Na Mwandishi Wetu, Serengeti
.jpeg)
📌Kamati ya Kanuni na Sheria Ndogo ya Baraza la Wawakilishi Zanzibar yatembelea TBS.
Kamati ya Kanuni na Sheria Ndogo ya Baraza la Wawakilishi Zanzibar imetembelea Shirika la Viwango Tanzania (TBS), katika ofisi zake zilizopo Ubungo, Dar-es-salaam, kwa lengo la kujifunza kuhusu shughuli za Shirika hilo na mifumo ya usimamizi wa viwango, hususan kanuni zinazohusu huduma za Metrolojia.
Mwenyekiti wa Kamati hiyo, Mhe Hudhaima Mbaraka Tariq, ameongoza wajumbe katika ziara hiyo iliyowapa fursa ya kupata maelezo kuhusu shughuli za TBS na kanuni za metrolojia kutoka kwa wataalamu wa shirika hilo, pamoja na kushiriki majadiliano kuhusu utekelezaji wa majukumu hayo.
Akizungumza wakati wa ziara hiyo, Kaimu Katibu Mkuu wa Wizara ya Viwanda na Biashara, Bw. Sempeho Manongi, amesema Serikali inathamini ziara hiyo na kuamini kuwa uzoefu watakaobadilishana kati ya TBS na ZBS utasaidia kuimarisha mifumo ya viwango kwa manufaa ya Serikali zote mbili na wananchi kwa ujumla.
Manongi amesisitiza umuhimu wa kuimarisha mifumo ya viwango ili kulinda afya za wananchi, kuongeza ubora wa bidhaa na kukuza ushindani katika soko, hatua itakayochangia maendeleo ya sekta ya viwanda na biashara nchini.
Kwa upande wake, Mkurugenzi Mkuu wa TBS, Ashura Katunzi, ameeleza kuwa ushirikiano, uelewa, uwajibikaji na uwazi ni mambo muhimu katika kutekeleza majukumu ya taasisi za viwango na kukuza maendeleo ya uchumi wa Tanzania pamoja na ustawi wa wananchi kwa ujumla.
“TBS itaendelea kuhakikisha kuwa Tanzania inakuwa na mfumo wa vipimo unaoaminika, unaoweza kulinganishwa kimataifa na unaochangia katika maendeleo ya viwanda, biashara, sayansi na uchumi wa nchi.” AmesemaDkt Katunzi.
Aidha, wajumbe wa Kamati wametembelea maabara za TBS ili kujionea shughuli zinazofanyika katika eneo la vipimo na huduma za metrolojia. Ziara hiyo inalenga kuongeza uelewa kuhusu utekelezaji wa majukumu ya taasisi za viwango na kuimarisha ushirikiano kati ya TBS na ZBS katika kulinda afya za wananchi na kusaidia maendeleo ya viwanda na biashara.
📌Atoa miezi sita kwa Sera hiyo kukamilika ili kuinua biashara bunifu;
📌Asisitiza umuhimu wa kuwa na kituo maalumu cha kusaidia wabunifu kutekeleza majukumu yao
📌Waziri kapinga asema Wizara inatambua na kuthamini mchango wa biashara bunifu kwa uchumi wa nchi.
Makamu wa Rais wa Jamhuri ya Muungano wa Tanzania Mhe. Deogratius Ndejembi ameiagiza Wizara ya Viwanda na Biashara kuhakikisha ndani ya miezi sita inatengeneza na kukamilisha sera ambayo itajumuisha vitu vingi ambayo itaongoza Biashara bunifu (Startups) ili kuratibu kwa kushirikiana na sekta nyingine zenye biashara bunifu mbalimbali.
Makamu wa Rais ametoa agizo hilo wakati wa Ufunguzi wa Kongamano la Wiki ya Biashara Bunifu Tanzania 2026 (Tanzania Startup week 2026) uliofanyika Oktoba 19,2026 katika ukumbi wa Mikutano wa Mwalimu Nyerere Jijini Dar es Salaam.
