Na WMJJWM- Mbeya
Naibu Waziri wa Maendeleo ya Jamii Jinsia Wanawake na Makundi Maalum Mhe.Mhandisi Maryprisca Mahundi ametembelea Kituo cha Tumaini la Wazee kilichopo Kata ya Majengo Jijini Mbeya kwa lengo la kuwapa tabasamu na kuwatia moyo kwa kutoa zawadi mbalimbali.
Akiongea na Wazee zaidi ya hamsini wa Kata ya Majengo Mhandisi Maryprisca Mahundi amesema Serikali ya Awamu ya Sita inayoongozwa na Rais wa Jamhuri ya Muungano wa Tanzania Mhe. Dkt.Samia Suluhu Hassan imeweka mkakati mzuri kwa ajili ya kuwasaidia wazee hususani katika huduma za afya.
Kwa upande wake Afisa Ustawi wa Jamii Mkoa wa Mbeya Salum Manyendi amesema Serikali imedhamiria kuanza kutoa huduma za afya kwa wazee kwa kuwafuata majumbani ili kuwaondolea kadhia ya kutembea umbali mrefu kufuata huduma za afya katika zahanati, vituo vya afya na hospitali.
Mwenyekiti wa Tumaini la Wazee Moses Sanga mbali ya kushukuru kupokea msaada huo hakusita kubainisha baadhi ya changamoto zinazowakabili wazee zikiwemo za baadhi ya wazee kushindwa kwenda hospitali kutokana na ukata wa fedha unaotokana na kukosa wategemezi.
Kwa sasa Wizara ya Maendeleo ya Jamii Jinsia Wazee na Makundi Maalum ikiongozwa na Waziri Dkt. Dorothy Gwajima na Naibu wake Mhandisi Maryprisca Mahundi wanafanya ziara nchi nzima kwa lengo la kutoa faraja kwa Makundi mbalimbali wakiwemo wazee na kubaini changamoto zinazowakabili ili Serikali iweze kuzitatua.
Na.Ashura Mohamed -Arusha
Mkuu wa Wilaya ya Arusha Mjini Bw.Joseph Modest Mkude amewataka wananchi wa Wilaya ya Arusha Mjini kuhakikisha kuwa wanajenga tabia ya kufanya Usafi wa mazingira katika Maeneo yao wanayoishi.
Mkude amesema kuwa ikiwa kila mwananchi atafanya Usafi katika Maeneo yake ni wazi kuwa Maeneo mengi ya Wilaya ya Arusha yatakuwa safi na Jiji la Arusha litaendelea kung'ara kitaifa kwenye eneo la Usafi wa Mazingira.
Ameyasema hayo leo katika muendelezo wa kampeni ya Usafi wa Mazingira yenye kauli mbiu isemayo," Ng'arisha Jiji la Arusha"iliyozinduliwa na Mstahiki meya wa Jiji la Arusha mnamo Januari 02 na kuendelea leo katika hospital ya Wilaya ya Arusha iliyopo kata ya Engutoto.
"Usafi ni tabia ya mtu sasa tukianzia kufanya Usafi katika Maeneo yetu ni wazi kuwa itakuwa rahisi kwa mitaa yetu kuwa safi, hivyo kila mtu ajijengee mazoea haya ili Maeneo yake yawe safi tukiweza hivyo ni rahisi sana Maeneo ya Umma yatakuwa Safi tu"Amesisitiza Mkude
Aidha amesema kuwa Jiji lina uwezo wa kutosha kuhakikisha kuwa Halmshauri hiyo inashika nafasi ya kwanza kitaifa,katika Usafi wa mazingira,ambapo itakuwa Ajenda Mahususi kwa kuwa ni Jiji lenye Vivutio Vikubwa vya Utalii.
Pia amesisitiza kuwa swala la Usafi liende kwenye kata na kufanywa kwa Ushindani mkubwa ili kuwa na Matokeo chanya,ndani ya jamii kwa kuwa Usafi wa mazingira una faida kubwa ndani ya Jamii.
"Maeneo yasiwe hospitali tu kama hapa hapana,kuna Maeneo ya Umma kama mito,makorongo,Masoko haya yasisahaulike tupange muda tushirikishe watu ili kila kitu kuwa sawa nimefurahi pia mmesema mtaenda nyumba kwa nyumba"Amesema Mkude
Nae James Lobikoki ni Mkuu wa kitengo Cha Uthibiti wa Taka,na Usafi wa Mazingira Jiji letu la Arusha amesema kuwa kampeni hiyo ya Usafi ni muendelezo kuhakikisha kuwa Jiji linaendelea kung'ara,na kuhamasisha wananchi kwa kuona swalaa Usafi wa mazingira ni la kila mwananchi.
