Na Mwandishi wetu, Handeni.

WANANCHI waliohama kwa hiyari kutoka eneo la hifadhi ya Ngorongoro kwenda Kijiji cha Msomera wilayani Handeni mkoani Tanga wamemuomba mkuu wa mkoa huo mhe. Balozi Dkt.Batilda Salha Burian kumfikishia salaam za shukrani Rais wa Jamhuri ya Muungano wa Tanzania mhe. Dkt.Samia Suluhu Hassan kwa kuwahamisha kwa hiyari kutoka ndani ya hifadhi hiyo na kuwajengea huduma bora za kijamii nje ya Hifadhi.

Wananchi hao wakiongozwa na makamu mwenyekiti wa Halmashauri ya wilaya ya Ngorongoro mhe. Emmanuel Gabriel Tonge na madiwani waliohama kutoka Ngorongoro kuelekea katika Kijiji hicho wamesema kuwa Rais Dkt.Samia Suluhu Hassan amewaondoa kwenye mateso ya muda mrefu ya kuishi na wanyama hatarishi, kutokuwa na uhuru wa kufanya shughuli za kiuchumi kutokana na kuzuiliwa na sheria za hifadhi pamoja na Watoto wao kushindwa kupata elimu bora walipokuwa Ngorongoro.

“Mhe. mkuu wa mkoa tunakuomba sana mfikishie salaam zetu Mhe. Rais wetu Dkt.Samia, huyu mama amejawa na utu, huruma na upendo kwetu sisi wananchi wa Ngorongoro, bila msimamo wake tungeendelea kuishi katika hali ngumu ndani ya hifadhi kwani changamoto ndogondogo zilizopo hapa Msomera hazilingani na ugumu wa maisha uliopo ndani ya hifadhi”alisema Mhe. Gabriel Tonge.

Madiwani waliopata nafasi ya kuzungumza katika kikao hicho wamesisitiza umuhimu wa wananchi waliopo Ngorongoro kujiandikisha kuhama kwa hiari ili waweze kutumia fursa lukuki zilizopo Msomera.

Katika ziara hiyo iliyokuwa na lengo la kutatua kero za wananchi kwenye Kijiji cha Msomera Dkt. Burian amesikiliza changamoto mbalimbali za wananchi ili Serikali iendelee kuzifanyia kazi kutimiza azma ya maisha bora ya wananchi katika Kijiji hicho.

Amesema serikali imetenga fedha za kutosha kupitia sekta za barabara, kilimo, umeme, mifugo, maji, mawasiliano, elimu na afya katika kuboresha huduma hizo kijijini hapo ili wananchi wengi waliopo ndani ya hifadhi ya Ngorongoro waweze kuhama kwa hiyari na kufaidi huduma hizo muhimu.

Kwa upande wake mkuu wa wilaya ya Handeni mhe. Albert Msando amesema serikali katika ngazi ya wilaya imeweka kambi kijijini hapo katika kuhakikisha kuwa kila changamoto inayoibuliwa na wananchi inapatiwa majibu ili kutekeleza maelekezo ya serikali ya awamu ya sita ya kuhakikisha kila mwananchi anakuwa na maisha bora kwa kutatua changamoto zao.

 


Mwenyekiti wa Umoja wa Vijana wa CCM Taifa Ndg. Mohammed Ali KAWAIDA (MCC) ameweka bayana kuwa Umoja wa Vijana wa CCM utaendelea kumlinda Rais wa Jamhuri ya Muungano wa Tanzania Mhe. Dkt Samia Suluhu Hassan kwa Hali na Mali licha ya kuwa kuna watu wanapata homa kuona namna Rais Samia anavyotekeleza vyema Ilani ya Uchaguzi ya CCM. 

Ndg. Kawaida ameyasema hayo wakati akizungumza na maelfu ya Vijana waliojitokeza kwenye Kongamano la Wasomi na Dkt Samia lililoandaliwa na Tawi la UVCCM Mabibo Hosteli Seneti Vyuo na Vyuo Vikuu Mkoa wa Dar es Salaam lililofanyika katika ukumbi wa Ubunge Plaza Ubungo Jijini Dar es Salaam tarehe 13 Aprili, 2024.

"Nimefarijika sana leo kupata hii nafasi ya kubadilishana mawazo na ndugu zangu wa Chuo Kikuu upande wa Mabibo Hosteli niwaambie jambo moja wapo watu wanaweweseka na kupata homa zisizo na sababu wakiona namna ambavyo Mwenyekiti wa CCM na Rais wa Jamhuri ya Muungano wa Tanzania Mhe Dkt Samia Suluhu Hassan anavyotekeleza vyema Ilani ya Uchaguzi ya CCM"

Lakini pia niwape salama kutoka kwa Mwenyekiti wetu wa Chama cha Mapinduzi (CCM) Dkt Samia anawasalimu sana na anaona namna Vijana mnavyoendelea kumuunga mkono kila siku.

