Baraza la Taifa la Hifadhi na Usimamizi wa Mazingira (NEMC) limekutana na Kiongozi wa Tanzania National Business Council (TNBC) pamoja na Rais wa Tanzania Private Sector Foundation (TPSF) kujadili namna ya kutatua changamoto za masuala ya mchakato wa tathmini ya Athari kwa Mazingira na Jamii (EIA) na upatikanaji wa vyeti.
Recent Post Recent Post
View More 
Kamishna wa Elimu Dkt. Lyabwene Mtahabwa, amesisitiza umuhimu wa kuwafundisha watoto kutambua na kuelewa mazingira yanayowazunguka kabla na sambamba na kujifunza kusoma na kuandika, akisema hatua hiyo ni msingi muhimu wa kuwajengea uwezo wa kuelewa maarifa wanayoyapata kupitia vitabu.
Akizungumza Oktoba 20, 2026, katika viwanja vya Bodi ya Huduma za Maktaba Tanzania, Posta, jijini Dar es Salaam, Dkt. Mtahabwa alisema hayo alipomwakilisha Katibu Mkuu wa Wizara ya Elimu, Sayansi na Teknolojia, Prof. Carolyne Nombo, katika ufunguzi wa Kongamano la Nne la Kitaifa la Huduma za Maktaba na Tamasha la Vitabu na Usomaji.
Alisema katika kukuza utamaduni wa kusoma, ni muhimu kuanza kwa kumsaidia mtoto kuelewa ulimwengu unaomzunguka, ikiwemo watu, vitu, shughuli na tamaduni, kabla na wakati anapojifunza kusoma na kuandika.
“Tunaposema vitabu na usomaji, ni vizuri tuanze na jambo moja muhimu sana katika maisha ya mwanadamu; kusoma ulimwengu kisha kusoma neno,” alisema Dkt. Mtahabwa.
Akifafanua zaidi, alirejelea dhana ya mwanafalsafa wa Brazil, Paulo Freire, kuhusu kusoma ulimwengu na kusoma neno, akisema mtoto anapopata uelewa wa mazingira yake, hujengewa msingi mzuri wa kuelewa na kutafsiri maarifa anayoyapata kupitia maandishi.
Alisema mazingira ya elimu ya awali yanapaswa kuandaliwa ili kuwawezesha watoto kujifunza kwa vitendo kupitia vitu halisi, watu na mazingira yanayowazunguka, sambamba na kuhamasishwa kusoma vitabu vya nakala ngumu na nakala laini.
“Tuwafundishe watoto kusoma vitabu sana, na tuanze kwa kuwafundisha kusoma ulimwengu,” alisema Dkt. Mtahabwa, akisisitiza kuwa kuwawezesha watoto kuelewa mazingira yao na kusoma vitabu kutawasaidia kupata maarifa, kukuza uwezo wa kufikiri na kukabiliana na changamoto za maisha kwa ufanisi.
▪️Atoa wito kwa nchi za Afrika kuimarisha ushirikiano wa kikanda, kuongeza thamani ya madini na kuharakisha utekelezaji wa Dira ya Madini ya Afrika.
📍Accra, Ghana
Waziri wa Madini, Mhe. Anthony Peter Mavunde, amezitaka nchi za Afrika kuacha kufanya kazi kwa kujitenga na badala yake kuunganisha nguvu katika usimamizi na uendelezaji wa rasilimali za madini ili kukuza viwanda, ajira na uchumi wa bara hilo.
Ameyasema hayo leo Oktoba 19 wakati akizungumza katika mjadala wa jopo la Mawaziri kutoka nchi za Tanzania, Nigeria na Liberia uliokuwa na mada isemayo “From Vision to Delivery: Making the African Mining Vision Work for Member States”,katika mkutano wa Kimataifa wa Mining in Motion unaofanyika kwasiku tatu kuanzia Oktoba 19 hadi 21, 2026 jijini Accra Ghana.
Mhe. Mavunde amesema wakati umefika kwa nchi za Afrika kuweka pembeni tofauti zao na kushirikiana kutekeleza mikakati ya pamoja ya maendeleo ya Sekta ya Madini.
