MSUMBA NEWS BLOG: PSSSF

Showing posts with label PSSSF. Show all posts

MAOFISA UTUMISHI NCHINI WATAKIWA KUSHIRIKIANA NA PSSSF KUHAKIKI TAARIFA ZA WATUMISHI WANAOSTAAFU KWA WAKATI

MSUMBA on July 02, 2026

Maofisa Utumishi nchini wameagizwa kushirikiana kwa karibu na Mfuko wa Hifadhi ya Jamii kwa Watumishi wa Umma (PSSSF) kwa kuhakikisha taarifa za watumishi wanaokaribia kustaafu zinajazwa na kuwasilishwa kwa usahihi na kwa wakati, ili kuondoa malalamiko yanayotokana na ucheleweshaji wa mafao.

Agizo hilo limetolewa jijini Arusha na Katibu Tawala Wilaya ya Arusha, Dk. Jacob Rombo kwa niaba ya Katibu Tawala wa Mkoa huo, Dk,Toba Nguvila, wakati akifungua mafunzo kwa waajiri na maofisa wanaoshughulikia masuala ya wanachama wa PSSSF kutoka taasisi mbalimbali za umma mkoani Arusha.

Dk, Nguvila alisema changamoto nyingi za ucheleweshaji wa mafao na malalamiko kutoka kwa baadhi ya wastaafu husababishwa na taarifa kutokamilika au kutowasilishwa kwa wakati na waajiri.

Alisema maofisa utumishi wanapaswa kuhakikisha taarifa za watumishi wanaokaribia kustaafu zinahakikiwa na kuwasilishwa mapema ili kuwawezesha kupata mafao yao bila usumbufu.

"Kila mtumishi anakuwa na kumbukumbu rasmi za utumishi wake kuanzia anapoajiriwa hadi anapostaafu. Ni muhimu nyaraka zote zihifadhiwe vizuri na zipatikane kwa urahisi pale zinapohitajika ili walipwe mafao yao kwa mkupuo," alisema.

Aliongeza kuwa maofisa utumishi wanapaswa kuwahudumia watumishi na wananchi kwa weledi, kutoa taarifa sahihi na kushughulikia changamoto zao kwa wakati ili kuondoa usumbufu usio wa lazima.

Kwa upande wake, Meneja wa PSSSF Kanda ya Kaskazini Magharibi, Yessaya Mwakifulefule, alisema mafunzo hayo yamelenga kuwajengea uwezo maofisa hao kuhusu maboresho na huduma mpya zinazotolewa na mfuko, pamoja na kuimarisha ushirikiano katika kuharakisha uchakataji wa mafao.

Alisema mafanikio ya utaratibu wa kulipa mafao kwa wakati yanategemea ushirikiano wa waajiri, hususan maafisa rasilimali watu, kwa kuhakikisha taarifa za watumishi zinawasilishwa na kukamilishwa mapema.

"Mfuko wetu unaendelea na mpango wa kuhakikisha wastaafu wanalipwa mafao yao siku moja kabla ya kustaafu sisi PSSSF tunasema 'tunalipa jana' "

Alifafanua kuwa taarifa zote za michango zinapokamilishwa kwa wakati, mfuko huweza kukokotoa na kulipa mafao kwa asilimia 100 kabla ya mtumishi kustaafu rasmi na kutoa rai kwa maofisa rasilimali watu kuendelea kufuatilia na kuhakiki taarifa za watumishi wanaokaribia kustaafu ili kuhakikisha wanapata mafao yao kwa wakati na bila changamoto.

soma zaidi »

PSSSF

NAIBU WAZIRI AIPONGEZA PSSSF KWA KUENDELEA KULIPA MAFAO KWA WAKATI

MSUMBA on July 24, 2025

NAIBU Waziri wa Nchi Ofisi ya Rais, Utumishi na Utawala Bora, Mhe. Deus Sangu, ameupongeza Mfuko wa Hifadhi ya Jamii kwa Watumishi wa Umma (PSSSF) kwa jinsi unavyotekeleza majukumu yake ya kuhakikisha wastaafu wanapatiwa mafao yao kwa wakati.