"Rais wetu Mhe. Dkt Samia anaimani kubwa na Vijana na ndio maana Mwezi Machi, 2024 niliaminiwa na Chama cha Mapinduzi kwenda kusimamia Kampeni za Uchaguzi mdogo wa marudio wa Kata ya Kabwe katika Wilaya ya Nkasi mkoani Rukwa na tumefanikiwa kuirudisha Kata ya Kabwe kwenye mikono Salama ya CCM baada ya miaka 27 kuwa upinzani" amesema Ndg. Kawaida.

Aidha Ndg. Kawaida amempongeze Katibu wa Idara ya Uhusiano wa Kimataifa, Vyuo na Vyuo Vikuu UVCCM Ndg. Emanuel Martine kwa namna anavyofanya kazi kubwa sana, tangu nimteuwe hajaniangusha hata kidogo.

"Katika Uongozi wangu nataka kuwa daraja la kuwasogeza Vijana wenzangu natambua kuna Vijana wengi na wenye uwezo bado hawajapata nafasi."

Hata hivyo Ndg. Kawaida amewaonya wale wote wanaotumia mitandao yao ya Kijamii kumkashif na kumvunja moyo Rais wetu wasitumie vibaya uhuru wao wa kuzungumza, yupo mwanadada mmoja eti anajiita mtanzania, anaendelea kutumika kumchafua Rais wetu, UVCCM hatutamjibu mwendawazimu kwani UVCCM tumefundishwa kujibu hoja kwa hoja na bahati nzuri anahoja zake mbili Tozo na Umeme nani asiyejua faida za Tozo hapa" 

Mwisho Ndg. Kawaida amewapongez a Viongozi wa Tawi la UVCCM Mabibo Hosteli na Vijana wa Hamasa kwa kazi kubwa wanayoifanya pamoja na kusisitiza Vijana kujitokeza kwa wingi kugombea nafasi mbalimbali za Uongozi kwenye Uchaguzi wa Serikali za Mitaa.







 


IMG-20240413-WA0016
Mkurugenzi Mtendaji wa Mamlaka ya Udhibiti wa Mbolea Tanzania (TFRA), Joel Laurent akizungumza jambo mbele ya Mkuu wa Mkoa wa Kagera, Fatma Mwassa katika kikao kifupi kilichofanyika katika ofisi ya Mkuu wa Mkoa Mwasa ikiwa ni mwanzo wa ziara ya kikazi ya bodi na menejimenti ya Mamlaka mkoani humo.. tarehe 13 Aprili, 2024.
IMG-20240413-WA0017
Mkuu wa Mkoa wa Kagera, Fatma Mwassa akimsikiliza Mwenyekiti wa Bodi ya TFRA, Dkt. Anthony Diallo (hayupo pichani) akizungumzia jukumu la Udhibiti wa mbolea na namna Mamlaka imejipanga kuhamasisha usajili na matumizi sahihi ya mbolea ili kuongeza tija kwenye uzalishaji.
IMG-20240413-WA0018
Mwenyekiti wa Bodi ya TFRA,Dkt. Anthony Diallo (mwenye kofia) akizungumza katika kikao kifupi kilichofanyika katika ofisi ya Mkuu wa Mkoa wa Kagera Fatma Mwassa (hayupo pichani) akiwa katika ziara ya kikazi mkoani humo
IMG-20240413-WA0019
Meneja wa TFRA Kanda ya Ziwa Michael Sanga akizungumza jambo kuhusu utekelezaji wa mpango wa ruzuku katika mkoa wa Kagera katika kikao baina ya Bodi na Menejimenti ya Mamlaka na Mkuu wa Mkoa huo, Fatma Mwassa tarehe 13 Aprili, 2024.
IMG-20240413-WA0020
IMG-20240413-WA0021
Mkuu wa Mkoa wa Kagera, Fatma Mwassa akizungumza jambo mbele ya ujumbe kutoka Mamlaka ya Udhibiti wa Mbolea Tanzania (TFRA) ukiongozwa na Mwenyekiti wa Bodi, Dkt. Anthony Diallo (mwenye kofia) walipofika ofisini hapo kwa ziara ya kikazi mkoani humo tarehe 13 April, 2024.

Na Mwandishi wetu ,  Kagera

Mkuu wa Mkoa wa Kagera, Fatma Mwassa ameipongeza Serikali kwa kuja na mfumo wa utoaji wa mbolea za ruzuku na kueleza zimeleta mwamko kwa wakulima na kuongeza uzalishaji.

