elimu  kwa wananchi kufuata sheria pale panapotokea  makosa yeyote kwenye jamii.

"Migogoro ya wakulima na wafugaji imekuwa ikileta madhara  ya watu kuumizana na kuharibiana mali tumekuwa tukitoa elimu hasa ya watu kutokujichukulia sheria mkononi pale anapohisi amekosewa basi afuate utaratibu wa kisheria moja wapo ni kuripoti Jeshi la Polis na sisi tutashughulikia" amesema Kamanda huyo.

Pamoja na hayo ACP Mchunguzi amewasisitiza wananchi wote kwa ujumla mkoani humo kuonyesha uzalendo kwa Taifa katika kuhakikisha amani inalindwa na kutunzwa kuanzia ngazi ya familiya ambayo itawasaidia kushiriki katika shughuli za kiuchumi na kuwawezesha kujipatia kipato cha kila siku.





soma zaidi »

on October 14, 2026

NA EMMANUEL MBATILO, PWANI

MKUU wa Wilaya ya Kisarawe, Petro Magoti, amewapongeza wanachama wa Umoja wa Maendeleo ya Kiluvya (KIUMA) kwa kudumisha umoja na mshikamano unaowawezesha kusaidiana katika changamoto za kijamii.

soma zaidi »

on October 14, 2026

 

Waziri wa Nchi, Ofisi ya Waziri Mkuu – Kazi, Ajira na Mahusiano, Mhe. Deus Sangu (Watatu kulia), akipokea mfuko wenye machapisho mbalimbali yahusuyo utekelezaji wa majukumu ya Mfuko wa PSSSF, kutoka kwa Afisa Uhusiano wa Mfuko huo, Bi. Zaituni Hemed, alipotembelea banda la Mfuko katika Maonesho ya Maadhimisho ya Wiki ya Vijana Kitaifa, yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa. Maonesho hayo yanafikia kilele leo, Oktoba 14, 2026.

Waziri wa Nchi, Ofisi ya Waziri Mkuu – Kazi, Ajira na Mahusiano, Mhe. Deus Sangu (katikati), akiwa katika picha ya pamoja na watumishi wa PSSSF alipotembelea banda la Mfuko huo katika Maonesho ya Maadhimisho ya Wiki ya Vijana Kitaifa, yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa. Maonesho hayo yanafikia kilele leo, Oktoba 14, 2026.


Waziri wa Nchi, Ofisi ya Waziri Mkuu – Kazi, Ajira na Mahusiano, Mhe. Deus Sangu, akisaini kitabu cha wageni alipotembelea banda la PSSSF katika Maonesho ya Maadhimisho ya Wiki ya Vijana Kitaifa yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa.


Mwanachama wa PSSSF akipatiwa huduma na mtumishi wa Mfuko huo katika banda la PSSSF wakati wa Maonesho ya Maadhimisho ya Wiki ya Vijana Kitaifa yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa.


Mwanachama wa PSSSF akipatiwa huduma na mtumishi wa Mfuko huo katika banda la PSSSF wakati wa Maonesho ya Maadhimisho ya Wiki ya Vijana Kitaifa yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa.


Mwanachama wa PSSSF akipatiwa huduma na mtumishi wa Mfuko huo katika banda la PSSSF wakati wa Maonesho ya Maadhimisho ya Wiki ya Vijana Kitaifa yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa.


Mwanachama wa PSSSF akipatiwa huduma na mtumishi wa Mfuko huo katika banda la PSSSF wakati wa Maonesho ya Maadhimisho ya Wiki ya Vijana Kitaifa yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa.


Sumbawanga, Oktoba 

Na Mwandishi Wetu, Sumbawanga

Waziri wa Nchi, Ofisi ya Waziri Mkuu – Kazi, Ajira na Mahusiano, Mhe. Deus Sangu, ameupongeza Mfuko wa Hifadhi ya Jamii kwa Watumishi wa Umma (PSSSF) kwa juhudi zinazofanywa katika kuboresha huduma na kuhakikisha wanachama na wastaafu wanapata mafao yao kwa wakati.

