Spika Ndugai Asema Mbowe ni Mtoro Bungeni

Spika wa Bunge, Job Ndugai amesema utoro wa Kiongozi wa Kambi Rasmi ya Upinzani Bungeni, Freeman Mbowe umekuwa ukisababisha nafasi ya maswali ya moja kwa moja kutoka upinzani kwenda kwa Waziri Mkuu kupotea kila mara.

Ameyasema hayo jana Novemba14,2019  bungeni mjini Dodoma wakati wa kipindi cha maswali kwa Waziri Mkuu kutoka kwa Wabunge.

Ndugai alisema kwa mujibu wa utaratibu wa mabunge ya Jumuiya ya Madola Upinzani hupewa nafasi ya kwanza kuiuliza swali Serikali, lakini kwaa hapa nchini nafasi hiyo hupotea kila wakati kutokana na utoro wa kiongozi huyo.

“Waheshimiwa Wabunge niwataarifu tu kwamba utaratibu wetu wa kipindi cha maswali kwa Waziri Mkuu swali la kwanza kabisa huwa linakuwa hakiba kwa kiongozi wa Kambi rasmi ya upinzani bungeni, lakini kwa leo kama mnavyoona kiongozi huyo hayupo,” alisema Spika Ndugai.

Alisema Kiongozi wa Kambi Rasmi ya Upinzani anaweza siku zote asiwepo bungeni lakini siku ya Alhamisi ni muhimu awepo kutokana Waziri Mkuu kuwapo na anatakiwa awe wa kwanza kuuliza swali.

“Huwa ni fursa pekee ambayo upinzani wanapata nafasi kwa hiyo kiongozi wa upinzani anaweza asiwepo bungeni siku yoyote lakini siku ya alhamisi ambayo ni ya maswali kwa Waziri Mkuu ni lazima awepo,” alisema Spika Ndugai

Alisema hata hivyo hana taarifa zozote za udhuru kutoka kwa kiongozi huyo (Mbowe) na wala hajui yuko wapi.

“Kwa hiyo hatujapata swali lile kwa kuwa kiongozi wa upinzani bungeni hayupo, uwe wapi, uwe wapi kama Spika hana taarifa zako ni mtoro tu kwa hiyo, ni mtoro na ndiyo maana leo unaona kwamba hiyo fursa ambayo imewekwa kwenye kanuni haijaweza kutekelezwa.

“Na ndio maana mnaona kwamba nafasi inapotea potea sababu ya utoro,”alisema Spika Ndugai.

Read More

DC WATAKWIMU WASIO NA VYETI HAWANA NAFASI YA KUFANYA TAFITI ZAO.

Mkuu wa wilaya ya Iringa Richard Kasesela akiongea na washiriki wa mafunzo ya wadadishi wa utafiti wa mwaka 2019 kwa niaba ya mkuu wa mkoa wa Iringa ambaye hakuwepo kutokana na kuwa na majukumu mengine ya kiserikali

 Mkuu wa wilaya ya Iringa Richard Kasesela akiongea na washiriki wa mafunzo ya wadadishi wa utafiti wa mwaka 2019 kwa niaba ya mkuu wa mkoa wa Iringa ambaye hakuwepo kutokana na kuwa na majukumu mengine ya kiserikali

 Mkuu wa wilaya ya Iringa Richard Kasesela akiagana na mtakimwi mkuu wa serikali Dr Albina Chuwa mara baada ya ufunguzi wa mafunzo ya wadadishi wa utafiti wa mwaka 2019 kwa niaba ya mkuu wa mkoa wa Iringa ambaye hakuwepo kutokana na kuwa na majukumu mengine ya kiserikali

NA FREDY MGUNDA,IRINGA.

Watafiti wote wanaofanya utafiti Tanzania wametakiwa kufanya utafiti wakiwa wanaelimu ya utafiti kutoka chuo cha takwimu hapa nchini au nje ya nchini kwa lengo la kuondoa takwimu zisizo sahihi ambazo zimekuwa zikileta migogoro kwenye jamii.

Akizungumza kwenye ufunguzi wa mafunzo ya wadadishi wa utafiti wa mwaka 2019 kwa niaba ya mkuu wa mkoa wa Iringa,mkuu wa wilaya ya Iringa Richard Kasesela amesema kuwa watakwimu wote wanatakiwa kufanya tafiti wakiwa na cheti kinachomsibitisha kuwa ni mtakwimu.

“Wanaojiita mtakwimu yeyeto yule lazima awe na cheti ambacho kinamdhibitisha kuwa ni mtakwimu na amesaini maadili ya takwimu la sivyo atakuchuliwe hatua za kisheria na pia hataruhusia kufanya kazi za kitafiti katika eneo usiku” alisema Kasesela

Kasesela alisema kuwa watakwimu wakitoa takwimu ambazo sio sahihi sinaleta tatizo kwenye usalama wa taifa kwa unakuwa umetikisa usalama wa taifa.

“Huyu mama na watu wake ni muhimu sana kwa usalama wa nchini kwa kuwa wanatoa takwimu zilifanyiwa kazi na zimethibitishwa na mamlaka husika” alisema Kasesela

Aidha Kasesela amesema kuwa watafiti wengi wanatakiwa kurudi darasani ili kuwasaidia kutoa takwimu zilizo sahihi na zisizoleta madhara kwa usama wa taifa.

Awali akitoa maelezo kwa ufupi kwa mgeni rasmi,mtakimwi mkuu wa serikali Dr Albina Chuwa amesema kuwa watatumia technolojia ya hali ya juu kukusanya takwimu zilizo sahihi kwa muda mfupi.