Amesema Afrika ina zaidi ya asilimia 32 ya rasilimali za madini muhimu zinazojulikana duniani, lakini bado sehemu kubwa ya utajiri huo husafirishwa nje ya bara bila kuongezwa thamani ya kutosha na kuwa hali hiyo inanyima nchi za Afrika fursa za kujenga viwanda, kutengeneza ajira na kuongeza mapato.
Akifafanua hatua zinazochukuliwa na Tanzania, Mhe. Mavunde amesema mageuzi ya kisheria yaliyofanyika mwaka 2017 yameimarisha usimamizi wa rasilimali za madini na ushiriki wa Serikali, huku hatua za kuzuia usafirishaji wa madini ghafi zikichochea uongezaji thamani nchini.
Ameeleza kuwa Tanzania sasa chini ya uongozi wa Rais Mhe. Dkt. Samia Suluhu Hassan ina zaidi ya viwanda vinane vya kusafisha dhahabu na viwanda zaidi ya 16 vya uchakataji na usafishaji wa madini ya metali za msingi na kuwa Sekta ya Madini inachangia asilimia 10.3 ya Pato la Taifa, huku wachimbaji wadogo wakichangia takribani asilimia 40 ya uzalishaji wa sekta hiyo ikiwa ni matokeo ya hatua za dhati za Serikali kuimarisha sekta hiyo.
Katika kuimarisha ushirikiano wa kikanda, Mhe. Mavunde amezitaja Tanzania, Madagascar na Msumbiji kuwa na fursa ya kuunganisha nguvu katika uendelezaji wa rasilimali za grafiti, uchakataji na uoanisha wa sera ili kujenga mnyororo wa thamani unaowanufaisha wananchi wa nchi hizo.
Amesisitiza kuwa Dira ya Madini ya Afrika haipaswi kubaki kwenye nyaraka na majadiliano, bali inapaswa kuambatana na utekelezaji wa vitendo huku akihimiza nchi wanachama kuimarisha mifumo ya mazungumzo na maamuzi ya pamoja ili kuharakisha utekelezaji wa mikakati iliyokubaliwa.
“Ni wakati sasa kwa Afrika kuanza kufanya kazi pamoja. Afrika ni moja, na tunapaswa kufanya kazi kama timu moja,” amesisitiza Mhe. Mavunde, akieleza kuwa ushirikiano ni muhimu katika kuhakikisha rasilimali za madini zinachochea maendeleo ya viwanda na ukuaji wa uchumi.
Waziri Mavunde ametoa wito kwa nchi za Afrika kugeuza utajiri wa madini kuwa fursa za viwanda, ajira, teknolojia na mapato zaidi, badala ya kuendelea kuuza madini ghafi na kununua bidhaa zilizoongezwa thamani kutoka nje ya bara hilo.
Awali akifungua rasmi Mkutano huo, Rais wa Jamhuri ya Ghana Mheshimiwa John Dramani Mahama amesema kuwa ni muda wa Afrika kugeukia soko la madini muhimu na mkakati kutokana na uhitaji mkubwa wa nishati safi ulimwenguni, lengo ni kuyaongezea thamani madini haya kabla hayajaenda katika soko la dunia.
.jpeg)
.jpeg)
.jpeg)
NA EMMANUEL MBATILO, DAR ES SALAAM
Uimarishaji wa viwango vya ubora wa nafaka na mazao ya jamii ya kunde unatajwa kuwa hatua muhimu ya kuongeza ushindani wa bidhaa za Tanzania katika masoko ya kimataifa, huku wadau kutoka nchi 70 duniani wakikutana nchini kujadili namna ya kuboresha viwango hivyo.
Waziri wa Elimu, Sayansi na Teknolojia, Prof. Adolf Mkenda, amesisitiza umuhimu wa Tanzania kuendelea kuandika na kuhifadhi historia, utamaduni na maarifa yake ili vizazi vijavyo viweze kujifunza kuhusu nchi yao kutoka katika vyanzo vilivyoandikwa na Watanzania wenyewe.
Prof. Mkenda amesema hayo Oktoba 20, 2026, jijini Dar es Salaam wakati akifungua Kongamano la Nne la Kitaifa la Huduma za Maktaba na Tamasha la Vitabu na Usomaji, akisisitiza kuwa taifa lisipoandika hadithi yake lenyewe, kuna hatari ya historia na maarifa kuhusu Tanzania kutawaliwa na taarifa kutoka nje ya nchi.