Mhe. Sangu ametoa pongezi hizo Oktoba 13, 2026, alipotembelea banda la PSSSF katika Maonesho ya Maadhimisho ya Wiki ya Vijana Kitaifa, yanayofanyika katika Viwanja vya Shule ya Msingi Ndua, Manispaa ya Sumbawanga, mkoani Rukwa. Maonesho hayo yanafikia kilele leo, Oktoba 14, 2026.

“Hongereni, mnafanya kazi nzuri sana, endeleeni hivyo hivyo. Kabla ya kuja hapa, nilifungua semina ya wastaafu watarajiwa wa PSSSF na kuwaeleza kuwa chini ya Serikali ya Awamu ya Sita inayoongozwa na Mhe. Dkt. Samia Suluhu Hassan, Mfuko umeimarika na unaendelea kutekeleza majukumu yake kwa ufanisi, ikiwemo kulipa mafao kwa wakati. Hivyo, endeleeni kufanya kazi nzuri ili wastaafu wetu waendelee kufurahia huduma za Mfuko wao,” alisema Mhe. Sangu.

Aidha, Mhe. Sangu alielezwa kuwa PSSSF inashiriki maonesho hayo kwa lengo la kuwafikia wanachama na wananchi kwa ujumla, kutoa elimu kuhusu hifadhi ya jamii na kuwahudumia wanachama, wakiwemo wastaafu.

Kupitia maonesho hayo, PSSSF inaendelea kutoa elimu kuhusu umuhimu wa hifadhi ya jamii, maandalizi ya kustaafu na huduma mbalimbali zinazotolewa na Mfuko. Vilevile, maonesho hayo yanatoa fursa kwa wananchi kufahamu maboresho yaliyofanyika katika mifumo ya utoaji huduma na mafao, hatua inayolenga kurahisisha upatikanaji wa huduma kwa wanachama.

Mwisho.

soma zaidi »

on October 14, 2026


Na Denis Chambi Tanga,

WANANCHI wameshauriwa kuwa na desturi ya kunywa maziwa mara kwa mara ili kuweza kuimarisha afya zao kutokana na Madini, vitamini na virutubisho mbalimbali vinavyopatikana ndani yake hali ambayo itasaidia pia kuimarisha afya ya akili.

Wito huo umetolewa na Meneja masoko kutoka Bodi ya maziwa Tanzania Joseph Semu wakati akieleza hali ya uzalishaji wa maziwa kwa sasa mbele ya Naibu katibu mkuu Wizara  ya Kilimo Profesa Petter Msoffe wakati alipotembelea Banda lao katika maadhimisho ya chakula Duniani yanayofanyika kitaifa mkoani Tanga ambapo amesema kuwa  hali ya unywaji wa maziwa kwa wananchi ipo chini ukilinganisha na kiwango kinachotakiwa kwa mwaka

"Hali ya uzalishaji wa maziwa kwa sasa ni Lita Bilion 4.2 wakati mahitaji ni Lita Bilion 13 tuko chini na hatua zinaendelea kufanyika ikiwemo Serikali kupitia mradi mkubwa  wa mageuzi ya tathnia ya maziwa nchini ambao utakuja kuongeza uzalishaji wa kuboresha mifumo ya ukusanyaji na uchakataji wa maziwa nchini kwa kuboresha vituo ambavyo vinatumika kuimarisha mifugo  ili waweze kupatikana N'gombe bora lengo pia ni kumpunguzia mfugaji gharama za ufugaji anazotumia " amesema.

Semu amesema kuwa kwa wastani mtu kwa mwaka anatakiwa kutumia Lita 200 lakini kiwango hicho kipo chini ambapo kwa sasa zinatumika Lita 75 pekee hali ambayo wananchi wanapaswa kuhamasika zaidi.