“utafiti huu kwa weledi wa juu wa kutumia teknolojia ya Kisasa ya kusanya takwimu Nchi nzima kwa muda mfupi na kupunguza gharama  na Utafiti huu umgefanyika miaka kumi kumi iliyopita ungegharamiwa kwa Tshs. Bilioni 5 lakini kwa matumizi ya teknojia ya Tablets imepunguza gharama kwa nusu,Utafiti huu utagharimu TShs. Bilioni 2 na Matokeo yatatolewa mwezi Desemba 2019” alisema Chuwa

Hata hivyo Chuwa alisema dhahiri teknolojia kwa kiasi kikubwa imepunguza gharama za kufanya Tafiti hapa Nchini na nitumie nafasi kutoa wito kwa Watakwimu wote Nchini kuwa ni vyema tujikite zaidi katika kuendeleza kujifunza zaidi teknolojia za kisasa za kuchakata taarifa za Kitakwimu kwa kuwa kwa sasa Dunia kila siku mbinu mpya za kitakwimu zinaendelea kufanyiwa majaribio na kutumika na Maofisi ya Takwimu Duniani.

“Napenda kuwaomba Benki ya Dunia na IMF kuendelea kuzijengea uwezo Ofisi za Takwimu za Afrika katika Matumizi ya teknojia mbali mbali za kuchakata takwimu wakati tunapoelekea kutekeleza Malengo Endelevu ya Maendeleo ya Dunia ya mwaka 2030” alisema Chuwa

Aidha Chuwa alisema kuwa hanashaka na matokeo ya Utafiti huu kwa kuwa juhudi zinazoendelea kutekelezwa na Serikali ya Awamu ya Tano chini ya Mpendwa wetu Mhe. Dkt. John Pombe Joseph Magufuli za kupambana na uchumi wa Viwanda asilimia za upatikanaji wa  yakavuka malengo yaliyowekwa katika Kabambe wa Kuendeleza Sekta ya Umeme hapa Nchini. Miradi ya Kimkakati iliyoainishwa kwenye Mpango wa Pili wa Maendeleo -2016/ 17 2020/21 umebainisha mikakati ya upatikanaji wa umeme wa kutosha hapa Nchini. 

Read More

ZAIDI YA MILIONI 280 ZATUMIKA KUJENGA NA KUKARABATI MIUNDOMBINU YA SHULE YA MSINGI BUHANGIJA

Serikali kupitia Mpango wa Lipa Kulingana na Matokeo (EP4R) imetumia kiasi cha shilingi milioni 286.6 kwa ajili ya kukarabati na kujenga miundombinu katika shule ya msingi Buhangija ya Mkoani Shinyanga.

Akizungumza shuleni hapo Mwalimu Mkuu wa Shule hiyo Selemani Kipanya amesema mwaka 2018 Wizara ya Elimu, Sayansi na Teknolojia iliipatia shule hiyo fedha hizo kwa ajili ya kujenga vyumba vinne vya madarasa, mabweni mawili na matundu 18  ya vyoo.

"Majengo haya yamesaidia sana kupunguza msongamano wa wanafunzi madarasani na vyooni pamoja na kuboresha mazingira ya kufundushia na kujifunzia," amesema Mwalimu Kipanya.

Mwalimu Kipanya amesema shule hiyo ambayo ni jumuishi ina jumla ya wanafunzi 1,052 ambapo kati yao 230 ni wenye mahitaji maalum na kwamba wanafunzi hao wenye mahitaji maalum wanaishi bweni wakati wengine wanasoma kutwa.

Naye Mwalimu Mohamed Makana ameishukuru serikali kwa kuikumbuka shule hiyo ambayo ilikuwa na changamoto nyingi za miundombinu pamoja na vifaa vya kujifunzia na kufundishia hasa kwa upande wa wanafunzi wenye mahitaji maalum.

Mwalimu Makana amesema shule hiyo imepatiwa vifaa vya kufundishia na kujifunzia vya kutosha kwa ajili ya watoto wenye mahitaji maalum ikiwemo kofia pamoja na miwani kwa ajili ya watoto wenye ualbino.

Mwanafunzi Jesca Michael mwenye ualbino ameishukuru Serikali kwa kuwalinda pamoja na kuboresha mazingira ya kujifunzia na kufundishia huku akiiomba serikali kuendelea kuwaangalia kwa ukaribu wanafunzi wenye mahitaji maalum ili nao waendelee kupata elimu bora.

Read More

Magazeti ya leo Alhamisi Novemba 14 2019

 

                 

 

Read More

Polepole Awavaa Wapinzani..."Wameogopa Upepo wa Kisulisuli"

Katibu wa Itikadi na Uenezi wa Chama cha Mapinduzi (CCM), Humphrey Polepole amesema kuwa watu wa vyama vya upinzani ni waungwana sana kwakuwa wameamua kujitoa wenyewe kwenye mchakato wa Uchaguzi wa Serikali za Mitaa, baada ya kukiona chama hicho kilivyo imara na hawawezi kushindana nacho.

 Polepole amesema hayo leo Novemba 13, 2019, Jijini Dar es Salaam, wakati akizungumza na waandishi wa habari.

"Watu wa vyama vya upinzani ni waungwana, wametazama wakasema mambo yatakayotokea kwenye uchaguzi huu si ya mchezo, kwetu sisi ile 2014 inawezekana ulikuwa ushindi wa Tsunami ila wa mwaka huu utakuwa ni ushindi wa kisulisuli na ndiyo maana wakaamua kabla hatujafika pabaya wakaweka mpira kwapani.

“Sisi ndiyo chama pekee wenye ilani ya chama inayotekelezwa, hata katika uchaguzi wa serikali za mitaa tumeandaa ilani ndogo ambayo itakuwa na mambo ambayo tutawaahidi Watanzania na tutayatekeleza,” alisema na kuongeza kwamba  CCM kimeweka  uzito mkubwa katika uchaguzi huu kwa sababu mambo ya maendeleo ya wananchi yanaanzia ngazi ya serikali za mitaa, na ili safu ya uongozi wa juu ikamilike inaanzia chini na safu isipokamilika kunakuwepo na wizi na ubadhirifu katika fedha za umma.
 