"Serikali imekuja na mpango mzuri tunaufurahia kwani mbolea zinafika kwa walengwa hasa tofauti na mifumo iliyopita ambapo wachache walijinufaisha" Mwassa aliongeza.

Mkuu wa Mkoa, Mwassa ameyasema hayo hivi karibuni alipokuwa akizungumza na Bodi na Menejimenti ya Mamlaka ya Udhibiti wa mbolea Tanzania waliofika ofisini kwake kueleza lengo la ziara yao mkoani humo

Mwenyekiti wa Bodi ya TFRA, Dkt. Anthony Diallo amesema, ziara hiyo imelenga kutoa hamasa kwa viongozi wa mikoa kuwasimamua kikamilifu maafisa ugani wa maeneo hayo kutoa taarifa sahihi za matumizi ya mbolea ili kusaidia kuwa na takwimu sahihi zitakazosaidia wakulima kufikishiwa pembejeo hiyo kwa wakati na kwa utoshelevu.

Aidha, Mwenyekiti Dkt. Diallo, ameuomba uongozi wa Mkoa wa Kagera kufuatilia matumizi ya vifaa vya kupimia afya ya udongo vilivyotolewa na serikali kwa maafisa Ugani ili kusaidia kutumia mbolea kulingana na mahitaji ya udongo.  

Kwa upande wake, Mkurugenzi Mtendaji wa TFRA, Joel Laurent ameushukuru uongozi wa Mkoa kwa jitihada wanazochukua za kuhamasisha usajili wa wakulima na matumizi ya mbolea.

Amewahakikishia kuwa, Mamlaka itaendelea kusimamia ubora wa mbolea na kuhakikisha inamfikia mkulima karibu na shamba lake pamoja na kutoa elimu ya matumizi sahihi ya mbolea ili kuongeza tija katika uzalishaji wao.

 






RAIS wa Jamhuri ya Muungano wa Tanzania, Mhe. Samia Suluhu Hassan amesikitishwa na baadhi ya viongozi wasiotambua dhamana walizonazo ambao hutumia nafasi zao kuleta uchonganishi badala ya kuleta maelewano kati ya Serikali na jamii.

Rais Samia amesema hayo, wakati akizungumza katika Kumbukizi ya Miaka 40 ya kifo cha Hayati Edward Moringe Sokoine, akiwasisitiza viongozi kuiga mfano wa Hayati Sokoine kwani alikemea jambo hilo kwa maneno na vitendo.

Rais Samia amesema Hayati Sokoine alitumia utashi wake wa hali ya juu kuimarisha mahusiano kati ya Serikali na jamii aliyoiongoza na kuiwakilisha vyema jamii ya Wamaasai.

Rais Samia amewataka viongozi wa sasa na wajao kutambua kuwa uamuzi ukifanyika ndani ya Serikali, ni wajibu watekeleze uamuzi huo kama ulivyofikiwa hata ikibidi wao wawe mfano kwa wengine kama Hayati Sokoine alivyofanya.

Kuhusu umuhimu wa elimu kama ulivyopewa kipaumbele na Hayati Sokoine, Rais Samia ametoa wito kwa wazazi kutumia vyema fursa ya miundombinu bora ya Elimu inayojengwa na Serikali kuwapeleka watoto shule.

Aidha, Rais Samia ametoa wito kwa Waziri wa Nchi Ofisi ya Rais Menejimenti ya Utumishi wa Umma na Utawala Bora, kuendelea kutunza kumbukumbu za viongozi wa Taifa na kuhakikisha habari zao zinawafikia vijana wengi zaidi kupitia njia za kisasa.

Rais Samia ametumia fursa hiyo pia kutoa pole kwa waathiriwa wote wa mafuriko na kuahidi kuwa Serikali itaendelea kufanya kila linalowezekana kuepusha madhara zaidi na kuwataka pia wananchi kusikiliza maelekezo ya tahadhari zinazotolewa.

Pia Rais Samia amesema baada ya mvua hizo na hali ya kawaida kurejea, Serikali itafanya uchunguzi wa kina kubaini sababu za mafuriko hayo ili kuepusha madhara makubwa kwa siku zijazo.