Afisa Masoko kutoka Bodi ya Maziwa Tanzania Joseph Semu akitoa elimu ya unywaji wa maziwa kwa watoto wakati walipotembelea Banda lao kwenye maadhimisho ya siku ya chakula Duniani yanayoendelea kufanyika Mkoani Tanga 

"Tunahamasisha wananchi kuendeleza utamaduni wa kupenda kunywa maziwa zipo faida nyingi ambazo zinaambatana na unywaji wa maziwa, ndani ya maziwa kuna Madini, protini na Kila aina ya virutubisho vinavyosaidia mwili wa binadamu na kustawisha afya ya akili ndio maana tunahamasisha katika familia angalau kwa mtoto Kila anapopata chakula asikose glasi ya maziwa" amesema Semu.

Meneja huyo ameeleza kuwa Hadi kufika hasa Tanzania ina jumla ya vituo 275 vya kukusanya maziwa  usindikaji wa maziwa ukiongezeka kwa mwaka hadi Lita Milioni 101.5 wakati uwekezaji tukiendelea kukua na kufikisha viwanda 187 uzalishaji ukiongezeka na kufikia Bilion 4.2.
Naibu katibu mkuu Wizara ya Kilimo Profesa Petter Msoffe (kushoto) akizungumza na Meneja masoko kutoka Bodi ya maziwa Tanzania Joseph Semu wakati alipotembelea Banda lao kwenye maadhimisho ya siku ya chakula Duniani yanayofanyika Kitaifa mkoani Tanga.

"Mpaka sasa vituo vya kukusanya maziwa vimefikia 275 nchini kote ambako Hawa wachakataji wanakwenda kuchukua na kupeleka kwenye viwanda  lakini pia usindikaji wa maziwa umeongezeka  mpaka sasa tunasindika wastani wa Lita Milion 101 lakini hata viwanda vyenyewe vimeendelea kuongezeka nchini vikubwa na vidogo Hadi kufikia 187"

Kwa upande wake Afisa mauzo na  masoko kutoka Kiwanda cha Maziwa cha Tanga Fresh  Nassoro Mkutu amesema kuwa wanaendelea kuboresha bidhaa hiyo ambayo  imekuwa ikitumika ndani na nje ya nchi ili kuwavutia zaidi wateja.

Afisa Masoko kutoka Kiwanda cha Maziwa cha Tanga Fresh Nassoro Mkutu (kulia) akitoa maelezo kwa Naibu katibu mkuu Wizara ya Kilimo Profesa Petter Msoffe wakati alipotembelea Banda lao kwenye maadhimisho ya siku chakula Duniani yanayofanyika kitaifa mkoani Tanga 

"Tunaendelea kupambana kama Tanga Fresh kuhakikisha ubora wa maziwa yetu unabaki kama ilivyokuwa siku zote ili bidhaa zetu ziendelee kupendwa ndani na nje ya nchi" amesema Afisa huyo.
soma zaidi »

on October 14, 2026


 
Miss Shinyanga 2026 Norah Eustadius Justas
Miss Shinyanga 2026 Norah Eustadius Justas

KAHAMA, SHINYANGA – 11 OKTOBA 2026

Mlimbwende Norah Eustadius Justas kutoka Wilaya ya Kishapu ametwaa rasmi taji la MISS SHINYANGA 2026 katika fainali iliyofanyika Zakaria Hall – Miligo, Kahama, chini ya uratibu wa HOLYSMILE.
soma zaidi »

on October 14, 2026
Naibu Katibu Mkuu Wizara ya Kilimo Prof. Peter Msoffe Oktoba 13,2026 ameongoza zoezi la ugawaji maziwa kwa wanafunzi wa shule za msingi na zile za mahitaji maalum zilizopo Halmashauri ya jiji la Tanga na ila ya Mkinga mkoani Tanga.
soma zaidi »

on October 14, 2026

 


Na: OWM – TAMISEMI, Kalambo - Rukwa


‎Mke wa Hayati Baba wa Taifa, Mama Maria Nyerere leo Oktoba 13 2026, amezindua rasmi Daraja la Maria Nyerere lililopo mto Kalambo katika barabara ya Kasitu-Nondo lenye thamani ya shilingi bilioni 4.7 ambao limejengwa na Serikali kupitia Wakala ya Barabara za Vijijini na Mijini (TARURA).