“Chama Cha Mapinduzi tunaingia katika uchaguzi huu tukiwa timamu  ili kupata watu sahihi watakaoweza kumsaidia Mheshimiwa Rais Magufuli kusimamia miradi yetu ya maendeleo na kuijenga nchi yetu.

“Hoja moja ambayo wapinzani wameitoa ni kuwa itungwe kanuni mpya ya uchaguzi.  Sasa tunawauliza wakati tunatunga kanuni hizi pamoja na wao,  walikuwa wamelala?” aliuliza na kuongeza:

“Kitendo cha mtu mzima kama Prof. Lipumba kunitusi na kunibeza kwamba ninaongozwa na njaa ambayo imenipanda kichwani si kitendo cha uungwana hata kidogo, anayejua nina njaa ni mke wangu peke yake na si mtu mwingine.

“Wale wote wanaonituhumu kuwa nimebadili msimamo wa kutetea mambo mbalimbali ikiwemo katiba (ya Warioba) huku wakidai njaa ndiyo imenibadilisha,  nataka niwaambie kuwa sijawahi kukana kauli yoyote niliyowahi kuisema na anayejua kuwa mimi nina njaa ni mke wangu pekee.”

Aidha Polepole amevitaka vyama vya upinzani kujifunza kulingana na historia iliyopita kwakuwa kuna baadhi ya maeneo hawana wafuasi kabisa kama ilivyo CCM.

Hadi kufikia leo Novemba 13, 2019, jumla ya vyama 7 vya upinzani, vimekwishajitoa katika kinyang'anyiro cha Uchaguzi wa Serikali za Mitaa kwa kile walichokieleza kuwa hawajatendewa haki baada ya majina ya wagombea wao kuenguliwa.

Read More

Atakayepokea Muhamiaji Haramu Bila Kufuata Sheria Za Nchi Faini Milioni 20 au Kutupwa Jela

Na  Avitus Benedicto Kyaruzi, Kagera
Wananchi  mkoani Kagera wametakiwa kufuata taratibu za kuwapokea wageni kutoka nchi jirani za Uganda Rwanda Burundi na Kenya na sio kuwa pokea nakuwatunza kinyemera katika maeneo yao na kuwapa makazi bila kufuata sheria za nchi. 

Hayo yamebainishwa na mkuu wa idara ya uhamiaji nchini Tanzaia  Anna Makakala wakati akizungumza na waandishi wa habari katika ofisi za mkuu wa mkoa huo akiwa katika ziara ya kikazi itakayodu kwa siku tatu hapa mkoani kagera  ambapo kwasiku hizo tatu atazungukia wilaya zote za mkoa wa kagera pamoja na kuzungukia mipaka ya mkoa wa kagera  kwa upande wa nchi jirani. 

Makakala ameongeza kuwa Wageni kutoka nchi mbalimbali jirani waingie nchini kwa kufuata taratibu maalumu na kuwa tahadharisha wananchi mkoani hapa kuwa hatakaye bainika akimkaribisha mgeni pasipo kufuata sheria na kanuni  za nchi hatua kali za kisheria na hadhabu kali ya kifungo cha miaka 20 au kutozwa faini ya milioni 20 zita chukuliwa dhidi yake. 

Naye mkuu wa mkoa Kagera brigedia Generali  Marco Gaguti  amesema kuwa mkoa wa Kagera hupo salama na hakuna wa amihaji haramu katika mkoa huu ni kutokana na kazi  nzuri zinazofanywa na idara ya uhamiaji , na kamati ya ulinzi na usalama  ya mkoa kwa kushirikiana na wananchi.

Read More

TRA: Wananchi Lipeni Kodi Ya Majengo, Viwango Vimepunguzwa

Na Veronica Kazimoto

Wito umetolewa kwa wananchi kulipa kodi ya majengo kwa kuwa viwango vilivyopangwa katika kodi hiyo ni rafiki na vinalipika kwa urahisi ukilinganisha na hapo awali.

Wito huo umetolewa na Afisa Kodi Mkuu, Julius Mjenga kutoka Mamlaka ya Mapato Tanzania (TRA) wakati wa Kampeni ya Usajili, Huduma na Elimu kwa Mlipakodi katika Kata ya Mlimba Wilaya ya Kilombero, mkoani Morogoro.

Mjenga amesema kuwa, sasa hivi viwango vya kulipia kodi ya majengo ni shilingi 10,000 kwa nyumba za kawaida, shilingi 50,000 kwa kila sakafu ya ghorofa katika Majiji, Miji na Manispaa na shilingi 20,000 kwa ghorofa zima katika Halmashauri za Wilaya.

“Sasa hivi viwango vimepunguzwa wale wenye nyumba za kawaida wanalipia shilingi 10,000 tu na wale wenye nyumba za ghorofa zilizopo kwenye manispaa, miji na majiji wanalipia shilingi 50,000 kwa kila sakafu wakati wale wenye nyumba za ghorofa zilizopo halmashauri ya wilaya wanalipia shilingi 20,000 kwa ghorofa zima,” alisema Mjenga.

Mjenga amefafanua kuwa katika majiji, manispaa na halmashauri za miji, iwapo kuna nyumba zaidi ya moja kwenye kiwanja kimoja, kila nyumba itatozwa shilingi 10,000 wakati katika halmashauri za wilaya, endapo kiwanja kimoja kina nyumba zaidi ya moja, nyumba yenye thamani ya juu ndio itakayohesabika na kutozwa shilingi 10,000.

