Articles by "WABUNGEMAJIMBONI"
‏إظهار الرسائل ذات التسميات WABUNGEMAJIMBONI. إظهار كافة الرسائل

on مايو 13, 2025

 


Umoja wa Wanawake Machinga Dodoma(UWAMADO) wamempongeza Mh. Rais Dkt. Samia S. Hassan kwa ujenzi wa soko la kisasa la Machinga Complex na miundombinu ya kisasa ya soko hilo ambalo ni la kipekee nchini.

Hayo yamesemwa jana wakati wa uzinduzi wa chama cha UWAMADO uliofanyika kwenye eneo la soko la Machinga Complex kwa kuzinduliwa na Mkuu wa Mkoa wa Dodoma Mh. Rosemary Senyamule

Akisoma Risala Katibu wa UWAMADO Bi. Mariam Kajembe amesema umoja huo umelenga kuwaleta wanawake Machinga pamoja ili kujijenga na kujiimarisha uchumi.

Aidha pia UWAMADO umempongeza Mh. Rais Dkt. Samia S. Hassan kwa ujenzi wa Soko la Machinga Complex ambalo limesaidia kuwaleta pamoja wafanyabiashara wengi wadogo pamoja ambao awali hawakuwa katika maeneo rasmi na hivyo kuwafanya kutokuwa rasmi.

Akitoa hotuba yake,Mkuu wa Mkoa wa Dodoma Mh. Rosemary Senyamule amewapongeza UWAMADO kwa kuamua kuanzisha umoja wao ambao utawasaidia kujiendeleza zaidi na kujiimarisha kiuchumi.

“Jambo hili la kuanzisha umoja ni jambo jema,hakikisheni umoja unafikia malengo mliyokusudia.

Mh. Rais kawajengea soko kubwa na zuri,soko hili liwe kichocheo cha ukuaji wenu kimtaji na kibiashara.

Niwatake Uongozi wa Jiji la Dodoma kuendelea kubuni na kuanzisha maeneo mapya ya kuwapanga vizuri wafanyabiashara wadogo wa Dodoma”Alisema Senyamule

Akitoa salamu zake Mbunge wa Jimbo la Dodoma Mjini Mh. Anthony Mavunde amewapongeza UWAMADO kwa kuona umuhimu wa kukaa pamoja kujiinua kiuchumi na kuwataka kuchangamkia fursa ya mikopo ya asilimia 10% ya mapato ya ndani ya Jiji ambayo kiasi cha Shilingi Bilioni 7 kimetengwa kwa ajili ya kuwawezesha wakina mama,vijana na watu wenye ulemavu.











soma zaidi »

on مايو 05, 2025

 


Mbunge wa Jimbo la Msalala mkoani Shinyanga, Mhe. Iddi Kassim, ametoa baiskeli 92 kwa wenyeviti wa vijiji vyote vya Halmashauri ya Msalala kwa lengo la kuwawezesha kufuatilia kwa ukaribu utekelezaji wa miradi ya maendeleo katika maeneo yao.

Baiskeli hizo zenye thamani ya shilingi milioni 23 zimekabidhiwa rasmi katika hafla iliyofanyika leo katika kata ya Bugarama zikiwa ni kwa ajili ya wenyeviti wa vijiji katika jimbo zima la Msalala kwa lengo la kurahisisha usafiri wa viongozi hao kuzungukia miradi ya maendeleo katika maeneo yao.

Zoezi hilo la ugawaji wa baiskeli limefanyika leo Mei 4,2025 likiongozwa na Mwenyekiti wa Umoja wa Vijana wa CCM (UVCCM) Taifa, Mohammed Ali Kawaida, ambaye pia amehutubia wananchi na kuwahimiza kuhakikisha miradi ya maendeleo inalindwa na kutunzwa kwa manufaa ya wote.


“Ni jambo la kuigwa. Mbunge amewawezesha viongozi wa msingi kufanikisha usimamizi wa maendeleo ya wananchi. Nawasihi wenyeviti kutumia baiskeli hizi kwa shughuli zilizokusudiwa,” amesema Kawaida na kupongeza hatua hiyo aliyoitaja kuwa ya kipekee katika ziara yake ya siku 10 nchini.