‎Akizungumza katika hafla ya uzinduzi wa daraja hilo, Mama Maria Nyerere amemshukuru Mhe. Rais Dkt. Samia Suluhu Hassan na wananchi wa Kalambo kwa kumpatia heshima ya kulizindua daraja ambalo limepewa jina lake, daraja ambalo limeimarisha miundombinu ya usafiri na usafirishaji, kurahisisha mawasiliano na kuimarisha upatikanaji wa huduma kwa wananchi.

Naye, ‎ Waziri wa Nchi, Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amemshukuru Mhe. Rais Dkt. Samia Suluhu Hassan kwa kuridhia kiasi cha shilingi billioni 4.7 zitumike katika ujenzi wa daraja hilo lenye urefu wa mita 80, kina cha mita 7 na upana wa mita 10.5 ambalo linalounganisha kata ya Sopa na Mpombwe katika wilaya ya Kalambo mkoani Rukwa.

“Namshukuru Mhe. Rais kwa kuamua daraja hili liitwe jina la Mama Maria Nyerere na namshukuru sana Mama Maria Nyerere kwa kukubali daraja hili liitwe jina lake pamoja na kukubali ombi la kuja kulizindua rasmi, ili  kuchochea uchumi na kufungua fursa kwa wananchi wa Kalambo na nchi jirani hususan katika shughuli za usafiri na usafirishaji,” ameeleza Prof. Shemdoe.

Kwa upande wake, Mbunge wa Jimbo la Kalambo Mhe. Edfonce Kanoni amesema daraja hilo ni kiungo cha uchumi katika Jimbo la Kalambo kwani kutoka lilipo ukitembea kilomita 22 linawaunganisha wananchi na fursa ya mpaka wa Zambia ambao una maporoko makubwa ya Kalambo Falls ya kihistoria yenye urefu wa mita 200 kutoka juu, hivyo litachochea uchumi lakini ni fursa kwa wananchi wa nchi hiyo jirani kulitumia kiuchumi.

Mwenyekiti wa Kijiji cha Kasitu Bw. John Sizo amempongeza Mhe. Rais kwa kuwezesha ujenzi wa daraja hilo, ambalo kabla ya kujengwa lilikuwa ni chanzo cha vifo vya wananchi wa kijiji chake na kuongeza kuwa, anashukuru ujenzi wa daraja hilo limewawezesha kumuona Mama Maria Nyerere, Mke wa Hayati Baba wa Taifa Mwalimu Julius Kambarage Nyerere.

Diwani wa Kata ya Mpombwe Mhe. Paulo Kasitu amesema, daraja hilo limekuwa ni mkombozi wa kata za kata ya Sopa na Mpombwe kwani kabla ya kukamilika kwa ujenzi wa daraja hilo wamepoteza akina mama wengi sana na kuongeza kuwa binafsi ameshuhudia vifo kwa akina mama wapatao saba.

Aidha, Mwenyekiti wa Halmashauri ya Kalambo Mhe. Leopard Mbita amemshukuru Mhe. Rais Dkt. Samia Suluhu Hassan kwa kumleta Mama Maria Nyerere Kalambo na hatimaye kuwapatia fursa wananchi  kumshuhudia mama ambaye ni chanzo cha taifa kuishi kwa Amani kutokana ushauri mzuri aliokuwa akimpatia Hayati Baba wa Taifa Mwalimu Julius Kambarage Nyerere.