Mhe. Ndejembi ameingeza kuwa mpango wa Serikali ya awamu ya sita ni kutengeneza kituo kikubwa kwa ajili ya Startup kukutana na kuendeleza mawazo yao , hivyo ameiagiza Ofisi ya Waziri Mkuu na Wizara ya Viwanda na Biashara kuratibu na kutafuta jengo maalum ambalo litakuwa ni makutano ya startup ili kukuza mawazo hayo.
Aidha amesema Serikali inaiona Biashara bunifu kama eneo linalokua kwa kasi zaidi hivyo inaendelea kusirikiana na kuwashika mkono na kuwajengea mazingira rafiki wamilki wa biashara changa ili kukuza vipaji na mawazo waliyonayo.
Kwa upande wa Waziri wa Viwanda na Biashara Mhe. Judith Kapinga (Mb) amesema Wizara hiyo imeendelea kuwa kinara katika kuwawezesha na kuwa sehemu ya kusaidia biashara bunifu ambalpo Wizara imeweka katika bajeti ya wizara 2026/2027 kipengele namba 7 pamoja na kuanzisha kitengo cha intelijensia ya masoko ambacho kinaenda sambamba na biashara bunifu.
Aidha Waziri Kapinga ameongeza kuwa Wizara na Taasisi zake zimekuwa mstari wa mbele katika kuwasaidia vijana wabunifu hasa wanaoanza biashara n wafanyabiashara wote nchini kwa urahisi kwani taasisi zimeweka mifumo rafiki ili kupatikana kwa urahisi.
Kwa upande wake Mtendaji Mkuu wa taasisi ya kukuza biashara bunifu Bwana Zahoro Muhaji amemshukuru Makamu wa Rais kwa kutambua mchango wa taasisi bunifu na kuona umuhimu wa kutambua makampuni hayo kwani ndio vijana watakaokuwa nguvu kazi ya kesho
Kongamano linaambatana na maonesho ya wabunifu mbalimbali kwenye sekta mbalimbali ambao anatoa mchango mkubwa kwenye sekta ya Mawasiliano, Viwanda na Biashara Nishati na nyinginezo.
Tuzo ya ubora katika Utalii endelevu na usimamizi wa Uhifadhi iliyotolewa kwa Eneo la hifadhi ya Ngorongoro na Taasisi ya Africa Business Forum and Awards tarehe 17 Oktoba, 2026 imewasili Nchini leo na kupokelewa nyumbani Ngorongoro.
Akiwasili nchini na tuzo hiyo Kamishna wa Uhifadhi Ngorongoro Abdul-Razaq Badru ameeleza kuwa ushindi wa tuzo hiyo kwa Ngorongoro inaashiria mchango chanya wa Ngorongoro na wadau wa Uhifadhi na Utalii ili kuilinda na kuitunza Ngorongoro milele kwani hifadhi hiyo ni fahari ya nchi kama Urithi wa dunia .
“Tuzo hii inatukumbusha *wahifadhi, watalii na wananchi kuwa ni lazima tuwe na uchungu wa kuilinda Ngorongoro katika ramani ya dunia ili iwe na manufaa kwa vizazi vya sasa na vijavyo” amesisitiza Kamishna Badru.
Badru ameeleza kuwa wanyama, malikale, urithi wa utamaduni, misitu, mimea, ndege na mfumo wa ikolojia nzima ni lazima itunzwe kwa Wivu mkubwa ili kuvutia wageni na kuongeza mapato ya nchi.
Mamlaka ya hifadhi ya Ngorongoro imepata tuzo hiyo kutokana na mchango wake mkubwa wa kuweza kusimamia uhifadhi na utalii endelevu licha ya kusimamia hifadhi yenye matumizi mseto
.jpeg)
.jpeg)
.jpeg)
.jpeg)
Jumla ya wanafunzi 32, 957 mkoa wa Arusha wanatarajiwa Mtihani Upimaji wa Taifa wa Kidato cha nne mwaka 2026 mkoa wa Arusha kwa mujibu wa mabadiliko ya ratiba iliyotolewa na Baraza la Mitihani la Taifa - NECTA, kwa mwaka 2026.