"Naomba mkazitunze hizi baiskeli ili ziwasaidie katika kuzungukia miradi ya maendeleo inayotekelezwa na ilani ya Chama cha mapinduzi (CCM)", amesema.


Akizungumza katika mkutano huo, Mbunge Iddi amesema kuwa wenyeviti wa vitongoji na vijiji wanafanya kazi kubwa bila kuwa na mshahara na kwamba jimbo la msalala lina utajiri mkubwa unaoweza kuwapa posho wenyeviti hao kupitia mapato ya ndani.

Ameeleza kuwa kila baiskeli imegharimu shilingi 250,000, na kwamba hatua hiyo inalenga kuwawezesha wenyeviti kusimamia kwa karibu utekelezaji wa miradi mbalimbali ili kuhakikisha changamoto zinagunduliwa mapema na kutafutiwa ufumbuzi.


Aidha Mheshimiwa Iddi amewataka viongozi kuwatumikia wananchi kwa kusimamia kwa uaminifu miradi ya maendeleo ili kuinua Uchumi wa taifa na Uchumi wa mtu mmoja mmoja.


“Katika vijiji vyetu, kuna miradi mingi inayoendelea na inahitaji usimamizi wa karibu. Nitashirikiana na viongozi hawa kuhakikisha wananchi wanapata huduma bora na maendeleo ya kweli,” ameongeza.


Wakizungumza mara baada ya kupokea baiskeli hizo baadhi ya wenyeviti wamemshukuru Mbunge Iddi na kwamba baiskeli hizo zitawasaidia katika majukumu yao.


Katika tukio hilo, wanachama tisa wa Chama cha Demokrasia na Maendeleo (CHADEMA) kutoka Wilaya ya Kahama, wakiongozwa na aliyekuwa Mjumbe wa Kamati Tendaji ya wilaya hiyo, Samson Thomas, wamehamia Chama Cha Mapinduzi (CCM) na kupokelewa rasmi na Mwenyekiti wa UVCCM Taifa.


Akizungumza kwa niaba ya wenzake, Thomas amesema wameamua kuunga mkono juhudi za serikali ya CCM katika kusukuma mbele maendeleo ya wananchi, na kuahidi kushiriki kikamilifu katika shughuli za chama na uongozi, huku akiahidi kuwa mtiifu kwa chama hicho.


















soma zaidi »

on أبريل 20, 2025

 



Akisisitiza umuhimu wa kuwa na Shukrani kama ambavyo imehubiriwa hii leo kwenye Ibada ya Pasaka kwenye Kanisa la KKKT Sinoni Jijini Arusha, Mbunge wa Arusha Mjini Mhe. Mrisho Gambo amemtaja Rais Samia kama Kiongozi aliyeweka alama nyingi za vielelezo vya miradi ya maendeleo Arusha Mjini, akimshukuru kwa kutenga fedha nyingi za kutekeleza miradi ya Maendeleo Arusha.


Mhe. Gambo aliyeshiriki Ibada ya Pasaka kwenye Kanisa hilo na kuchangia shughuli mbalimbali za maendeleo zinazoendelea kanisani hapo, ameeleza kwamba kuwa na Mwanamke Kiongozi kuanzia ngazi ya familia ni baraka na chanzo cha Maendeleo, akisema kwa Arusha pekee Rais Samia amefanikiwa kukuza uchumi wa wananchi kwa asilimia kubwa kwa kipindi kifupi ambacho amekuwa Rais wa Tanzania.