Aidha, majengo yasiyotozwa kodi ya majengo ni pamoja na nyumba zilizoezekwa kwa nyasi na makuti, nyumba zilizojengwa kwa udongo (nyumba za tope) na majengo ya ibada kama vile misikiti na makanisa.

Julius Mjenga amewataja wazee wenye miaka 60 na kuendelea kuwa wamesamehewa kulipa kodi ya majengo kwa nyumba moja ambayo wanaishi na si vinginevyo na wazee hao wanapaswa kufika Ofisi za TRA kuomba kusamehewa kodi hiyo.

Mamlaka ya Mapato Tanzania inaendelea na kampeni ya usajili, huduma na elimu kwa mlipakodi katika Mikoa ya Morogoro na Pwani na itamalizika tarehe 17 Novemba, 2019.

Read More

Watu Sita wauawa kwa risasi Mtwara

Watu sita wameuawa katika kijiji cha Ngongo Wilaya ya Tandahimba mkoani  Mtwara na wengine saba kujeruhiwa katika mpaka wa Tanzania na Msumbiji baada ya kuvamiwa na watu wasiojulikana usiku wa kuamkia jana Jumanne Novemba 12, 2019.

Mkurugenzi wa Makosa ya Jinai (DCI), Robert Boaz amesema Watanzania sita walipigwa risasi na watu wanaodhaniwa kutoka nchi jirani ya Msumbiji wakati wakiwa visiwa vya mto Ruvuma wanakofanya shughuli za kilimo.

“Vyombo vya ulinzi na usalama vitahakikisha wahalifu hao wanapatikana na sheria kali zitachukuliwa juu yao, niwasihi tu wananchi kuepuka kwenda nchi za watu bila kuwa na vibali,” amesema.

Kwa upande wake Kamishna wa Operesheni na Mafunzo wa jeshi hilo, Leberatus Sabas, amesema kutokana na kazi nzuri wanayoifanya ndio maana wahalifu wanafanya matukio hayo mipakani.

“Tusikubali hata siku moja wavuke mpaka waje huku ndani tupo bega kwa mbega na wananchi. Vyombo vyote vya ulinzi na usalama vipo pamoja tutawasaka, tutawatia mbaroni na hatua kali zitachukuliwa.”

Read More

Wizara Ya Kilimo Yaahidi Kushirikiana Na Wanajeshi Wastaafu Kuimarisha Sekta Ya Kilimo

Na Mathias Canal, Wizara ya Kilimo_Dodoma

Serikali imewahakikishia Wanajeshi wastaafu kupitia muungano wa Wanajeshi Wastaafu Tanzania (MUWAWATA) kuwa imekusudia kuwashirikisha kwa karibu katika sekta ya kilimo kwani shughuli za kilimo zitaimarisha usalama wa chakula kwa kaya zao na Taifa kwa ujumla.

Waziri wa Kilimo Mhe Japhet Hasunga (Mb) ameyasema hayo leo tarehe 13 Novemba 2019 wakati wa ufunguzi ya mkutano wa semina ya mafunzo kwa muungano wa wanajeshi wastaafu Tanzania (MUWAWATA) uliofanyika tarehe 13 na 14 Novemba 2019 katika ukumbi wa Chama Cha Mapinduzi Jijini Dodoma (Dodoma Convention Center).

Aliongeza kuwa shughuli hizo zitaongeza kipato na kuboresha maisha ya wanajeshi hao kwa ujumla; Kuimarisha afya zao kwa kupunguza utegemezi wa ndugu, jamaa na marafiki kwa ajili ya kujikimu na maisha baada ya kustaafu.

Alisema kuwa Wizara ya Kilimo ipo tayari katika lengo la kufanya shughuli za kilimo kwa kutoa ushauri wa kitaalamu ikiwa ni pamoja na; kuwahakikishia upatikanaji wa mbegu bora, mbolea, zana za kisasa za kilimo na viuatilifu.

Mhe Hasunga amesema kwa kupitia Taasisi za Serikali na Mamlaka zilizopo, Wizara imeendelea kuboresha hali ya upatikanaji wa pembejeo kwa ujumla kwani ndio muhimili mkubwa katika sekta ya kilimo.

Kadhalika, amewahimiza wanajeshi hao na wakulima wote nchini kuzingatia matumizi bora ya pembejeo na kufuata ushauri wa kitaalamu; kwa kufanya hivyo ni Dhahiri kuwawataongeza tija na faida katika uzalishaji wa mazao ya kilimo.

Mhe Hasunga amesema kuwa sekta ya kilimo inachangia takribani asilimia 28.7 ya Pato la Taifa, asilimia 65.5 ya ajira, asilimia 65 ya malighafi ya viwanda na asilimia 30 ya mapato ya nje. Programu ya Kuendeleza Sekta ya Kilimo Awamu ya Pili (ASDP II) inatambua umuhimu wa ushirikishwaji wa wadau mbalimbali ili kuwezesha sekta na kilimo kuchangia kwa ufanisi katika ukuaji wa uchumi wa nchi na kuwezesha utekelezaji wa vipaumbele vya Taifa kwa ujumla.

Jitihada za Serikali zinalenga kuondoa vikwazo na changamoto za ukuaji wa sekta na kuimarisha Mapato ya Kilimo, kuboresha ukuaji wa mapato ya wakulima wadogo, kujitosheleza kwa chakula, uongezaji thamani ya mazao, ajira na hatimaye kufikia Nchi ya kipato cha kati ifikapo mwaka 2025.

Waziri Hasunga amesema kuwa lengo kuu la mkutano huo ni;  Kuwashirikisha wadau fursa mbalimbali zilizopo katika sekta ya kilimo ili kuongeza mchango wa sekta ya kilimo katika Pato la Taifa ikiwa ni pamoja na kuboresha maisha ya wakulima wadogo.