Hata hivyo ametoa rai kwa wazoa taka wa Jiji la Arusha kuendelea kufanya kazi hiyo kwa nguvu haswa katika kipindi hiki cha mvua za Vuli ili Maeneo ndani ya kataa yaendelee kuwa Safi na Salama.
Mratibu wa Kampeni hiyo ambaye ni diwani wa Viti Maalum bi.Aminata Salesh Toure,amesema awamu ya kwanza imeanza katika kata ya sokoni One katika eneo la Soko la dampo,Engutoto katika hospitali ya Wilaya na Kisha kumalizika katika soko la mbauda lililopo kata ya Sombetini kesho Januari 04,2025.
Bi.Salesh amesema kuwa madiwani wa Viti Maalum wamejipanga vema na kampeni hiyo itakwenda majumbani ili kuhakikisha wananchi wanashiriki zoezi kampeni hiyo na kuifanya Arusha kuwa salama na Safi.
Bw.Hamza Juma Njiku ni diwani wa kata ya Engutoto amesema kuwa kila Jumamosi watakuwa wanafanya Usafi katika Maeneo mbali mbali ndani ya kata hiyo kwa kuwa Usafi wa mazingira ni Ajenda ya Serikali inayoongizwa na Raisi daktari Samia Suluhu Hassan.
Na.Ashura Mohamed– ARUSHA
Wananchi zaidi 1,000 wa Jiji la Arusha na maeneo ya jirani wamenufaika na huduma za upimaji na uchunguzi wa afya bure, hususan magonjwa yasiyoambukiza yakiwemo magonjwa ya moyo, kupitia Mpango wa Tiba Mkoba wa Dkt. Samia Suluhu Hassan (Outreach Program).
Akizungumza wakati wa zoezi hilo leo Jan 3,2025, Dkt. Kisenge amesema kambi hiyo imelenga kuwafikia wananchi wengi zaidi kwa kuwapatia huduma muhimu za uchunguzi wa afya mapema,hatua ambayo itasaidia kuzuia madhara makubwa ya kiafya yanayotokana na kuchelewa kugundua magonjwa.
Huduma hizo zimetolewa na timu ya madaktari bingwa wa Taasisi ya Moyo Jakaya Kikwete (JKCI) ikiongozwa na Mkurugenzi wa JKCI, Dkt. Peter Kisenge, ambaye ni bingwa wa magonjwa ya moyo, ambapo zoezi hilo litafanyika mkoani Arusha kwa kipindi cha siku kadhaa kuanzia tarehe 3 hadi 7.
Dkt.Kisenge amesema huduma zilizotolewa ni pamoja na vipimo vya moyo vya Echo na ECG, pamoja na vipimo vingine muhimu, vyote vikifanyika bila malipo yoyote, ikiwa ni sehemu ya dhamira ya Serikali ya Awamu ya Sita ya kuhakikisha wananchi wanapata huduma bora za afya kwa wakati na kwa usawa.
“Upimaji wa mapema humsaidia mtu kugundua tatizo kabla halijawa kubwa na kuepusha madhara makubwa kama kushindwa kwa moyo, figo au kupata kiharusi,” alisema Dkt. Kisenge.
Kwa mujibu wa taarifa hiyo, wananchi kadhaa wamebainika kuwa na matatizo mbalimbali ya moyo, ambapo wagonjwa 36 wamepatiwa rufaa ya kwenda Hospitali ya Moyo Jakaya Kikwete (JKCI) Dar es Salaam kwa ajili ya matibabu ya kibingwa zaidi.
Alisema baadhi yao wanahitaji kufanyiwa uchunguzi maalum wa mishipa ya damu ya moyo kwa kutumia mtambo wa Cath Lab, huku wengine wakihitaji upasuaji wa kuziba matundu ya moyo au kuanza matibabu ya shinikizo la damu.
Aidha, wananchi waliogundulika kuwa na shinikizo la damu bila wao kufahamu wamepatiwa elimu ya lishe bora, ushauri wa kitaalamu na kuanzishiwa dawa, hatua inayolenga kuwakinga dhidi ya madhara makubwa ya baadaye kama figo kushindwa kufanya kazi au moyo kuchoka.
Dkt. Kisenge amewahimiza wananchi wa Jiji la Arusha na mikoa ya pembezoni katika Kanda ya Kaskazini kuendelea kujitokeza kupata huduma za uchunguzi wa afya katika Hospitali ya Arusha Lutheran Medical Centre (ALMC),na vituo vingine vilivyobainishwa, akisisitiza umuhimu wa kupima afya mara kwa mara hata pale mtu anapoonekana kuwa mzima.
