Naibu Katibu Mkuu wa Wizara ya Fedha, Bw. Elijah Mwandumbya, akieleza mchango wa Shirika la Maendeleo la Kimataifa la Japan (JICA) na Mpango wa Japan Overseas Cooperation Volunteers (JOCV) katika kukuza maendeleo ya kijamii na kiuchumi, wakati wa hafla ya kuadhimisha miaka 60 tangu kuanzishwa kwa Mpango wa JOCV, iliyofanyika jijini Dar es Salaam.
📌 Asema ziara ya Makamu wa Rais Mbinga kufungua fursa za viwanda na miundombinu Nyanda za juu kusini;
📌 Wizara kupitia WRRB kushiriki kusimamia utekelezaji wa mfumo huo kuwezesha bei shindani Kwa wakulima na mauzo Nje ya nchi.
📌Ahimiza wananchi wa Mbinga kujitokeza Kwa wingi ziara ya Makamu wa Rais.
Waziri wa Viwanda na Biashara ambae pia ni Mbunge wa jimbo la Mbinga vijijini Mhe. Judith Kapinga, amesema Mfumo wa Stakabadhi za Ghala ni muhimu katika kuongeza thamani ya mazao, kuwawezesha wakulima kupata bei shindani na kulinda maslahi yao katika biashara ya mazao nchini.
Mhe. Kapinga ameeleza hayo leo, Novemba 9, 2026, katika mahojiano maalumu na kituo cha redio cha Ruvuma FM, akizungumzia masuala yanayohusu ziara ya kikazi ya Makamu wa Rais wa Jamhuri ya Muungano wa Tanzania, Mhe. Deogratius John Ndejembi Mkoani Ruvuma inayotarajiwa kuanza kesho, Novemba 10, 2026, katika Wilaya ya Mbinga mkoani Ruvuma.
Amesema Wizara ya Viwanda na Biashara inashiriki moja kwa moja katika usimamizi wa mfumo huo kupitia Bodi ya Usimamizi wa Stakabadhi za Ghala (WRRB), kwa kushirikiana na Wizara ya Kilimo, na AMCOS ili kuhakikisha mazao yanayohusika yanauzwa kwa kuzingatia taratibu zilizowekwa.
Akifafanua manufaa ya mfumo huo, Mhe. Kapinga amesema unasaidia kuongeza ushindani wa bei za mazao, akitolea mfano wa kunde na mbaazi ambazo, kwa mujibu wa maelezo yake, awali zilikuwa zikiuzwa kwa Sh. 200 hadi 300 lakini kupitia mfumo huo zimeweza kufikia bei ya Sh. 1,400 hadi 1,500.
Aidha, amesema mfumo huo unamwezesha mkulima kufahamu kiasi cha mazao alichouza na fedha anazotarajia kupata, hivyo kuongeza uwazi na kupunguza uwezekano wa udanganyifu katika biashara ya mazao.
Aisha Mhe Kapingaamesema kuwa Mfumo wa Stakabadhi za Ghala una mchango katika kuweka kumbukumbu sahihi za mazao yanayouzwa nje ya nchi na kuongeza thamani ya bidhaa za Tanzania, huku Wizara ikiendelea kushirikiana na wadau kuboresha mazingira ya biashara na kukuza shughuli za wafanyabiashara nchini.
Akizungumzia kuhusu ziara hiyo Mhe Kapinga amesema akiwa wilayani Mbinga Makamuwaa Rais atatembelea na kukagua mradi wa ujenzi wa maghala ya kuhifadhi chakula, Ujenzi wa hospitali ya halmashauri ya wilaya ya mbinga, kukagua Barabara ya Amani Makoro Ruanda, na kuzungumza na wananchi wa Mbinga.
ziara hiyo ya Makamu wa Rais inatarajia kuongeza fursa za Kibiashara hususani Kwa mikoa ya Nyanda za juu kusini ambapo Kwa sasa Serikali inatarajia Kijana reli ya kutoka Mtwara hadi Ruvuma Kwa ajili ya usafirishaji wa makaa ya mawe na Chuma Kutoka mchuchuma na Liganga sambamba na uboreshaji wa bandari ya Nyasa ili kuchechemua uchumi.
Mipango mingine ni pamoja na Ujenzi wa kiwanda kiwanda unga kwenye halmashauri ya wilaya ya Mbinga na Ujenzi wa Maeneo ya Viwanda Kigonsera.
Kamati ya Kudumu ya Bunge ya Maji na Mazingira imekoshwa na miradi mbalimbali inayotekelezwa na Wizara ya Maji na kuwataka wananchi zaidi ya laki tano wanaotegemea kunufaika na Mradi wa Maji wa Miji 28 Rujewa kujiandaa kupata huduma ya uhakika ya majisafi kutoka katika mradi huo mwezi Desemba 2026.