Amesema kuwa katika mkutano huo MUWAWATA wanapaswa kufanya wasilisho la shughuli za kilimo wanazozifanya na zile wanazotarajia kufanya kubainisha changamoto walizonazo na mapendekezo ya namna ya kutatua changamoto hizo.

Alisema kuwa matarajio ya mkutano huo ni pamoja na Kuongeza ufahamu (awareness creation) wa fursa mbalimbali zilizopo katika sekta ya kilimo, kupata fursa ya kuunganishwa na Wadau mbalimbali yakiwemo mabenki n.k.

Matarajio mengine ni Viongozi mbalimbali kutoka Serikalini na sekta binafsi kupata fursa ya kutoa maoni, ufafanuzi na kuwashauri MUWAWATA namna ya kushiriki katika kilimo; Kusikiliza changamoto zinazowakabili MUWAWATA na kuwashauri namna ya kuzitatua; na Kujenga uelewa kwa washiriki wa mkutano kuhusu Mikakati na Mipango ya Serikali katika kuiendeleza Sekta ya Kilimo;

Vilevile Waziri Hasunga ameitaja Programu ya kuendeleza sekta ya kilimo awamu ya pili (ASDP II) kuwa ni muhimu kwa wakulima nchini kwani inahimiza uongezaji thamani mazao ya kilimo kabla ya kuyauza ambapo pia itakuwa imeongeza nafasi za ajira kwa Watanzania.

Alisema hatua hiyo itaongeza ushindani wa bidhaa za ndani na nje ya nchi na itaiwezesha nchi kufikia malengo ya kuwa kwenye uchumi wa kati ifikapo 2025. “Ninawasihi MUWAWATA kujihusisha na kilimo kwa kuzingatia mnyororo wa thamani hasa kwa mazao ya vipaumbele ambayo yamebainishwa kwa kila eneo la kiikolojia” Alikaririwa Mhe HasungaNipo 

Read More

RC SINGIDA DKT. REHEMA NCHIMBI AKAGUA SHAMBA LA KOROSHO MASIGATI MANYONI

 Mkuu wa Mkoa wa Singida Dkt. Rehema Nchimbi, akionesha mabibo aliyoyaokota kwenye shamba la mfano la korosho lenye ukubwa wa ekari 12,000 lililopo Kijiji cha Masigati, wilayani Manyoni wakati wa ziara yake ya kikazi ya siku moja ya kukagua shamba hilo jana.

 Mkuu wa Mkoa wa Singida Dkt. Rehema Nchimbi, akiweka mabibo hayo kwenye mfuko akisaidiwa na Mkaguzi wa Ndani wa Halmashauri ya Wilaya ya Manyoni, Aderaide Rweikiza.

 Mkuu wa Mkoa wa Singida Dkt. Rehema Nchimbi na  Mkaguzi wa Ndani wa Halmashauri ya Wilaya ya Manyoni, Aderaide Rweikiza wakiokota  mabibo katika shamba hilo. 

Mkuu wa Mkoa wa Singida Dkt. Rehema Nchimbi, akiokota mabibo kwenye shamba hilo.

Na Dotto Mwaibale, Singida

MKUU wa Mkoa wa Singida Dkt. Rehema Nchimbi  amekagua shamba la mfano la korosho lenye ukubwa wa ekari 12,000 lililopo Kijiji cha Masigati, wilayani Manyoni na kueleza kuwa  linaendelea vizuri.

Akizunguza na waandishi wa habari jana wakati wa ziara ya kikazi ya siku moja ya kukagua shamba hilo Dkt. Nchimbi alisema linaendelea vizuri na kuwa linaleta matumaini makubwa.

"Hivi sasa mabibo yameanza kuanguka na watu wanayaokota ni dalili nzuri ya maendeleo ya shamba letu na kazi inayoendelea katika shamba hili ni kufanya usafi tayari kwa msimu huu" alisema Nchimbi.

Dkt. Nchimbi aliongeza kuwa katika msimu huu wanatarajia kupanda ekari zote 12,000 kwani mbegu zipo tayari na zipo za kutosha.

Akizungumza na wananchi na baadhi ya watumishi wa Halmashauri hiyo waliokuwepo katika shamba hilo wakati wa ziara yake ya kikazi mkoani Singida Oktoba 4, 2019, Waziri Mkuu Kassim Majaliwa alimpongeza  Dkt. Nchimbi kwa kulibeba wazo la kuanzisha shamba hilo na kuhakikisha linatimia.

“Nimpongeze Mkuu wa Mkoa wa kulibeba jambo hili, lakini nikuombe wewe na viongozi wenzako mhamasishe wengine walime zaidi zao hili kwa sababu korosho ni zao kubwa duniani na tena zao hili lina bei nzuri kimataifa,” alisema.

Alisema anatambua kwamba timu ya wataalamu kutoka kituo cha utafiti wa kilimo cha Naliendele, Mtwara imeshawasili Manyoni ili kufanya utafiti za zao hilo na jinsi linavyoweza kuzaa mara mbili kwa mwaka.

“Kwa kawaida, mkorosho mmoja hutoa kilo 40 za korosho kwa msimu mmoja, kwa hiyo kwa misimu miwili mtapata kilo 80. Ninawasii limeni korosho kwa ajili ya watoto wenu ambao wako darasa la pili au la tatu. Mkulima ukianza kuvuna, utaendelea kuvuna kwa miaka 20 mfululizo na kwa hiyo hao watoto hawatahitaji kulipiwa ada wakiwa chuo kikuu sababu korosho itakuwa inawalipia,” alisema.

Katika hatua nyingine, Waziri Mkuu aliwataka wakulima wanaolima zao hilo wilayani Manyoni, waunde Ushirika wao ambao utawasaidia kuagiza dawa kwa pamoja ama kuuza kwa pamoja.