Mhe. Mrisho Gambo amewaambia waumini wa kanisa hilo kuwa Rais Samia Suluhu Hassan kwa muda mfupi aliokuwa madarakani, ametoa Bilioni 286 kwaajili ya ujenzi wa Uwanja wa michezo Mirongoine kata ya Olmot, lakini pia amesisimua sekta ya utalii Mkoani humo kupitia filamu ya The Royal Tour, suala ambalo limekuza uchumi na kutoa ajira kwa Vijana na wajasiriamali wengi wa Mkoa wa Arusha, akieleza kuwa mambo hayo kwa Arusha yanafanikiwa kutokana na ushirikiano uliopo kati ya Ofisi yake na Wenyeviti wa Serikali za Mitaa na Madiwani wa Arusha Mjini.


Gambo pia amezungumzia mradi wa Uendelezaji Miji Tanzania (TACTICS)ambapo ameeleza kuwa kutokana na jitihada za Rais Samia, fedha zimetolewa na Tenda imeshatangazwa ambapo kutafanyika Ujenzi wa Masoko makubwa mawili ya Kilombero na Morombo, yatakayokwenda sambamba na ujenzi wa Kituo kikuu cha Mabasi Arusha itakayojengwa eneo la Bondeni City.


Akizungumzia alama zilizowekwa na Rais Samia kwa Kata ya Sinoni, Mhe. Gambo ameeleza kuwa Rais Samia atatoa Milioni 250 za awali kwaajili ya ujenzi wa Kituo cha afya Sinoni, akitoa pia fedha katika Bajeti ijayo ya serikali kwa ajili ya Ujenzi wa shule ya Sekondari Sinoni ili kupunguza masafa marefu ya wanafunzi kufuata huduma ya elimu kwenye shule za nje ya Sinoni.


Mhe. Gambo amemshukuru Rais Samia pia kwa kuirejesha Arusha kwenye uenyeji wa mikutano ya Kitaifa na Kimataifa, akieleza kuwa mikutano hiyo imekuwa sehemu ya kukuza uchumi wa wananchi wa Arusha Mjini kupitia biashara na Ujasiriamali ambao wamekuwa wakiufanya na kuleta tija kutokana na mwingiliano na ugeni mkubwa wa watu mbalimbali wanaofika Arusha kuhudhuria Mikutano na warsha za ndani na nje ya Tanzania.

soma zaidi »

on أبريل 17, 2025



WANANCHI wa kata  nane za Jimbo la Vunjo mkoani Kilimanjaro  wamesifu uwakilishi na utendaji  Kazi wa Mbunge wa Jimbo lao  Dkt Charles Kimei kwa kazi nzuri za miradi ya Maendeleo katika kata zao.

Miongoni mwa kata zilizotoa pongezi hizo ni pamoja na kata za Marangu Mashariki, Njiapanda, Kahe Mashariki, Kirua Vunjo Kusini, Kilema Kusini, Kirua Vunjo Mashariki, Makuyuni na Kirua Vunjo Magharibi.

Wakitoa pongezi hizo kwa nyakati tofauti kwa Mbunge huyo,Mmoja wa wananchi wa Kata ya Marangu Mashariki, Rosemary Mosha  alisema kwa kipindi hiki Mbunge huyo ameonesha tofauti kubwa baina yake na wabunge waliowahi kuongoza katika jimbo lao.

Alisema Mbunge Dkt.Kimei  amekuwa anaonekana   mara kwa mara Jimboni humo na kusikiliza kero pamoja na changamoto za wananchi wake na kuchukua hatua mbalimbali za kuzitatua.

Mosha alisema katika jimbo lao wameweza kupiga hatua kubwa  katika miradi ya miundombinu ya barabara akitolea mfano daraja linalounganisha vijiji vya Sembeti na Samanga, Upanuzi wa daraja la Marangu Mtoni, ujenzi wa kituo cha Afya Marangu Hedikota, miradi ya elimu na maji.

Kwa Upande wake Richard Kawiche kutoka Kata ya Marangu Mashariki alisema Mbunge Kimei amewaletea kiasi cha sh. Milioni 2 kwaajili ya  ujenzi wa maabara shule ya Sekondari Sakayo Mosha, Kiasi cha Shilingi Milioni  1.5 kwaajili  ya ujenzi wa kivuko Mshiri akishirikiana na wadau.