Mwenyekiti wa kamati Mhe. Jackson Kiswaga (Mb), na wajumbe wa kamati hiyo wamekagua miradi mbalimbali ukiwamo mradi wa Miji 28 Rujewa ambao utekelezaji umefika asilimia 80, ukitarajiwa kuzalisha maji lita za ujazo milioni 40 kutoka mahitaji ya lita milioni 32 kwa siku hivyo huduma ya maji kupatikana kwa asilimia 100.
Thamani ya mradi ni takriban shilingi bilioni 105.7 na chanzo chake ni maji ya mto Mbarali Mradi utanufaisha wakazi wa Rujewa (Mbeya), Wanging'ombe na Makambako (Njombe).
Eneo jingine lililokaguliwa na kamati ni chanzo cha maji cha bonde la Usangu kilichanzishwa mwaka 2010 ambapo Mhe. Kiswaga ameelekeza zoezi la kuotesha miti rafiki lifanyike ndani ya mita 60 za chanzo ili kuhakikisha maji yanakuwepo katika misimu yote ya mwaka.
Sanjari na hilo, kamati imekagua mradi wa Kuimarisha Mbinu za Asili za Jamii za Utunzaji wa Vyanzo vya Maji Kuhimili Mabadiliko ya Tabianchi, kazi ambayo wananchi wamewezeshwa na Serikali kupata kisima kirefu cha mita 228 kinachohudumia vitongoji vitano, na mabirika 10 ya kunyweshea mifugo ili kulinda vyanzo vya maji kupitia vikundi vilivyowezeshwa 30.
Mwenyekiti wa Kamati Mhe. Kiswaga kuhusu kulinda vyanzo amewataka wananchi kwa ushirikishwaji katika miradi wahakikishe fedha inayotolewa na serikali inatumika kuwezesha uendelevu wa miradi ya maji.
Katibu Mkuu wa Wizara ya Maji Mhandisi Mwajuma Waziri katika ukaguzi huo amesema Wizara ya Maji inahakikisha rasilimali za maji zinanufaisha jamii yote, wakiwamo wafugaji, hivyo ushirikiano na sekta nyingine unazidi kuwa imara katika kutoa huduma.
Na Ashrack Miraji, Moshi
Mkuu wa Wilaya ya Moshi, Godfrey Mnzava, amewataka wananchi kuzingatia ulaji wa vyakula vya asili na kupunguza matumizi ya sukari, chumvi na mafuta mengi ili kujikinga na magonjwa yasiyoambukiza, yakiwamo kisukari na shinikizo la damu.
Mnzava ametoa wito huo Novemba 6, 2026, wakati wa kilele cha Maadhimisho ya Siku ya Lishe Kitaifa yaliyofanyika katika Hospitali ya St. Joseph, Manispaa ya Moshi, akisisitiza kuwa ulaji bora ni msingi wa afya njema kwa mtu mmoja mmoja, familia na jamii kwa ujumla.
Amesema kaulimbiu ya maadhimisho ya mwaka huu isemayo “Imarisha Afya: Kula Kiasili, Punguza Sukari, Chumvi na Mafuta” inalenga kuhamasisha wananchi kufanya maamuzi sahihi kuhusu vyakula wanavyotumia kila siku ili kupunguza hatari ya kupata magonjwa yasiyoambukiza.
Ameeleza kuwa takwimu za Halmashauri zinaonesha ongezeko la wagonjwa wa shinikizo la damu na kisukari kwa kipindi cha miaka mitatu mfululizo, hali inayohusishwa kwa kiasi kikubwa na ulaji usiofaa, matumizi ya vyakula vilivyosindikwa na vyenye sukari, chumvi na mafuta kwa wingi, pamoja na kutofanya mazoezi.
Kutokana na hali hiyo, amewataka wananchi kuzingatia mlo kamili unaojumuisha mboga za majani, matunda, nafaka, kunde na vyakula vyenye protini, huku akisisitiza umuhimu wa kufanya mazoezi mara kwa mara na kupima afya ili kubaini magonjwa mapema na kupata matibabu kwa wakati.
Aidha, amewataka wataalamu wa afya na lishe kuendelea kutoa elimu kwa wananchi kwa lugha rahisi na kutumia mifano ya vyakula vinavyopatikana katika mazingira yao ili kuhakikisha elimu hiyo inafanyiwa kazi katika ngazi ya familia na jamii.<
WAZIRI wa Uchukuzi, Profesa Makame Mbarawa, amemshirikisha Waziri wa Fedha, Balozi Khamis Mussa Omari, katika ziara ya kukagua maendeleo ya ujenzi wa Reli ya Kisasa (SGR), Lot 4, eneo la Bukene mkoani Tabora, ili kujadili namna ya kuongeza kasi ya utekelezaji wa mradi huo.
Akizungumza wakati wa ziara hiyo, Profesa Mbarawa amesema ni jukumu la Serikali kuhakikisha fedha zinapatikana na kuwafikia walengwa kwa wakati, wakiwemo wakandarasi wadogo (Sub-contractors), ili kuwezesha kazi kuendelea bila vikwazo.