Hivyo, alimwagiza Afisa Ushirika wa Wilaya hiyo,  Yusta Philipo ahakikishe anasimamia jambo hilo kuanzia sasa.

Akitoa taarifa juu ya mradi huo mbele ya Waziri Mkuu, Meneja wa Bodi ya Korosho Tanzania (CBT) Kanda ya Kati, Ray Mtangi alimweleza Waziri Mkuu kwamba mradi wa kilimo cha korosho unajumuisha mashamba makubwa mawili ambapo shamba la Misigati lina ukubwa wa ekari 7,000  na lile la Mikwese lenye ukubwa wa ekari 5,000.

Alisema watu mbalimbali wakiwemo viongozi wa kitaifa wamekuwa wakifika shambani hapo ili  wajifunze mbinu mpya za kuzalisha korosho kwenye maeneo yao. “Wiki mbili zilizopita, Mheshimiwa Spika na madiwani wa Kongwa walipita hapa ili kujifunza zao hili,” alisema.

Pia alisema Halmashuri yao imetenga eneo la ujenzi wa viwanda na kwamba hadi sasa wanazo ekari 50 kwa ajili ya ujenzi wa viwanda vya kubangua korosho.

Mapema, Waziri Mkuu alikagua shamba hilo na kujionea hali halisi ya shambani ikoje. Pia alioneshwa mabibo na korosho ambazo zimevunwa kutoka kwenye shamba hilo la mfano, kutoka 

kwenye mashamba ya wakulima ambao walipanda miche tangu januari mwaka jana.

Read More

STAILI YA TRA YA KUTOA ELIMU YA MLIPA KODI “DUKA KEA DUKA” YAMKOSHA DC WA RUFIJI JUMA NJWAYO

Afisa wa TRA  akimuelimisha mfanyabiashara huhu (kulia) katika stendi ya mabasi Ikwiriri, Wilayani Rufiji Mkoani Pwani leo Novemba 13, 2019 kuhusu elimu ya kodi katika maduka yao mtindo unaotumiwa na TRA kutoa elimu ya kodi unajulikana kama "Duka kwa Duka"

Na Mwandishi wetu, Rufiji

Mkuu wa Wilaya ya Rufiji Mkoani Pwani Juma Njwayo amepongeza juhudi zinazofanywa na Mamlaka ya Mapato Tanzania (TRA) za kutoa elimu ya Kodi kwa kuwafuata wafanyabiashara katika maeneo yao "duka kwa duka".

Mkuu huyo wa Wilaya amebainisha kuwa aina hii ya utoaji elimu ya kodi kwa kuwafuata wafanyabiashara utaongeza ari ya ulipaji kodi miongoni mwa wafanyabiasha na walipakodi wengine siyo tu katika Wilaya ya Rufiji bali hata kwa watanzania wote.

"Niwapongeze sana TRA kwa kuamua kufanya wiki ya elimu na huduma kwa walipakodi katika Wilaya yetu, naamini wana Rufiji tutafaidika na elimu hii na mapato yataongezeka", amesema DC Njwayo.

Aidha, Mkuu wa Wilaya amewataka wafanyabiasha na wananchi wa Wilaya ya Rufiji kutumia fursa hii kufahamu mambo yanayohusu ulipaji kodi ili walipe kodi kwa hiari na kwa wakati na kuiwezesha serikali kutekeleza miradi mikubwa yenye tija kwa Taifa.

"Sote tunashuhudia jinsi Mheshimiwa Rais Dkt. John Magufuli anavyotekeleza miradi mikubwa kama huu wa kufua  umeme wa Nyerere Hydro power tena upo wilayani kwetu, kwa hiyo tutumie fursa ya elimu ya kodi na kila mmoja aone ana wajibu wa  kulipa Kodi kwa hiari ili tupate maendeleo zaidi", amesisitiza Mkuu wa Wilaya Njwayo.

 DC Njwayo  ameongeza kuwa Kodi zinazokusanywa na TRA ndizo  zinazoleta maendeleo  ukiwemo utekelezaji wa miradi mbalimbali ya kitaifa kwa kutumia Kodi mradi wa umeme ambao utainua wilaya kiuchumi na kijamii pamoja na kuinua hali za wananchi.

Ameongeza kuwa ni vyema wananchi kushirikiana na TRA katika kuhakikisha kuwa elimu watakayoipata wanaifanyia kazi na kuchangia maendeleo ya taifa letu.

Naye Meneja wa Huduma kwa Mlipakodi kutoka TRA Honesta Ndunguru ameushukuru uongozi wa Wilaya ya Rufiji kwa ushirikiano waliouonesha na kuwa TRA itahakikisha inafika katika sehemu zote muhimu zenye wafanyabiasha na kuwasajili kuwa walipakodi na kuwapatia cheti Cha utambulisho wa Mlipakodi (TIN).

"Tutatoa TIN kwa kila anayestahili kupata kwa ajili kufanya biashara au kupata huduma zingine kama vile leseni ya udereva", amesema Ndunguru.

TRA inafanya wiki ya huduma, elimu na usajili wa walipakodi  katika mikoa ya Morogoro na Pwani kuanzia tarehe 11 hadi 16 ili kuongeza uelewa wa masuala ya ulipaji kodi miongoni mwa wananchi.

 Mkuu wa Wilaya ya Rufiji Mkoani Pwani, Mhe. Juma Njwayo (mwenye fulana nyeupe) akizungumza na watumishi wa Mamlaka ya Mapato Tanzania (TRA) waliofika ofisini kwake kutoa taarifa ya wiki ya huduma, elimu na usajili wa walipakodi inayoendelea katika wilaya hiyo iliyopo Mkoa wa  Pwani

Mkuu wa Wilaya ya Rufiji Mhe. Juma Njwayo (kushoto) akiagana na Watumishi wa Mamlaka ya Mapato Tanzania waliofika ofisini kwake kutoa taarifa ya wiki ya huduma, elimu na usajili wa walipakodi inayoendelea katika wilaya hiyo.  