Katibu Tawala Msaidizi Idara ya Elimu Mkoa wa Arusha, Mwl. Dkt.Vicent Kayombo amesema kuwa, kati ya wanafunzi hao 32, 957 waliosajiliwa kufanya mtihani huo wa Taifa mwaka 2026, wavulana ni 15,087 sawa na asilimia 45.8 na wasichana ni 17,870 sawa na asilimia 54.2 huku watainiwa wa binafsi ni 513 wavulana 253 na wasichana 513.
Amefafanua kuwa, idadi hiyo ya wanafunzi waliosajiliwa ni sawa na asilimia 84.9 ya wanafunzi 38, 826 waliondikishwa kuanza kidato cha kwanza mwaka 2023, huku jumla ya shule za Sekondari 280 zikiwa na vitua vya kufanyia mitihani, ambapo shule 180 za Serikali sawa na asilimia 64.3 na shule 100 za binafsi sawa na asilimia 35.7.
"Mitihani hiyo itafanyika kuanzia Oktoba 19 hadi Novemba 06, 2026, kwa mujibu wa Sheria, taratibu na Kanuni za Mitihani ya Taifa, maandalizi yote yamekamilika ikiwa ni pamoja kufanyika kwa semina elekezi kwa wasimamizi wote wa mitihani lakini pia maandaliwa ya watahiniwa yamekamilika, watahinjwa wameandaliwa vema kitaaluma, kiakili na kisaikolojia, aidha ninawatakia kila la kheri katika mtihani wao wa Taifa ". Amebainisha Dkt.Kayombo
Aidha, ametoa wito kwa watahiniwa wote kuwa watulivu, kujiamini na kumtanguliza Mwenyenzi Mungu wakati wote mitihani pamoja na kuwasisitiza wasimamizi wa mitihani hiyo kuzingatia taratibu za mitihani ya Taifa kwa kujiepusha na vitendo vilivyo kinyume na taratibu hizo huku akiwataka kutambua kuwa Serikali imewapa dhamana kubwa iliyobeba hatma ya maisha ya wanafunzi wanaowasimamia.
Awali, Dkt.Kayombo amewatakia wanafunzi wote mtihani mwema pamoja na kuwaombea kwa Mwenyenzi Mungu wapate ufaulu mzuri na hatimaye kufikia ndoto zao kwa kuwa Taifa la Tanzania linawategemea kuwa watalamu baadaye.
Tume ya Taifa ya UNESCO yakutana na BAKITA, BAKIZA na TATAKI kujadili ushirikiano wa maendeleo ya Kiswahili
Dar es Salaam, 16 Oktoba 2026
Tume ya Taifa ya UNESCO ya Jamhuri ya Muungano wa Tanzania imekutana na viongozi na wataalamu kutoka Baraza la Kiswahili la Taifa (BAKITA), Baraza la Kiswahili la Zanzibar (BAKIZA) na Taasisi ya Taaluma za Kiswahili (TATAKI), kwa lengo la kuimarisha uratibu na ushirikiano wa kitaasisi katika kukuza nafasi ya lugha ya Kiswahili katika ngazi ya kikanda na kimataifa.
Kikao hicho cha pamoja cha kiofisi kimewakutanisha wawakilishi wa taasisi hizo nne kwa ajili ya kuimarisha mawasiliano na ushirikiano katika masuala yanayohusu maendeleo ya Kiswahili, kwa kuzingatia umuhimu wa kuunganisha juhudi za kitaifa na kutumia fursa zinazopatikana katika majukwaa ya kimataifa.
Katika mazingira ambayo lugha zina nafasi muhimu katika mawasiliano, utamaduni na ubadilishanaji wa maarifa, uratibu wa kitaifa ni nyenzo muhimu katika kuendeleza nafasi ya Kiswahili na kuongeza mwonekano wake katika majukwaa mbalimbali ya kikanda na kimataifa.
Kupitia kikao hicho, washiriki walikubaliana kuendelea kutumia mifumo na fursa zilizopo za kidiplomasia na ushirikiano wa kimataifa katika kuendeleza nafasi ya Kiswahili, sambamba na kuzingatia misingi rasmi ya usanifishaji na maendeleo ya lugha hiyo.