"Mbali na hayo Mbunge wetu Dkt.Kimei  ametuchangia madawati 50  katika  Shule ya Sekondari  ya Ashira na sasa tuna mradi wa Shilingi Milioni 346 wa kuimarisha upatikanaji wa maji safi  katika vijiji vya Samanga na Rauya kupitia Mamlaka ya maji safi na usafi wa mazingira mjini Moshi (Muwsa).

Naye mzee maarufu  wa kata ya Kahe Mashariki,Mzee Hardson Mmanyi alisema wanampongeza  Mbunge huyo pamoja na Rais Dkt.Samia  Suluhu Hassan kwa kazi nzuri na kubwa wanayofanya ya kupeleka Maendeleo katika kata yao. 

Alisema wameona  namna  walivyofanikisha ujenzi wa barabara ya Papliki - Majengo - Kochakindo,kufikisha   umeme katika kijiji cha Kochakindo pamoja na Zahanati inayotoa huduma kwa  hivi sasa mambo ambayo hayakuwepo hapo awali.

"Vunjo lilikua Jimbo la wanasiasa kuja kujipatia ubunge, kuvuna fedha na kutokomea bila uwajibikaji wowote wenye kuacha alama kwenye mahitaji ya wananchi.

" Wabunge wengi walionekana msimu wa uchaguzi hali imekua tofauti kwa Mbunge Dk Kimei amekua anarudi Jimboni na kazi za maendeleo zinaonekana. Nadiriki kusema wanavunjo tumuunge mkono aweze kukamilisha kazi hizi nzuri alizozianza pamoja na Rais Dkt Samia Suluhu Hassan kwa upendo wake kwetu kupitia yeye mwakilishi wetu," Alisema Ally Msangi  kutoka kata ya Makuyuni

Madiwani wa Jimbo la Vunjo wanazungumziaje maendeleo ya Jimbo lao.

Diwani wa Kata ya Makuyuni,  Mhe Dickson Tarimo alisema kata hiyo imepokea miradi mingi ya maendeleo kipindi hiki cha mbunge wa jimbo la Vunjo, Dkt Kimei pamoja na Rais Dkt Samia kwa kazi walizozifanya hawana budi kuwalipa kwa kuwapa kura za kutosha.

Diwani huyo aliainisha kazi mbalimbali alizofanya mbunge huyo katika kata hiyo ikiwemo shule ya Sekondari Himo kujengewa miundombinu ya kidato cha 5&6, kufanikisha kituo cha wagonjwa wa Nje (OPD) Himo kupandishwa hadhi kuwa kituo kamili cha afya na maboresho makubwa ya utoaji wa huduma za afya kwa kukiwezesha kupata dental treatment unit, dental X -Ray, Digital X-Ray, gari jipya la wagonjwa, vifaa na vifaa tiba vya afya ya uzazi, mama na mtoto vya zaidi ya shilingi milioni 74 pamoja na ujenzi wa madarasa na ununuzi wa madawati katika shule zetu za msingi na sekondari. 

Diwani John Kessy wa Kata ya Kirua Vunjo Magharibi aliongeza kuwa  Mbunge Dkt Kimei amefanikisha Kituo cha Afya Kirua Vunjo kilichopo katika kata hiyo kupatiwa fedha shilingi milioni 500 kwa ajili ya upanuzi kwa kujengewa majengo ya maabara, upasuaji, mama na mtoto pamoja na upauaji wa bwalo la shule ya sekondari Pakula na maboresho katika soko lao la Rindima kwa kukamilisha choo cha soko hilo na kufanikisha ujenzi wa paa la soko. 

Naye Diwani  wa Kata ya Njiapanda Mhe Loveness Mfinanga alisema hawamuungi mkono Dkt Kimei kwa sababu ni mwanaCCM mwenzao bali wanamuunga mkono kwa sababu amefanya kazi za maendeleo zinaonekana zinazogusa maisha ya wananchi. 