Ameyasema hayo alipotembelea banda la watoa huduma wa PSSSF kwenye mkutano mkuu wa kwanza wa Maafisa Usimamizi wa Rasilimaliwatu na Utawala (TAPA-HR) katika Kituo cha Mikutano cha Kimataifa, AICC jijini Arusha, Julai 24, 2025.

“Katika kipindi cha hivi karibuni ukwasi wa mfuko umeendelea kukua na namna ambavyo mnavyowekeza kimkakati inasaidia Mfuko kuwa himilivu.” Alibainisha.

Pia, amesisitiza PSSSF kuendelea kutoa elimu kwa watumishi wanaokaribia kustaafu ili wanapostaafu mafao wanayopatiwa yaweze kuwa na tija kwao.

Akitoa maelezo kwa Mhe. Sangu, Afisa Mkuu wa Matekelezo PSSSF, Bw. Venance Mwaijibe, alisema tangu kuanza kwa mkutano huo Julai 22, maafisa wa Mfuko wamekuwa wakitoa elimu kwa Maafisa Usimamizi wa Rasilimaliwatu na Utawala kuhakikisha kuwa wanawaandaa watumishi (wanachama ) wawe tayari kustaafu.

“Lakini pia tunawaeleza kuwa huduma zetu kwa sasa zinapatikana kwa njia ya mtandao kupitia PSSSF Kidijitali, kama vile kusajili wanachama, kuwasilisha madai mbalimbali ya mafao, wastaafu kujihakiki kupitia simu janja lakini pia wanaweza kuuliza maswali yoyote yanayohusiana na uanachama.” Alisema Bw. Mwaijibe.

Mkutano huo ambaoi umewaleta pamoja maafisa haom kutoka bara na visiwani, unafikia kilele Julai 25, 2025 ukiwa umebeba kaulimbiu isemayo ‘Mwelekeo mpya wa nafasi ya wataalamu wa usimamizi wa rasilimali watu na utawala kusukuma mabadiliko kuendana na mageuzi ya teknolojia’.

soma zaidi »

PSSSF

PSSSF YASHIRIKI MAONESHO YA OSH, SINGIDA ,YAWAALIKA WANACHAMA, WANANCHI KUHUDUMIWA

MSUMBA on April 26, 2025

MFUKO wa Hifadhi ya Jamii kwa Watumishi wa Umma (PSSSF), unashiriki Maonesho ya Wiki ya Afya na Usalama Mahali pa Kazi (OSH- Occupational Safety and Health) yanayofanyika Kitaifa kwenye viwanja vya Maonesho Mandewa Mkoani Singida, kuanzia Aprili 24 hadi 30, 2025.

Akizungumzia ushiriki huo, Afisa Uhisano Mwandamizi wa PSSSF, Bi. Rehema Mkamba amesema, Maonesho hayo ni fursa nzuri kwa Mfuko kukutana na Wanachama na Wananchi sio tu kuwahudumia lakini pia kuwapatia elimu ya matumizi ya teknolojia katika kujihudumia wao wenyewe mahali popote na wakati wowote, maarufu kama PSSSF Kidijitali.

Aidha, kwasasa PSSSF inaendesha zoezi la kuchukua alama za vidole kwa wanachama wake wote, kwa lengo la kuboresha huduma za PSSSF Kidijitali, amesema.

Amesema, PSSSF inaamini, utoaji huduma kwa njia ya Kidijitali unakwenda sambamba na kauli mbiu ya mwaka huu ya “Nafasi ya Akili Mnemba na Teknolojia za Kidijitali katika Kuimarisha Usalama na Afya Mahali pa Kazi.”

Kupitia PSSSF Kidijitali, Mwanachama anaweza kutumia Simu janja, Kishikwambi au computer kupata taarifa mbalimbali zinazohusiana na uanachama wake kama vile, Taarifa za Michango, Taarifa za Mafao, Taarifa za Uwekezaji, Kuwasilisha Madai mbalimbali kupitia mtandao lakini pia wastaafu wanaweza Kujihakiki kupitia simu janja.

“Tunawakaribisha sana wanachama wetu na wanachi kutembelea banda letu ili waelimishwe namna ya kujiunga na huduma hiyo, lakini pia kupata huduma.” Alisisitiza.

soma zaidi »

PSSSF

SHEIKH WA MKOA WA DAR ES SALAAM: PSSSF MMEONYESHA UPENDO KUFUTURISHA WATOTO WENYE UHITAJI.