Amesema Serikali itaendelea kusimama na waandishi wa Tanzania na kuunga mkono sekta ya uchapishaji katika kuhakikisha vitabu vinavyoandikwa vinapata soko ikiwemo kuchapishwa na kusambazwa katika shule, maktaba na maeneo ya jamii.
Prof. Mkenda ameitaka Bodi ya Huduma za Maktaba Tanzania kuongeza ununuzi wa vitabu vya Watanzania na kuvisambaza katika maktaba mbalimbali, akisisitiza kuwa hatua hiyo itasaidia kuongeza ari na kuhamasisha uandishi nchini.
Aidha, amezitaka halmashauri na taasisi mbalimbali kutenga maeneo kwa ajili ya kuanzisha maktaba za jamii, ili wananchi, hususan watoto na vijana, wapate maeneo ya kusoma na kupata maarifa.
Amesema maeneo hayo yanaweza kuwa katika shule, taasisi za dini na maeneo mengine yanayofikika kwa urahisi jamii.
Akizungumzia Tuzo ya Taifa ya Mwalimu Nyerere ya Waandishi Bunifu, Prof. Mkenda amesema tuzo hiyo ni sehemu ya juhudi za Serikali za kuchangamsha usomaji, kukuza uandishi na kuendeleza Kiswahili, huku akiwahimiza waandishi kutumia fursa hiyo kuwasilisha kazi zao na kushiriki katika kukuza sekta ya vitabu nchini.
Amesema Kongamano hilo linapaswa kuwa chachu ya kuendelea kukuza uandishi, usomaji na uhifadhi wa maandishi, akisisitiza kuwa Tanzania inapaswa kujiamini na kuhakikisha historia na hadithi zake zinaandikwa na kuhifadhiwa na Watanzania wenyewe kwa manufaa ya kizazi cha sasa na kijacho.
Ufunguzi wa Kongamano la Nne la Kitaifa la Huduma za Maktaba na Tamasha la Vitabu na Usomaji umeenda sambamba na uzinduzi wa Mfumo Jumuishi wa Maktabawa Taifa kwa ajili ya kutambua na kuhifadhi machapisho yanayozalishwa nchini katika kumbukumbu za Taifa .
Naibu Waziri wa Nishati, Mhe. Salome Makamba, amewasilisha maboresho ya Kanuni za Sheria Ndogo za Min - LNG mbele ya Kamati ya Kudumu ya Bunge ya Sheria Ndogo inayoongozwa na Mwenyekiti wake, Mhe. Cecilia Pareso.
Kikao hicho kimefanyika leo, Oktoba 20, 2026 katika Ofisi Ndogo za Bunge jijini Dodoma, kikiwa na ushiriki wa wajumbe wa Kamati hiyo, Mkurugenzi Mtendaji wa EWURA, Ndg. Salum Mnuna, wawakilishi wa Taasisi za Mafuta na Gesi chini ya Wizara ya Nishati pamoja na wataalam wa sekta husika.
Naibu Waziri wa Viwanda, Denise Londo, ametembelea ofisi ya Mkuu wa Wilaya ya Mvomero na kufanya mazungumzo na Mkuu wa Wilaya hiyo, Richard Kasesela, kuhusu mikakati ya kuifanya Mvomero kuwa kitovu cha viwanda mkoani Morogoro, hususan viwanda vya kuchakata mazao ya kilimo ili kuongeza thamani ya mazao na kukuza uchumi wa eneo hilo.
Mazungumzo hayo yamelenga kubaini fursa za uwekezaji katika sekta ya viwanda, kwa kuzingatia uzalishaji wa mazao ya kilimo unaoweza kuwa msingi wa kuanzishwa kwa viwanda vya uchakataji.
Hatua hiyo inatarajiwa kuchochea ukuaji wa biashara, kupanua soko la mazao ya wakulima na kuongeza fursa za ajira kwa wananchi, hususan vijana.
Aidha, kuimarishwa kwa uwekezaji katika viwanda vya kuchakata mazao kunatajwa kuwa miongoni mwa mikakati muhimu ya kujenga uchumi shindani wa Mvomero na mkoa wa Morogoro kwa ujumla.