Akitolea mfano katika kata yake amefanikisha fedha shilingi bilioni 2.3 kujenga mradi wa maji ulioondoa kero ya maji katika kata hiyo kupitia MUWSA, ujenzi wa shule mpya ya sekondari Njiapanda, ujenzi wa zahanati 2 Njiapanda na Pofo, ujenzi wa shule ya msingi Darajani, ukarabati wa shule za msingi Dr Shein na Njiapanda pamoja na matengenezo ya barabara. 

Diwani wa kata ya Kirua Vunjo Mashariki, Mhe Alex Umbela alisema ameshuhudia na kufanya kazi na wabunge wengi lakini Mbunge wa sasa katika jimbo hilo  ni wa kipekee katika utendaji wa matokeo yenye kuonekana.

Akieleza yaliyofanyika kwenye kata yake alisema shule mbili za msingi Mrumeni na Msufini ni kama zimefanyiwa maboresho kwa kujengwa upya, ujenzi wa zahanati mpya ya Kileuo, uboreshaji wa zahanati ya Nganjoni, maboresho soko la Kisomachi na ujenzi wa barabara ya Uchira - Kisomachi - Kolarie kilomita 2.6 kwa kiwango cha lami ambapo mkandarasi wake  hadi sasa yupo. 

Dkt.Kimei alipotafutwa aliwaomba Wana-CCM kuendeleza Umoja ndani ya chama na kuendelea kumsemea vizuri Rais Dkt Samia Suluhu Hassan, Madiwani na CCM ambapo serikali imetekeleza kwa vitendo ahadi zilizotolewa wakati wa uchaguzi mkuu wa mwaka 2020 kupitia ilani ya uchaguzi ya CCM 2020 - 2025.


















soma zaidi »

on أبريل 14, 2025
Mbunge wa Viti Maalum Mkoa wa Kilimanjaro Esther Maleko akizungumza wakati wa kukabidhi Mashine za kutotoleshea vifaranga kwa wanawake wa kata 169 za mkoa wa Kilimanjaro ikiwa ni sehemu ya ahadi yake aliyoitoa mwaka 2020 wakati akiomba ridhaa .
Baadhi ya wanawake wakimsikiliza Mbunge Esther Maleko katika Warsha iliyoenda sambamba na utoaji wa mashine za kutotoleshea vifaranga ,warsha iliyofanyika katika ukumbi wa mikutano uliopo ofisi za CCM mkoa wa Kilimanjaro 
Mbunge Esther Maleko wakifurahia muziki na wanawake waliofika kwa ajili ya kupatiwa mashine maalum kwa ajili ya kutotolesha vifaranga zilizotolewa na mbunge huyo kwa wanawake wa mkoa wa Kilimanjaro .
Mbunge Esther Maleko akikabidhi mashine maalum kwa ajili ya kutotolesha vifaranga kwa viongozi wa Jumuiya ya Wanawake wa Chama cha Mapinduzi wilaya za Moshi vijijini na Moshi mjini na kushuhudiwa na katibu wa CCM mkoa wa Kilimanjaro Merce Mollel .

 Anaadika Dixon Hussein - Kilimanjaro 

Katika hatua ya kuimarisha maendeleo ya wanawake mkoani Kilimanjaro, Mbunge wa Viti Maalum wa Chama Cha Mapinduzi (CCM), Ester Maleko, amekabidhi mashine 169 za kutotoleshea vifaranga vya kuku (incubator) kwa kila kata ya mkoa huo, ikiwa ni sehemu ya kutimiza ahadi yake ya kuinua wanawake kiuchumi kupitia ufugaji wa kuku.

Akiwa kwenye mkutano wa wanawake wa CCM uliofanyika mjini Moshi, Maleko alisema kuwa wakati wa kampeni za mwaka 2020, aliahidi kushirikiana na wanawake kuleta mabadiliko ya kiuchumi kupitia miradi yenye tija, na sasa anatekeleza hilo kwa vitendo.

“Siasa ni uchumi. Mwanamke akiwa na uchumi si rahisi kuyumbishwa. Niliahidi kuwa sitakuwa mbunge wa maneno, bali wa matendo. Haya ndiyo matokeo,” alisema Maleko.

