Teknolojia ya Nyuklia inavyoweza Kutumika Katika Sekta ya Kilimo na Mifugo ili kukuza uchumi wa Biashara Na Viwanda

                 

 TUME YA NGUVU ZA ATOMU TANZANIA

TAARIFA KWA UMMA

Teknolojia ya Nyuklia inavyoweza Kutumika Katika Sekta ya

Kilimo na Mifugo ili kukuza uchumi wa Biashara Na Viwanda

Arusha, 

Tume ya Nguvu za Atomu Tanzania inashiriki maonesho kilimo katika viwanja vya TASO

nanenane jijini Arusha, Maonesho haya yaliyoanza rasmi tarehe 01 Agosti, 2018 yanatoa

fursa kwa Tume kutoa elimu juu ya udhibiti wa viasilia vya mionzi vinavyoweza kupatikana

kwenye mazao ya chakula na mifugo ili kuongeza usalama wa mtumiaji dhidi ya madhara hatari

yanayoweza kusababishwa na mionzi.

Katika maonesho haya Tume inatoa elimu juu ya teknolojia ya nyuklia inavyoweza kuwa

mkombozi kwenye ukuaji wa uchumi wa biashara na viwanda ikilengea matumizi salama ya

teknolojia hii hapa nchini ili kuboresha na kuongeza ustawi kwenye sekta za Afya, Maji, Kilimo,

Nishati na Mifugo .

Katika hatua za awali Tume imeshafanya upembuzi yakinifu wa kutumia teknolojia ya

nyuklia/mionzi katika kuhifadhi vyakula, mazao na kuboresha bidhaa za viwandani ili kuzipa

muda mkubwa wa matumizi na kuzikinga dhidi ya uharibifu unaoweza kusababishwa na

bacteria

Teknolojia ya nyuklia ina mchango mkubwa sana katika sekta ya kilimo na mazao ya mifugo

kwani uhakikisha bidhaa zitokanazo na mazao haya zinakuwa bora na za uhakika ili kuboresha

afya ya mlaji

Teknolojia ya nyuklia imeridhiwa kimataifa na inatumika katika nchi zaidi ya 60 duniani kote

katika kuua bacteria na vijidudu katika vyakula, matunda na mazao, kuifadhi kwa muda mazao

yasiharibike, kuua vijidudu katika bidhaa za viungo (Spices),teknolojia hii pia hutumika katika

kuzuia vijidudu kwenye nyama na samaki mfano (Salmonera, Ecoli, Trichinosi), kuongeza ubora

wa bidhaa za vyakula kwa kuvifanya visiharibike mapema, kuzuia viazi vitunguu na bidhaa

zingine zisiote wakati zikiwa zimehifadhiwa.

Takwimu zinaonyesha kwamba zaidi ya asilimia 30% ya vyakula duniani vinaharibika kila mwaka

kwa sababu ya kuaribiwa na vijidudu au kuoza, upotevu au kuharibika kwa chakula kuna athari

kubwa katika kipato na maisha ya wakulima kwa mfano inakadiriwa kwamba kila mwaka

hasara inayotokana na kuharibika kwa mazao ya nafaka barani Afrika hasa kusini mwa jangwa la

Sahara inafikia dola za kimarekani bilioni 4 na hii ni sawa na asilimia 15 ya thamani ya mavuno

hayo, sambamba na matukio ya binadamu kuambukizwa vijidudu vya salmonella yanafikia hadi

idadi ya watu wapatao 120,000 kila mwaka ambapo maambuki haya ya bacteria yamekuwa

yakisababisha vifo vingi.

Gharama za matibabu yanayosababishwa na madhara ya maambukizi haya ya vijidudu vya

salmonella na Ecoli yamekuwa yakisababisha hasara ya Dola za kimarekani bilioni 6 kila mwaka.

Teknolojia ya nyuklia endapo itatumika kwa usalama kwa kuzingatia matakwa yote ya kanuni za

usalama na ubora wa bidhaa na vyakula itakuwa suluhisho la kudumu kwenye sekta ya kilimo

na mifugo, kwani teknolojia hii ni salama na ya uhakika, hakuna athari zozote zitokanazo na

teknolojia hii wala chembe chembe za mionzi zinazoweza kubakia kwenye vyakula wakati wa

zoezi la mnyunyulisho (Food Iradiation).

Wananchi wote hususani wakazi wa Jiji la Arusha mnaombwa kufika kwenye banda la Tume

lililopo karibu na jukwaa kuu ili mjipatie elimu juu ya huduma zinazotolea na Tume ya Nguvu

za Atomu Tanzania pia kujionea majukumu yanayotekelezwa Kisheria kwenye usimamizi na

udhibiti wa mionzi hapa nchini ili kulinda mazingira, wananchi na wafanyakazi wanaotumia

vyanzo vya miozni katika kutekeleza majukumu yao ya kila siku.

“Teknolojia ya Nyuklia kwa Maendeleo ya Taifa”

Imetolewa na

Peter G. Ngamilo

Kitengo cha Mawasiliano

Tume ya Nguvu za Atomu Tanzania