MSUMBA on March 28, 2025

MFUKO wa Hifadhi ya Jamii kwa Watumishi wa Umma (PSSSF) umewafuturisha watoto wenye uhitaji wa kituo cha Chakuwama kilichopo Sinza jijini Dar es Salaam na kuwapatia zawadi mbalimbali.

MWEZI mtukufu wa Ramadhan, unafundisha kufanya mambo mengi mema na kufuturisha wenye uhitaji, Mkurugenzi Mkuu wa PSSSF, Bw. Abdul-Razaq Badru alisema, katika iftar hiyo iliyofanyika Alhamisi ambayo iliwahusisha pia Mwenyekiti wa Bodi ya PSSSF, Bi. Joyce Mapunjo, baadhi ya wajumbe wa bodi, Menejiment na watumishi wa Mfuko wa Mkoa wa Dar es Salaam.

""Tunamuomba Mwenyezi Mungu apokee ibada hii; Kwa niaba ya wanachama wa PSSSF ambao tunatunza amana zao na kuwekeza ili wanapostaafu waweze kulipwa vizuri tutaendelea kutoa sadaka na kushirikiana na jamii inayotuzunguka kama sehemu ya kutimiza wajibu wetu," alisema Badru..

Naye Sheikh wa Mkoa wa Dar es Salaam, Sheikh Walid Alhad Omar ameipongeza kwa sadaka ya kufuturu pamoja na watoto wa Kituo cha CHAKUWAMA ikiwa ni pamoja na kuwapatia zawadi mbalimbali.

"Kitendo hiki cha kukusanya watoto hawa na kutoa zawadi kwao, ni utekelezaji wa maelekezo ya Mwenyezi Mungu ambaye amesisitiza upendo kwa watu wengine.

soma zaidi »

PSSSF RIDHIWANIKIKWETE

WAZIRI KIKWETE AZINDUA BODI YA PSSSF NA KUTOA MAELEKEZO

MSUMBA on March 27, 2025

Waziri wa Nchi Ofisi ya Waziri Mkuu, Kazi, Vijana na Wenye Ulemavu, Mhe. Ridhiwani Kikwete leo amezindua Bodi mpya ya Mfuko wa Hifadhi ya Jamii kwa Watumishi wa Umma (PSSSF) na kuagiza Bodi hiyo kusimamia uwekezaji wa Mfuko wenye tija, kusimamia mipango ya Mfuko na kusimamia maadili.

Akizungumza katika hafla hiyo ya uzinduzi wa Bodi, Mhe. Waziri ameelekeza Bodi hiyo kusimamia Sera, Sheria, Kanuni, kuzingatia miongozo mbalimbali inayotolewa na Serikali pamoja na kusimamia misingi ya uwajibikaji, uadilifu, ubunifu na ushirikiano katika kazi.

"Misingi hii ni muhimu kwa sababu inahakikisha PSSSF inafanya kazi kwa ufanisi, usawa na haki, kuepuka rushwa kwa watumishi na viongozi katika kuhakikisha Mfuko unakua endelevu na kukuza uhimilivu wake," alisema Mhe. Kikwete.

Akitoa shukrani, Mwenyekiti wa Bodi hiyo, Bi. Joyce Mapunjo alishukuru uteuzi wa wajumbe wa Bodi kwani umezingatia taaluma mbalimbali ambazo zitawezesha ustawi wa Mfuko pia aliipongeza utendaji kazi wa PSSSF.

"Wajumbe wa Bodi hii uteuzi wake umezingatia taaluma zote muhimu, kumekua na mchanganyiko mzuri tunaamini kazi itatendwa vizuri," alisema Bi. Mapunjo.

Alimhakikishia Mhe. Waziri kuwa Bodi mpya imepokea maelekezo yote aliyotoa na kuahidi kuwa wamejiwekea mikakati ya kutenda kazi kwa spidi ya kukimbia kuendelea pale ambapo Bodi iliyopita ilipoishia.

Mkurugenzi Mkuu wa PSSSF, Abdul-Razaq Badru alisema Mfuko unaahidi kufanya kazi kwa ushirikiano mkubwa na kuongeza kua Mfuko uko kwenye uelekeo mzuri, vitendea kazi na rasilimali watu ya kutosha.