Ushirikiano kati ya Tume ya Taifa ya UNESCO, BAKITA, BAKIZA na TATAKI unaunganisha majukumu na utaalamu wa taasisi hizo katika masuala ya lugha, taaluma, utafiti na maendeleo ya Kiswahili. Ushirikiano huo ni muhimu katika kuweka msingi wa uratibu wa pamoja kuhusu fursa zinazoweza kuchangia kukuza lugha hiyo katika ngazi ya kimataifa.
Aidha, hatua hiyo inaonesha umuhimu wa ushirikiano wa taasisi za kitaifa katika kuendeleza Kiswahili kama lugha ya mawasiliano, maarifa na utamaduni, huku ikiimarisha juhudi za kuhakikisha lugha hiyo inaendelea kupata nafasi katika mazingira yanayozidi kuunganishwa kupitia mawasiliano ya kimataifa.
Tume ya Taifa ya UNESCO ya Jamhuri ya Muungano wa Tanzania inaendelea kushirikiana na wadau wa kitaifa katika kutekeleza majukumu yake yanayohusiana na maeneo ya UNESCO, ikiwemo mawasiliano na taarifa, kwa kuzingatia fursa za ushirikiano wa kikanda na kimataifa.
Tume ya Taifa ya UNESCO — Kuimarisha ushirikiano wa kitaifa kwa maendeleo ya lugha, maarifa na utamaduni.
Na: OWM–TAMISEMI, Makambako
Waziri wa Nchi, Ofisi ya Waziri Mkuu - Tawala za Mikoa na Serikali za Mitaa (OWM-TAMISEMI), Mhe. Prof. Riziki Shemdoe, amesema Serikali itapeleka shilingi milioni 600 katika Halmashauri ya Mji wa Makambako kabla ya Desemba 2026 kwa ajili ya ujenzi wa Kituo cha Afya Kitandililo, hatua itakayosaidia kusogeza huduma bora za matibabu karibu na wananchi.
Prof. Shemdoe ameyasema hayo Oktoba 17, 2026, akiwa Makambako, baada ya kupewa fursa na Makamu wa Rais, Mhe. Deogratius Ndejembi, kueleza hatua zinazochukuliwa na OWM-TAMISEMI kuboresha huduma za afya ya msingi, katika mkutano wa hadhara uliofanyika wakati wa ziara ya Makamu wa Rais ya kukagua utekelezaji wa miradi ya maendeleo mkoani Njombe.
“Mhe. Makamu wa Rais, tumeshapata shilingi milioni 600 ambazo tutazileta hapa Makambako kwa ajili ya ujenzi wa Kituo cha Afya Kitandililo kabla ya Desemba, ili wananchi wapate huduma bora za matibabu kwa wakati,” amesisitiza Prof. Shemdoe.
Kuhusu ombi la Mbunge wa Makambako ambaye pia ni Waziri wa Kilimo, Mhe. Daniel Chongolo, la kujenga zahanati mbili, Prof. Shemdoe amesema ofisi yake inaendelea kulifanyia kazi kwa kutafuta fedha ili zitakapopatikana zitumike kujenga zahanati hizo na kusogeza huduma za afya karibu zaidi na wananchi.
Kwa upande wake, Makamu wa Rais, Mhe. Deogratius Ndejembi, amesema anatambua jitihada zilizofanywa na Naibu Waziri wa OWM-TAMISEMI anayeshughulikia Elimu, Mhe. Dkt. Festo Dugange, pamoja na Waziri wa Nchi, OWM-TAMISEMI, Mhe. Prof. Riziki Shemdoe, wakati akiwa Katibu Mkuu, katika kusimamia ujenzi wa Shule ya Mkoa ya Wasichana ya Sayansi ya Vipaji Maalumu iliyojengwa Wanging’ombe.
Ujenzi wa Kituo cha Afya Kitandililo ni sehemu ya jitihada za Serikali katika kuboresha huduma za afya na kuchangia utekelezaji wa Dira ya Maendeleo ya Taifa 2050 kwa kupunguza vifo vya mama na mtoto, gharama za matibabu na usafiri, huku ukiimarisha afya ya jamii, kuongeza tija na uzalishaji, na kujenga rasilimali watu yenye afya kwa maendeleo endelevu ya taifa.