Read More

JIMBO LA KIEMBESAMAKI KUENDESHA ZOEZI LA UPIMAJI KISUKARI BURE KWA WAZEE, NOVEMBA 14

Na Mwandishi Wetu, Zanzibar.

JUMUIYA ya Watu wanaoishi na ugonjwa wa Kisukari kwa kushirikiana na Madaktari wao wanatarajiwa kuendesha zoezi la upimaji ugonjwa huo kwa Wazee wa jimbo la Kiembesamaki tukio litakalofanyika kesho Novemba 14.

Zoezi hilo linaratibiwa na ofisi ya Mwakilishi wa jimbo hilo, Mahmoud Thabit Kombo ambaye ametoa wito kwa Wazee kujitokeza kwa wingi asubuhi na mapema kwenye Skuli ya Kiembesamaki A ambapo mbali na upimaji pia masuala mbalimbali ya kitaalamu ikiwemo ushauri vyote vitatolewa bure.

"Kambi hii maalum ya kupima Afya kwa Wazee ni katika kusherehekea siku ya Kisukari duniani. Naomba Wazee wote wajitokeze kwa wingi kesho siku ya Alhamisi ya kupima ugonjwa huu wa  kisukali" alieleza Mahmoud Thabit Kombo.

Aidha, Mahmoud Thabit Kombo ameongeza kuwa, amekuwa na utaratibu wa mara kwa mara kupeleka huduma muhimu zikiwemo za upimaji ili kusaidia wananchi kujua Afya zao.

"Mbali na zoezi la upimaji Kisukari. Pia kutakuwa na kambi zingine za magonjwa mbalimbali na Madaktari bingwa watafika kutoa huduma bure hii ni kuthamini afya za wananchi wetu" alimalizia Mahmoud Thabit Kombo.

Ugonjwa wa Kisukari umetaarifiwa kuwa ni miongoni mwa magonjwa hatari hivyo jamii imetakiwa kuepuka ikiwemo kuzingatia aina ya maisha pamoja na ufanyaji wa mazoezi.

Mwisho

Read More

Mikoa ya pembezoni ya Kigoma, Arusha na Kilimanjaro kinara wa uingizaji wa dawa bandia

NA ANDREW  CHALE,

MIKOA ya pembezoni mwa Nchi ikiwemo ya Kanda ya Magharibi, Kanda ya Ziwa na ile ya Kaskazini imeripotiwa kuwa  kinara wa dawa duni za binadamu na mifugo, vifaa tiba na vitendanishi ambavyo havikusajiliwa na Mamlaka ya Dawa na Vifaa tiba (TMDA).

Akitangaza matokeo ya operesheni maalum  ya dawa, vifaa tiba, vitendanishi, dawa asili na tiba mbadala, mbele ya waandishi wa habari mapema leo Jijini Dar e Salaam, Kaimu Mkurugenzi Mkuu wa TMDA, Bw. Akida Khea   alisema katika zoezi hilo Wilaya zaidi ya 33 katika mikoa 20 wameweza kukamata dawa bandia aina saba zenye thamani ya fedha za kitanzania Tsh. 12,495,500.

Dawa hizo bandia ni pamoja na  Sonaderm Cream toleo namba A1912 na A1758, Gentrisome cream (namba GNTRO X030), Sulphadoxine Pyrimethamine (ilikuwa na namba ya kughushi TAN)

Pia dawa zingine ni  ALPRIM (Sulfamethoxazole 400mg + Trimethoprim 80mg tablets (namba  6L74) ambapo kiwanda cha Elys Pharmaceutical cha nchini Kenya kinachozalisha dawa yenye jina kama hilo kimethibitisha kuwa dawa hizo ni bandia.

Bw. Khea alizitaja dawa zingine kuwa ni pamoja na Homidium Chloride,  Cold cap ambapo dawa halisi yake ilitambuliwa  kama COLDCAP, na dawa nyingine bandia ni dawa ya mifugo aina ya TEMEVAC NDV strain 1&2  ambayo ni chanjo ya kuku  kwa ajili ya ugonjwa wa mdondo.

“katika dawa hizo, uchunguzi wetu baada ya kuzibaini tuliweza kuwasiliana nawamiliki wa dawa husika ambapo waliweza kututhibitishia kuwa ni bandia na zingine zimegushiwa maandishi” alisema Khea.

 “Tumebaini mikoa  iliyo pembezoni ikiwemo Kigoma kubainika kuwa na dawa nyingi bandia pamoja na Mwanza. Lakini pia mikoa ya Kaskazini ikiwemo Arusha na Kilimanjaro nayo imebainika kuwa na wingi wa dawa hizo” alisema  Kaimu Mkurugenzi huyo wa TMDA, Akida Khea.

 Katika tukio hilo TMDA waliwashirikisha mamlaka mbalimbali wakiwemo Jeshi la Polisi, Msajili wa Baraza la dawa asili na tiba mbadala pamoja na TAMISEMI.

Nae Mrakibu wa jeshi la Polisi kutoka Makao makuu ya upelelezi kitengo cha Interpool,  Alekunda Urio  amesema jeshi hilo linafuatilia kwa karibu na wahusika wote ambao wamebainika katika kuingiza ama kusambaza watachukuliwa hatua.

"Wajibu wa jeshi la Polisi ni kulinda usalama wa raia na mali zao. Usalama wa raia ni pamoja na afya za wananchi sisi kama jeshi la polisi kwa pamoja tunahakikisha usalama wa raia unalindwa na wahusika watafikishwa kwenye vyombo vya sheria uchunguzi ukikamilika" alisema Bi Alekunda Urio.