Daraja hilo lililozinduliwa leo, lilipewa jina la Maria Nyerere na Rais wa Jamhuri ya Muungano wa Tanzania, Mhe. Dkt. Samia Suluhu Hassan wakati wa ziara yake ya kikazi mkoani Rukwa mwaka 2024.



















soma zaidi »

on October 14, 2026
RUKWA, Oktoba 2026 – Shirika la Viwango Tanzania (TBS) limewahimiza vijana wajasiriamali nchini kuzingatia viwango na ubora wa bidhaa wanazozalisha ili kuongeza ushindani katika soko na kutumia fursa mbalimbali za kiuchumi zinazopatikana nchini na nje ya nchi.
soma zaidi »

on October 14, 2026


Mamlaka ya Afya ya Mimea na Viuatilifu (TPHPA) imeendelea kutoa elimu na kusimamia hatua mbalimbali za kulinda afya ya mimea, kudhibiti visumbufu na kuhakikisha mazao yanayozalishwa na kuingia nchini yanakuwa salama kwa matumizi ya binadamu.

Akizungumza jijini Tanga katika maadhimisho ya Siku ya Chakula Duniani yanayoendelea kuanzia Oktoba 10 hadi 16, Saumu Zuberi Mwessongo, Afisa Kilimo kutoka TPHPA, Kitengo cha Usafi wa Mimea na Karantini, amesema mamlaka hiyo hukagua mazao yanayoingia na kutoka nchini ili kuzuia kuenea kwa wadudu na magonjwa vamizi ambayo hayapo nchini.


Mwessongo amesema TPHPA hutumia teknolojia mbalimbali, ikiwemo ndege nyuki (drone), kufuatilia mashamba na kubaini maeneo yaliyoathirika na wadudu au magonjwa ya mimea. Aidha, mamlaka hiyo hutoa elimu kwa wakulima kuhusu uchaguzi na matumizi sahihi ya viuatilifu vilivyosajiliwa ili kulinda mazao na afya za walaji.

Ameeleza kuwa mamlaka hiyo pia hutoa vibali vya usafi wa mimea kwa mazao yanayoingizwa nchini na yale yanayosafirishwa kwenda nje ya nchi. Amesema kupitia ukaguzi wa shehena za mazao, TPHPA huchukua hatua za kuzuia kuingia nchini kwa mazao yaliyobainika kuwa na wadudu au magonjwa vamizi, huku ikitoa maelekezo ya hatua zinazopaswa kuchukuliwa pale changamoto zinapobainika.


Kwa upande wake, Letan Kurenia Mollel, mtaalamu kutoka Kitengo cha Hifadhi ya Taifa ya Mimea (National Herbarium of Tanzania), amesema kitengo hicho hukusanya sampuli za mimea na kufanya utambuzi wa kisayansi ili kubaini aina zake, hasa mimea isiyofahamika ambayo inaweza kuwa vamizi.

Mollel amesema mimea vamizi inaweza kuenea kwa kasi na kuathiri uzalishaji wa mazao kwa kushindana na mimea ya chakula, hali inayoweza kupunguza mavuno ya wakulima. Pia, mimea hiyo inaweza kuathiri maeneo ya malisho kwa kuenea na kuchukua nafasi ya mimea inayoliwa na mifugo na wanyamapori, hivyo kuathiri upatikanaji wa chakula cha mifugo.

Amesema utambuzi wa mapema wa mimea vamizi ni muhimu ili kuwezesha hatua za udhibiti kuchukuliwa kabla haijaenea na kusababisha madhara makubwa kwa kilimo na mazingira. Juhudi hizo zina mchango katika kulinda uzalishaji wa chakula na kuimarisha usalama wa chakula nchini.


Naye, Mapulish D. Hebel kutoka Kitengo cha Teknolojia za Vinyunyizi vya Viuatilifu cha TPHPA amesema mamlaka hiyo husimamia usajili na ukaguzi wa vifaa vya kunyunyizia viuatilifu vinavyoingia nchini ili kuhakikisha vinakidhi vigezo vya ubora na vinafaa kwa matumizi ya kilimo.