Kupitia ushirikiano kati ya Serikali na sekta binafsi, wilaya hiyo ina fursa ya kuongeza thamani ya mazao kabla ya kufikishwa sokoni, kuongeza kipato cha wakulima na kuvutia wawekezaji katika mnyororo wa thamani wa mazao ya kilimo.
Mwenyekiti wa Umoja wa Wanawake Tanzania (UWT) Taifa, Ndg. Mary Pius Chatanda (MCC), leo tarehe 19 Oktoba 2026, amezungumza na wanachama wa Chama Cha Mapinduzi (CCM) pamoja na wananchi kutoka makundi mbalimbali katika mkutano wa ndani uliofanyika Kitongoji cha Chichinka, Kata ya Segala, Jimbo la Chamwino, Mkoani Dodoma, akisisitiza kuwa CCM ndicho chama chenye uwezo wa kuwaletea wananchi maendeleo na kuwataka kutowasikiliza matapeli wa kisiasa
Aidha, Chatanda amewahimiza wananchi kujitokeza kwa wingi siku ya uchaguzi, tarehe 4, na kumpigia kura mgombea wa ubunge kupitia CCM, Dkt. Nettho Ndijina Ndilito, ili kukipa Chama Cha Mapinduzi ushindi wa kishindo na kukiheshimisha.
Katibu Mkuu wa Umoja wa Vijana wa Chama Cha Mapinduzi (UVCCM), Faris Buruhani, amesema uongozi wa jumuiya hiyo hautavumilia vitendo vya kuwabagua, kuwavunja moyo au kuwanyima haki vijana wanaojitolea kwa uzalendo katika kukitumikia chama, akitaka tuhuma zilizotolewa kuhusu suala hilo zichunguzwe na kufanyiwa kazi.
Buruhani amesema vijana wengi wamekuwa wakitoa mchango mkubwa katika shughuli za chama bila kutarajia malipo, wakiongozwa na uzalendo na dhamira ya kuhakikisha CCM inaendelea kuimarika. Amesisitiza kuwa juhudi hizo zinapaswa kuthaminiwa badala ya kuwakatisha tamaa wale wanaojitolea kwa ajili ya maendeleo ya jumuiya.
Akizungumzia msimamo huo, Buruhani amesema kauli iliyotolewa na Mwenyekiti wa UVCCM, Mohammed Kawaida, inaakisi dhamira ya uongozi wa jumuiya hiyo ya kuhakikisha vijana wanapata haki zao na wanatendewa kwa usawa.
Ameeleza kuwa mchango wa vijana umeonekana wazi katika vipindi mbalimbali vya uchaguzi, ambapo wamekuwa wakijituma kwa nguvu na kujitolea muda wao kuhakikisha shughuli za chama zinafanikiwa.
“Hatutaweza kukubali kuona vijana wetu wanakatishwa tamaa na kubaguliwa huku sisi kama viongozi wao tukikaa kimya. Tunawaomba viongozi waliopata nafasi kupitia UVCCM kuwalinda vijana, kusimama imara kuwatetea, kuwatia moyo na si kuwavunja moyo,” amesisitiza Buruhani.
Aidha, ametoa wito wa kufanyiwa uchunguzi kwa tuhuma zilizotolewa, akionya kuwa kuziacha bila kupatiwa ufumbuzi kunaweza kudhoofisha ari ya vijana ya kujitolea na kupunguza hamasa yao ya kushiriki katika shughuli za chama.
Amesisitiza kuwa ni muhimu kwa viongozi kuhakikisha vijana wanaojituma wanathaminiwa, wanalindwa na wanapata nafasi ya kutekeleza majukumu yao bila kukumbana na vitendo vya ubaguzi au kutotendewa haki.
Kwa upande wake, Naibu Katibu Mkuu wa UVCCM Bara, Mussa Mwakitinya, amemhakikishia Buruhani ushirikiano wa dhati katika utekelezaji wa majukumu ya jumuiya hiyo, akisema vijana wamejipanga kwenda naye sambamba katika kuimarisha umoja na kuhakikisha chama kinaendelea kusonga mbele.
Mwakitinya amesisitiza kuwa mshikamano na ushirikiano miongoni mwa vijana ni nguzo muhimu katika kuimarisha UVCCM na kufanikisha malengo ya Chama Cha Mapinduzi.
.jpeg)
.jpeg)
.jpeg)
.jpeg)
.jpeg)
Subscribe to:
Posts (Atom)