Amesema Serikali iliwaelekeza wakandarasi wakuu kutafuta wakandarasi wadogo kwa lengo la kuongeza nguvu kazi na kuharakisha utekelezaji wa mradi, ambapo ameeleza kuwa wakandarasi hao wameanza kufanya kazi zinazoonekana licha ya kuingia katika mradi huo kwa muda mfupi.
Ameongeza kuwa kwa sasa Shirika la Reli Tanzania (TRC) ndilo linalogharamia kazi zinazofanywa na wakandarasi wadogo, huku Serikali ikitarajia kukutana na kujadiliana namna ya kurejesha fedha hizo bila kuathiri mwendelezo wa utekelezaji wa mradi.
Kwa upande wake, Waziri wa Fedha, Balozi Khamis Mussa Omari, amesema suala la fedha si kikwazo katika utekelezaji wa mradi huo, akisisitiza kuwa Serikali iko tayari kuhakikisha fedha zinapatikana kwa wakati ili kuongeza kasi ya ujenzi.
Amesema Serikali itafuatilia kwa karibu maendeleo ya mradi huo ili kuhakikisha hauchelewi na hivyo kuchelewesha maendeleo yanayotarajiwa kuwanufaisha Watanzania.
Aidha, amesisitiza umuhimu wa kuboresha mazingira ya kazi ili kuongeza ufanisi kwa wakandarasi na kuwezesha utekelezaji wa majukumu yao kwa wakati.
Balozi Omari amewapongeza wakandarasi wadogo kwa kazi waliyoifanya ndani ya miezi miwili, akieleza kuwa maendeleo yao yanaonekana na yanatoa matumaini ya kuongezeka kwa kasi ya utekelezaji wa mradi huo.
Profesa Mbarawa amesema Lot 4 ya mradi wa SGR unaoanzia Tabora ina thamani ya dola za Marekani milioni 900, sawa na takribani Sh trilioni tatu.
Mkuu wa Mkoa wa Mara, Brigedia Jenerali Evans Mtambi, akifungua semina ya mafunzo kwa Maafisa Rasilimaliwatu na Utumishi wa Mkoa huo iliyoandaliwa na Mfuko wa Hifadhi ya Jamii kwa Watumishi wa Umma (PSSSF) Mjini Musoma Novemba 6, 2026.
Mkuu wa Mkoa wa Mara, Brigedia Jenerali Evans Mtambi, akifungua semina ya mafunzo kwa Maafisa Rasilimaliwatu na Utumishi wa Mkoa huo iliyoandaliwa na Mfuko wa Hifadhi ya Jamii kwa Watumishi wa Umma (PSSSF) Mjini Musoma Novemba 6, 2026.
Meneja wa Mfuko wa PSSSF Kanda ya Ziwa Mashariki, Bw. Rajabu Kinande (kulia), akizungumza kwenye semina ya mafunzo kwa Maafisa Rasilimaliwatu na Utawala wa Mkoa wa Mara. Semina hiyo imefunguliwa na Mkuu wa Mkoa wa Mara Mhe. Brigedia Jenerali Evans Mtambi mjini Musoma, Novemba 6, 2026.
Novemba 6, 2026 Musoma.
Mfuko wa Hifadhi ya Jamii kwa Watumishi wa Umma (PSSSF) umeendesha semina kwa Maafisa Utumishi Mkoa wa Mara, ili kuwajengea uelewa wa kushughulikia kwa weledi masuala ya wanachama wa mfuko huo.
Semina hiyo imefanyika Ijumaa Novemba 06, 2026 katika Wilaya ya Musoma, Mkoani Mara ambapo washiriki wa semina hiyo wamehimizwa kuwasaidia wanachama wa PSSSF kupata huduma bora na kwa wakati.
Akifungua semina hiyo, Mkuu wa Mkoa wa Mara Brigedia Jenerali Evans A. Mtambi amesema semina hiyo pia itasaidia kuongeza ufanisi katika upatikanaji wa huduma za PSSSF hususani matumizi ya huduma za kidigitali kwa wanachama.
“Zamani mtu alikuwa anafunga safari kwenda Dar es salaam, Dodoma au makao makuu ya Mkoa, lakini sasa hivi anawasha tu bando kwenye simu yake, anawasilisha hitaji lake na anahudumiwa akiwa nyumbani” amesema RC Mtambi.
Naye Meneja wa PSSSF Kanda ya Ziwa Mashariki, CPA. Rajabu Kinande amesema ili kuhakikisha Mfuko huo unatoa huduma bora na ya haraka, umejikita kuwafikia wanachama wake kwa njia ya kidigitali.
“Sasa hivi mteja anaweza kupata huduma kupitia simu yake ya mkononi hivyo ili kuhakikisha huduma hiyo inaenda vizuri tukaona ni vyema
Akitoa shukurani kwa niaba ya Maafisa Utumishi mkoani Mara, Jumanne Obogo ambaye ni Afisa Utumishi Halmashauri ya Musoma Vijijini amesema semina hiyo itawasaidia kuwahudumia kwa ufanisi watumishi kupitia mfumo wa kidigitali.