Hebel amesema mamlaka hiyo pia hutoa mafunzo kwa wakulima kuhusu matumizi sahihi na salama ya viuatilifu, namna ya kudhibiti visumbufu vya mimea na mbinu bora za kunyunyizia dawa. Ameeleza kuwa mafunzo hayo yanalenga kupunguza gharama za uzalishaji, kuongeza tija na kupunguza madhara ya viuatilifu kwa afya ya binadamu na mazingira.

Kwa upande wake, Masoud Matimbwa kutoka Kitengo cha Kudhibiti Visumbufu vya Mlipuko cha TPHPA amesema mamlaka hiyo imefanikiwa kudhibiti kwelea kwelea kwa kiwango kikubwa katika maeneo ya Babati, Moshi, Pwani na Kilosa, hatua inayosaidia kulinda mazao ya wakulima na kuongeza kipato chao.

Matimbwa amewataka wakulima kukagua mashamba yao mara kwa mara na kutoa taarifa mapema wanapobaini dalili za uvamizi wa visumbufu vya mimea ili hatua za udhibiti zichukuliwe kabla havijasababisha uharibifu mkubwa wa mazao. Amesema utambuzi wa mapema utasaidia kuokoa mazao na kuongeza tija katika uzalishaji wa chakula.

Akizungumza, Alfred Kiraho, mtaalamu kutoka Idara ya Usimamizi wa Viuatilifu ya TPHPA, amewashauri wafanyabiashara wanaosafirisha mazao nje ya nchi kupeleka sampuli maabara kupima masalia ya viuatilifu kabla ya kusafirisha, na hatua hiyo husaidia kuhakikisha mazao yanakidhi viwango vya usalama vinavyotakiwa katika masoko ya kimataifa, huku majibu ya maabara hiyo yakiaminika na kukubalika duniani.
soma zaidi »

on October 13, 2026


Na Mwandishi Wetu - Monduli

Mkuu wa Wilaya ya Monduli Mhe. Gloriana Kimath amezindua Mpango wa Kujiandaa na Kukabiliana na Maafa wa Halmashauri ya Wilayani ya Monduli ukiwa na lengo la kutoa miongozo na taratibu za kujiandaa na kukabili maafa katika halmashauri ya wilaya hiyo na hasa tunapoelekea katika mvua za msimu zinatotarajiwa.

Mhe. Kimath amezindua mpango huo sambamba na kufungua kikao kazi cha Kamati za Usimamizi wa Maafa za Wilaya ya Monduli na kuimarisha utoaji wa matumizi ya taarifa za tahadhari za awali katika kujiandaa na kukabiliana na madhara ya El Niño leo Oktoba 13, 2026 katika ukumbi wa mikutano wa halmashauri ya wilaya hiyo.

Akizungumza wakati wa uzinduzi wa mpango huo Mhe. Kimath amewataka Kamati za Usimamizi wa Maafa za Wilaya, wataalamu na wadau mbalimbali kufanya kazi kwa ushirikiano ili kuwa na uelewa wa pamoja wa namna ya kukabiliana na maafa.

“Katika juhudi za kuwa na utayari wa kukabiliana na majanga na usimamizi wa maafa kwa ufanisi, Halmashauri ya Wilaya ya Monduli imeshirikiana na Ofisi ya Waziri Mkuu katika kutambua umuhimu wa kuandaa Mkakati wa Kupunguza Vihatarishi vya Maafa unaotoa mwongozo wa namna ya kuratibu na kusimamia upuguzaji wa vihatarishi vya maafa katika wilaya yetu” ameeleza Mhe. Kimath.

Kwa upande wake, Mkurugenzi Msaidizi Ofisi ya Waziri Mkuu Sera, Bunge, Uratibu na Wenye Ulemavu, Dkt. Salum Manyatta amesema kuwa, mpango huo umeandaliwa kwa kuzingatia matokeo ya Tathmini ya Vihatarishi na Uwezo wa wilaya wa kukabiliana na maafa, pamoja na historia ya matukio ya maafa yaliyoikumba Halmashauri ya Wilaya ya Monduli.

