BANDARI YA TANGA SASA MAMBO SAFI

 

 

Na Denis Chambi,  Tanga.

Milango ya kibiashara  na kiuchumi hapa nchini kupitia bandari ya Tanga inazidi kufunguka hii ni mara baada ya Meli  yenye ukubwa wa mita 189.9 kutia nanga hivi karibuni  ikitokea Marekani katika bandari ya Portlex  ikiwa imebeba shehena ya  malighafi aina ya Petcoc  tani 51  kwaajili ya viwanda vya Sayona na  Neelkanth vilivyopo jijini Tanga.

Kufwatia maboresho yaliyofanywa na serikali yaliyoghalimu Jumla ya shilingi bilioni 429.1 zilizotumika katika mradi wa maboresho  ya gati mbili zenye urefu wa mita 450 na kuongeza kina cha bahari    kwa lengo la kuiwezesha bandari hiyo kuhudumia meli kubwa ambazo awali hazikuweza kushusha mizigo moja kwa moja bandarini hapo kutokana na kina kidogo.

Maboresho hayo yaliyofanyika ambayo ni gati mbili zenye urefu wa mita 450 zilizojengwa miaka ya 1914 na 1958  pamoja na kuongeza  kina cha bahari kutoka mita 13 hadi13 ambazo sasa zinawezesha meli kubwa mbili na kuhudumiwa kwa wakati mmoja.

Akizungumza mara baada ya kuipokea Meli hiyo mkuu wa kitengo cha masoko katika bandari ya Tanga Rose Tandiko amesema kuwa   Meli hiyo ya MV Motsovo  ya mizigo ni kubwa zaidi ya zile ambazo zilishawahi kupokelewa bandarini hapo na bado wanaendelea kupokea nyingine akitumia nafasi hiyo kuwakaribisha wadau na wafanyabiashara wa ndani na nje ya Tanzania kuendelea kuitumia bandari hiyo

"Leo tumepokea meli kubwa kuwahi kuhudumiwa katika bandari yetu ya Tanga  ambayo imekuja kutokea nchini Marekeani ikiwa na mzigo wa Petcoc tani elfu 51 kwaajili ya viwanda vya Neelkanth na Sayona limited,  huu n mwanzo tu wa huduma zilizotukuka katika bandari ya Tanga bado tutaendelea kuhudumia meli nyingine mbili kubwa gatini kwa wakati mmmoja kama matakwa ya ujenzi wa gati letu"

"Tuwahamasishe  wadau wa bandari ya Tanga,  wadau wa bandari  zote hapa nchini na kweingineko kwamba endeleeni kutumia bandari yetu  bandari ya Tanga kwa sasa tunaweza kusema imenoga huduma zimetukuka na utendeaji kazi ni mzuri hivyo tunawakaribisha sana kutumia bandari yetu ya Tanga" alisema Tandiko.

Meli hiyo iliyopokelewa bandarini  Tanga  march 18 ilitokea katika bandari ya Portlex nchini malekani february 3, 2023 kwaajili ya kuleta shehena hiyo ya Petcoc  inatoyumika kwenye viwanda vya Sayona na Neelkanth kama chanzo cha moto wa viwandani

Meneja usafirishaji  kutoka kampuni ya Seif Issa MR & SONS ambao ni miongoni mwa wadau wa bandari ya Tanga  ameipongeza  serikali kwa uwekezaji mkubwa uliofanyika katika kuboresha na kuweka mazingira kwa rafiki kwa  wafanyabiashara wanaotumia bandari hiyo wa kutoka nje na ndani ya nchi ambapo itawasaidia kwa kiasi kikubwa  tofauti na hapo awali.

"Tunataraji utendaji kazi mzuri kwa sababu kila idara imejipanga kuanzia wafanya kazi na vitendea kazi kwahiyo tunategea tufanye kazi kwa siku ambazo tumepangiwa , wafanyabiashara wasihofie wala kuogopa  tunaamini bandari iko salama kabisa kila kitu wamekiweka katika mpangilio mzuri kwahiyo wadau wengine  tunaomba waitumie bandari ya Tanga" alisema Issa.

Tangu kufanyika kwa maboresho ya ukarabati wa gati mbili na upanuaji wa kina cha bahari bandari hiyo imeendelea kuvunja rekodi za kupokea meli kubwa za mizigo kutoka nje ya nchi  ambapo kabla ya Mv Metsovo zilitia nanga meli zenye urefu Mita 150,  na 179  kwa nyakati tofauti tofauti hii ikiendana na kauli ya Tanga lango kuu la uchumi Afrika mashariki.