MBUNGE MHANDISI ULENGE AFUTURISHA ,AKABIDHI MCHELE NA MBUZI KITUO CHA KULEA WATOTO YATIMA CHA GOODWIL AND HUMANITY FOUNDATION

 

Na Oscar Assenga,TANGA

MBUNGE wa Viti Maalumu (CCM) Mkoa wa Tanga Mhandisi Mwanaisha Ulenge  amekabidhi mchele kilo 200 na Mbuzi katika Kituo cha Kulea Watoto Yatima cha Goodwil Humanity Foundation cha Jijini Tanga ili kuwawezesha kusheherekea kwa amani na upendo sikukuu ya Eid El Firi itakapotangazwa.

Mhandisi Ulenge alikabidhi vitu hivyo katika kituo hicho baada ya kumalizika kwa Iftari iliyoandaliwa na Mbunge huyo ambapo imekuwa ikifanyika kila mwaka kwa lengo la kuileta jamii pamoja iliyokutanisha wadau mbalimbali.

Alisema katika kuelekea kumalizika kwa mwezi mtukufu wa ramadhani ameona aunge mkono kufuturisha jamii ikiwemo kutoa sadaka hiyo ili kuwawezesha watoto hao kusheherekea sikuuu ya Eid El Fitri kwa amani na upendo wakati itakapotangazwa.

“Nimeona nitoe ili watoto waweze kusherehekea sikuuu ya Eid El Fitri kwa kupata chakula kile bora ambacho mwana Mtume amesema kiliwe siku ya Eid Pilau na Birian name kimekabidhi Mbuzi huyu na kilo 200 za Mchele kwa ajili ya kituo hiki hapo itapotangazwa”Alisema Mhe Ulenge

Awali akizungumza katika Iftari hiyo Mkurugenzi wa Goodwil and Humanity Foundation Sayyed Muhdhari Idarus alimshukuru Mbunge Ulenge kwa kuweza kuandaa futari hiyo katika kituo hicho huku akimuomba Mwenyezi Mungu amfalie afya njema na mafanikio.

Hata hivyo aliwashukuru mashehe waliojitokeza katika futari hiyo kwa lengo la kuimarisha amani na upendo ikiwemo kuzishukuru asasi zote zilizoendelea kuunga mkono juhudi za taasisi hiyo ikiwemo  ndugu zao wa nyumba ya furaha iliyopo Bombo wamekuwa wakishirikiana nao kulea watoto.

 Mwisho