“Mpango huu ni matokeo ya mchakato shirikishi uliohusisha taasisi na wadau mbalimbali wa usimamizi wa maafa katika ngazi ya wilaya hivyo tunatarajia mpango huu utawezesha masuala mbalimbali ikiwemo uratibu wa shughuli za usimamizi wa maafa katika hatua zote za usimamizi wa maafa (Kuzuia, Kujiandaa, Kukabili na Kurejesha hali)” amefafanua Dkt. Manyatta.

Aidha, Dkt. Manyatta amesisitiza kuwa, mpango huo utekelezwe usibaki kwenye makaratasi kwani ni nyenzo ya usimamizi wa maafa, hivyo unapaswa kuunganishwa na mipango, bajeti na shughuli za maendeleo za wilaya, pia Kamati za Usimamizi wa Maafa kwa kushirikiana na wadau  zihakikishe upatikanaji na utengaji wa rasilimali zinazohitajika kwa ajili ya utekelezaji wake.

Nae, Mwakilishi kutoka Shirika la Mpango wa Chakula Duniani (WFP) Bi.Sandra  Hakim, amepongeza mamlaka za Halmashauri ya wilaya na wadau wote waliohusika katika kuandaa mpango huo.

“Hii ni hatua muhimu kuelekea kuimarisha utayari na kuhakikisha kuwa tumejipanga vyema kulinda jamii na maisha ya watu pale majanga yanapotokea, tunapoelekea kwenye utekelezaji hitaji la kujumuisha  hatua za mapema katika mpango huu, maandalizi yasijikite katika kujua jinsi ya kukabili janga linapotokea bali pia kuhusu kuchukua hatua kabla halijatokea” amesema Bi. Sandra.

Tathmini ya vihatarishi iliyofanyika katika Halmashauri ya Wilaya ya Monduli inaonesha kuwa halmashauri hiyo inakabiliwa na majanga makuu Matano ambayo ni ukame, mafuriko, migongano ya wanyamapori na binadamu, moto na ajali za barabarani.


soma zaidi »

on October 13, 2026


Waziri wa Viwanda na Biashara Mhe. Judith Kapinga (Mb), amezindua huduma ya Bongo kama China itakayowawezesha wafanyabiashara kuagiza na kufanya malipo hapa mchini bila kubadilisha fedha za kigeni kwa ajili ya bidhaa kutoka nchini China.

Waziri Kapinga amesema mfumo huo wa kidijitali una lengo la kuhamasisha matumizi ya teknolojia za kidijitali katika malipo na miamala ya kibiashara kwa wafanyabiashara na sekta binafsi kwa lengo la kuongeza ufanisi na usalama kwa wafanyabiashara.

Aliongeza kuwa mfumo huu uliobuniwa na benki ya Stanbic kwa wanyabiashara wa kariakoo, ni chachu ya kuleta mabadiliko na utanusuru fedha za kigeni ambazo zitatumika kwa ajili ya shughuli nyingine za mauzo na manunuzi ya nje.

Awali akizungumza wakati wa uzinduzi huo uliofanyika kwenye soko la Kariakoo,mwakilishi wa Mkurugenzi wa Benki ya Stanbic Bwana Jonath Ngoma amesema, waliamua kuja na huduma hii kwa lengo la kuwapunguzia adha wafanyabiashara kubeba fedha nyingi kwa wakati mmoja sambamba na kuepuka vikwazo, muda na kudhulumiwa.

Amesema huduma hii itamsaidia mfanyabiashara kupata risiti kwa wakati na kuwa na kumbukunbu sahihi za biashara na kupunguza mlolongo wa ucheleweshaji.

Hafla hiyo iliandaliwa na benki ya Stanbic kwa kushirikiana na Wasafi Media na jumuiya ya wafanyabiashara wa soko la kariakoo, Mkuu wa wilaya ya Ilala Edward Mpogole na Diwani wa kariakoo Hajji Manara na umoja wa wafanyabiashara maarufu kama Wamachinga.
soma zaidi »
Subscribe to: Posts (Atom)