Mwisho.

Read More

WANAWAKE WAFANYABIASHARA SOKO LA MIKINDANI MKOANI MTWARA WAOMBA KUJENGEWA CHOO

 Katibu Tawala Mkoa wa Mtwara, Balozi Mushi (katikati), akiwa katika picha ya pamoja na  Wanawake wajasiriamali kutoka  katika masoko ya jijini Dar es Salaam ambao wapo ndani ya Shirika la EfG ambao wapo katika ziara ya kuwahamasisha wanawake wafanyabiashara masokoni wa  mkoa huo kujiunga katika umoja wa kitaifa.

 Afisa mradi wa shirika EfG, Susan Sitta akimkabidhi mfuko wenye machapisho mbalimbali kutoka EfG, Katibu Tawala Mkoa wa Mtwara, Balozi Mushi.

 Meya wa Manispaa ya Mkoa wa Mtwara, Geofrey  Mwanchisye  (kushoto), akiwa amebeba mfuko wenye machapisho mbalimbali kutoka EfG.

 Wanawake wajasiriamali kutoka  katika masoko ya jijini Dar es Salaam ambao wapo ndani ya Shirika la EfG wakimsikiliza Meya wa Manispaa ya Mkoa wa Mtwara, Geofrey  Mwanchisye  (hayupo pichani)

Meya wa Manispaa ya Mkoa wa Mtwara, Geofrey  Mwanchisye  (wa tatu kutoka kulia walioka), akiwa katika picha ya pamoja na  Wanawake wajasiriamali kutoka  katika masoko ya jijini Dar es Salaam ambao wapo ndani ya Shirika la EfG ambao wapo katika ziara ya kuwahamasisha wanawake wafanyabiashara masokoni mkoa huo kujiunga katika umoja wa kitaifa.

Na Mwandishi Wetu, Mtwara.

WANAWAKE wajasiriamali katika  Manispaa ya Mtwara Mikindani mkoani humo (Sauti ya Mwanamke Sokoni) wameiomba halmashauri hiyo kuwaboreshea mazingira ya vyoo kwenye kazi zao hizo hususani matundu ya vyoo kwani yaliyopo ni machache ikilinganishwa na uwingi wao.

Hayo yameelezwa mwishoni mwa wiki na wanawake hao wakati wa ziara ya mafunzo kwa wajasiriamali hao iliyoandaliwa na Shirika lisilo la  kiserikali linalojihusisha na shughuli ya kuinua maendeleo ya sekta isiyo rasmi hapa nchini hasa  kwa wanawake la Equality for Growth  (EfG ) lenye makao makuu yake  Jijini Dar es salaam.

Mafunzo hayo yameambatana na kutambulishwa kwa mradi huo wa Sauti ya Mwanamke Sokoni  mkoani hapa wenye lengo la kuhamasisha wanawake wafanyabiashara katika manispaa hiyo na mkoa kwa ujumla kujiunga na umoja wa wanawake sokoni wa kitaifa ambapo kwa sasa Mtwara mradi unatekelezwa kwenye Soko Kuu, Saba saba pamoja na Magomeni.

Mwenyekiti wa Umoja wa Wanawake kutoka Soko Kuu la Mtwara Magdalena Malembe alisema  masoko yao  kwa sasa yanakabiliwa na changamoto hiyo kutokana hayana vyoo vya kutosha kwani wanawake wametengewa matundu mawili ya vyoo sokoni hapo lakini tundu moja tu ndio linalotumika.

"Halafu humo humo sisi wanawake huwa tunakutana na changamoto kwani wanaume wanaingia mle mle kwenye chumba chetu inatukwanza lakini kwa vile sisi inaonekana ni viumbe dhaifu basi tunatumia hivo hivo",Alisema Malembe

Hata hivyo ameongezs kuwa, " Ila  halmashauri yetu mnapaswa mtambue sisis akina mama wafanya biashara wa sokoni tunafanya kazi katika mazingira yasiyo rafiki",

Wanawake hao ni viwanda lakini pia wanazalisha Taifa kwani rasirimali watu hutokana na akina mama kwahiyo  shimo hilo moja la choo huingia akina mama hao na watoto sssa wakiingia akina baba huwa wanaharibu mazingira hivyo upo  uwezekano mkubwa watu hao kuweza kupata madhara kiafya.

Charles Chambea,  Katibu wa Soko la  Saba saba ametilia mkazo na kusisitiza juu ya changamoto hiyo na kwamba kutokana na uwingi wa wajasirimali  hao kwa siku za usoni halmashauri kuona umuhimu wa jambo hilo ili kuepusha madhara yanayoweza kujitoka kwa watu hao.

Afisa mradi wa shirika hilo Susan Sitta alisema,  mradi huo unalenga kuwakomboa wanawake kwani wanaonekana kupata faida, thamani ndogo ya bidhaa zao na wengi wao wanapata chini ya shingi elfu 7000/- kwa siku na asilimia 86.2 hawabaki na kiasi chochote au hubaki na kiasi kudogo kwa ajili ya chakula na mahitaji ya lazima.

Meya wa Manispaa hiyo Geofrey  Mwanchisye amewatoa hofu na kuahidi kufanyiwa kazi changamoto hiyo inayowakabili wajasiriamali katika maeneo hayo huku akiwaomba kuwa na matumaini katika hilo.

Mradi huo kwa sasa unatekelezwa katika mikoa tisa  hapa nchini ikiwemo Iringa, Mbeya, Mwanza, Shinyanga, Lushoto-Tanga, Musoma, Lindi, Mtwara na Dar es salaam yenye jumla ya wanachama 6500.

Read More