Alisema mashine hizo, ambazo zina uwezo wa kutotolesha mayai 90 kwa mzunguko mmoja wa siku 21, zimegharimu zaidi ya Sh84.5 milioni hadi sasa, na zitakwenda sambamba na mafunzo kwa vikundi vya wanawake pamoja na mitaji ya mayai ya kuanzia uzalishaji.

Katibu wa CCM: Uchumi wa mwanamke ni silaha ya kisiasa

Akizungumza katika mkutano huo, Katibu wa CCM Mkoa wa Kilimanjaro, Merce Molell, aliwataka wanawake kuchanganya siasa na uchumi, akisema kuwa uwezo wa kifedha kwa wanawake ni silaha muhimu ya kuimarisha chama hicho kuelekea chaguzi zijazo.

“Wanawake mnapaswa kuwa na uchumi wenu. Siasa ya maneno bila uchumi ni siasa bure. Tunataka wanawake wa Kilimanjaro wawe mfano wa kuigwa kitaifa,” alisema Molell huku akiwahamasisha wanawake kuchukua fomu za kugombea nafasi mbalimbali kuanzia Mei 1 hadi 15.

Katibu huyo alimtaja Mbunge Maleko kuwa mfano wa mwanasiasa anayetekeleza siasa ya kweli, kwa kuwa amewagusa wanawake moja kwa moja kupitia mradi unaochochea lishe bora, ajira na kipato kwa familia.

“Anachofanya si kwa ajili ya uchaguzi, bali ni utekelezaji wa ahadi. Huu ndiyo uongozi tunaoutaka ndani ya CCM – unaotatua changamoto, si wa maneno,” alisema Molell.

Aliongeza kuwa miradi kama hii itasaidia kuvunja utegemezi wa mikopo isiyolipika na kuwawezesha wanawake kujitegemea, huku akisisitiza kuwa wana CCM lazima watumie fursa kama hizi kuhamasisha na kujiimarisha katika ngazi ya mashina na matawi.

Samia apigiwa saluti

Katika hotuba zao, wote wawili – Molell na Maleko – walitumia nafasi hiyo kumpongeza Rais wa Jamhuri ya Muungano wa Tanzania, Dk. Samia Suluhu Hassan, kwa kazi kubwa ya maendeleo ndani ya miaka minne ya uongozi wake.

“Tokea uhuru hadi mwaka 2020, Kilimanjaro ilipokea Sh bilioni 228 za maendeleo. Lakini chini ya Rais Samia tumepokea zaidi ya Sh trilioni 1.2 ndani ya miaka minne pekee. Hili halina mfano,” alisema Molell.

Maleko naye alisisitiza kuwa wanawake wa Kilimanjaro wako tayari kumpigania Rais Samia katika uchaguzi mkuu ujao kwa kuhakikisha kura za wanawake haziyumbishwi.

“Mama Samia ametekeleza, na ametekeleza kwelikweli. Tanzania inatambua, dunia inatambua, na sisi wanawake wa Kilimanjaro tunasema: tutakupigia kura kwa nguvu zetu zote!” alisema Maleko kwa msisitizo.

Kwa mujibu wa Maleko, kila kata itapatiwa pia wataalamu watakaoendesha mafunzo ya matumizi bora ya incubator pamoja na mbinu za usimamizi wa miradi ya ufugaji wa kuku.

Wanawake waliopokea vifaa hivyo walipongeza hatua hiyo na kuahidi kuzitumia kwa tija katika kuinua uchumi wa familia zao na kuimarisha chama.

“Tumeanza na incubator, lakini tunakwenda mbele zaidi. Tutafika kila tarafa na kila kijiji. Hii siyo siasa ya msimu, hii ni siasa ya maendeleo,” alihitimisha Maleko.

Mwisho .

Anaandika Dixon Busagaga .
Moshi, Kilimanjaro

 

 

 

 

 

 

 

soma zaidi »
الاشتراك في: الرسائل (Atom)