Katika hatua nyingine muhimu, Taasisi ya Moyo Jakaya Kikwete (JKCI) imeingia makubaliano na Hospitali ya Arusha Lutheran Medical Centre, ambapo hospitali hiyo itatoa huduma za magonjwa ya moyo chini ya usimamizi wa JKCI kwa kipindi cha miaka 20, huku huduma zote za upasuaji wa kibingwa zikiendelea kusimamiwa na JKCI.
Uamuzi huo umetokana na umuhimu wa Mkoa wa Arusha kama kitovu cha utalii pamoja na maandalizi ya mashindano ya AFCON, hatua itakayosaidia kusogeza huduma za kibingwa karibu na wananchi bila ulazima wa kusafiri umbali mrefu.
Kwa sasa, wananchi wote wenye matatizo ya moyo na magonjwa mengine yasiyoambukiza wanahimizwa kufika katika Hospitali ya Arusha Lutheran Medical Centre, ambayo sasa inatoa huduma hizo chini ya usimamizi wa Taasisi ya Moyo Jakaya Kikwete.
Waziri Mkuu Dkt Mwigulu Nchemba leo Januari 02, 2026 amekagua maendeleo ya ujenzi wa Bwawa la Maji Kidunda lililopo Mkoani Morogoro.
Mbunge wa Jimbo la Lushoto Prof. Riziki Shemdoe ameishukuru Taasisi ya The Sunshine Muslims Volunteers (SMV) yenye makazi yake jijini Dar es Salaam kwa kufadhili matibabu ya macho kwa wananchi 811 wa Lushoto, mkoani Tanga, yaliyofanyika katika Hospitali ya Wilaya ya Lushoto kuanzia tarehe 29 hadi 31 Disemba, 2025.
Miongoni mwa wananchi hao 811 wa Jimbo la Lushoto waliopatiwa huduma ya uchuguzi wa macho, 104 walifanyiwa upasuaji wa macho, 312 walipatiwa miwani ya macho na 267 walipatiwa miwani ya kujikinga na mionzi ya jua.
Kutokana na huduma hiyo, Prof. Shemdoe ameishukuru taasisi hiyo leo Januari 01, 2026 jimboni Lushoto, wakati akizungumza na Mweka Hazina wa taasisi hiyo Dkt. Juma Mzimbiri ambaye ni Daktari katika Hospitali ya Taifa ya Muhimbili MOI.
Aidha, Mhe. Prof. Shemdoe ametoa shukrani zake za dhati kwa Daktari Bingwa wa macho na timu yake kwa kuendesha kambi hiyo ya matibabu kwa kushirikiana wa Mganga Mkuu wa Wilaya pamoja na madaktari na wauguzi wa hospitali hiyo ya wilaya ya Lushoto.
Akizungumzia diplomasia ya mashirikiano, Prof. Shemdoe amemshukuru Mhe. Rais Dkt. Samia Suluhu Hassan kwa kutengeneza diplomasia ya mashirikiano na nchi mbalimbali, ambayo imewezesha wananchi wa majimbo ya Lushoto, Mlalo na Bumbuli kunufaika na huduma hiyo.
“Ninawaomba wadau hawa waendelee kutoa udhamini huu wa huduma ya matibabu ya macho, natamani uwe endelevu kila mwaka ili wananchi wengi zaidi wanufaike,” amesema Prof. Shemdoe.
Prof. Shemdoe ameongeza kuwa, ana imani kuwa wadau hao wataendelea kuona umuhimu wa kusaidia watu, kama ambavyo kauli mbiu yao inavyosema kuwa We Serve to Please Allah yaani wanasaidia ili kupata radhi ya Mwenyezi Mungu.
Naye, Mweka Hazina wa SMV Dkt. Juma Mzimbiri amesema kuwa, kambi ya matibabu imekuwa na manufaa makubwa kwa wananchi ambao wamejitokeza kwani wamepatiwa huduma ya uchuguzi wa macho, upasuaji wa macho, na kupatiwa miwani za macho pamoja na za kujikinga na mionzi ya jua.
Kuhusiana na jitihada za kutafuta wadau wengine, Dkt. Mzimbiri kumshukuru Prof. Shemdoe kwa kuendelea kushirikiana na taasisi yake ya SMV katika kutafuta wadau ambapo mdau YERYUZ DOKTORLARI alipatikana na kushiriki kutoa huduma katika kambi ya matibabu.