Zuhura Yunus
Mkurugenzi wa Mawasiliano ya Rais, Ikulu

 


Rais wa Jamhuri ya Muungano wa Tanzania Mhe. Samia Suluhu Hassan akiteta jambo na Askofu Mkuu Mstaafu wa Jimbo Kuu Katoliki la Dar es Salaam Mwadhama Kardinali Polycarp Pengo ambaye pia alihudhuria Ibada ya Misa Takatifu ya Kumbukizi ya miaka 40 tangu kutokea kifo cha aliyekuwa Waziri Mkuu wa Jamhuri ya Muungano wa Tanzania Hayati Edward Moringe Sokoine. Ibada hiyo ya Misa Takatifu imefanyika nyumbani kwa Hayati Sokoine Monduli Mkoani Arusha tarehe 12 Aprili, 2024.
Matukio mbalimbali katika Ibada ya Misa Takatifu ya Kumbukizi ya miaka 40 tangu kutokea kifo cha Aliyekuwa Waziri Mkuu wa Jamhuri ya Muungano wa Tanzania Hayati Edward Moringe Sokoine. Ibada hiyo imefanyika nyumbani kwa Hayati Sokoine Monduli Mkoani Arusha tarehe 12 Aprili, 2024.
Rais wa Jamhuri ya Muungano wa Tanzania Mhe. Samia Suluhu Hassan akiteta jambo na Mama Fatma Karume Mjane wa Rais wa Kwanza wa Zanzibar Hayati Abeid Amani Karume ambaye pia alihudhuria Ibada ya Misa Takatifu ya Kumbukizi ya miaka 40 tangu kutokea kifo cha aliyekuwa Waziri Mkuu wa Jamhuri ya Muungano wa Tanzania Hayati Edward Moringe Sokoine. Ibada hiyo ya Misa Takatifu imefanyika nyumbani kwa Hayati Sokoine Monduli Mkoani Arusha tarehe 12 Aprili, 2024.
Rais wa Jamhuri ya Muungano wa Tanzania Mhe. Samia Suluhu Hassan akiweka shada la maua kwenye kaburi la aliyekuwa Waziri Mkuu wa Jamhuri ya Muungano wa Tanzania Hayati Edward Moringe Sokoine Monduli Mkoani Arusha tarehe 12 Aprili, 2024. Hayati Sokoine alifariki tarehe 12 Aprili, 1984 kutokana na ajali ya gari iliyotokea Wami Dakawa Wilayani Mvomero Mkoani Morogoro.

 

Baraza kuu la waisilamu Tanzania (BAKWATA) Mkoa wa Singida limemtunuku cheti cha pongezi Bw. Taasisi ya Ramadhan Charity Program 2024 kwa Kuendelea Kutoa Mchango wake kwa Watu wenye uhitaji Katika Mwezi Mtukufu wa Ramadhan.

Pongezi hizo zimetolewa na BAKWATA Mkoa wa Singida kwa Taasisi ya Ramadhan Charity program 2024 kupitia Mwenyekiti Ahmed Misanga wakati wa tamasha la Stara lililofanyika mkoani humo hivi karibuni baada ya mwezi mtukufu wa Ramadhani.

Taasisi ya Ramadhan Charity program 2024 iliweza kufuturisha mikoa 5 ya Tanzania na kuwafikia wahitaji wapatao 1500.






Na Munir Shemweta, MLELE

 

Mbunge wa Jimbo la Kavuu na Naibu Waziri wa Ardhi Nyumba na Maendeleo ya Makazi Mhe. Geophrey Pinda amemuomba Mkuu wa wilaya ya Mlele mkoa wa Katavi Alhaji Majid Mwanga kuunda Tume  ya Kupitia Mapato na Matumizi ya fedha za Jumuiya ya Hifadhi ya Wanyamapori (WMA) katika halmashauri ya Mpimbwe ili kubaini kama kuna ubadhilifu basi wahusika wachukuliwe hatua kali.

 

Aidha, amemuomba mkuu huyo wa wilaya ya Mlele kuchunguza kiasi cha fedha milioni 44 kilichotolewa na Mkandarasi anayejenga barabara ya Kibaoni hadi Sitalike zinazodaiwa kulipwa kwa kijiji bila kufuata utaratibu.

 

Mhe. Pinda ametoa kauli hiyo kwa nyakati tofauti tarehe 12 April 2024 wakati wa mikutano yake ya hadhara na wananchi wa vijiji vya Mirumba, Ilalangulu na Kibaoni katika halmashauri ya Mpimbwe wilaya ya Mlele mkoa wa Katavi.

 

Kauli Mhe. Pinda inakuja mara baada ya kubadilishwa uongozi wa Kamati ya Kusimamia WMA ndani ya mwezi mmoja tu kamati ilifanikiwa kukusanya shilingi milioni 200 tofauti na kamati iliyokaa kwa zaidi ya miaka kumi na kudaiwa kutosaidia maendeleo yoyote ya vijiji husika.

 

"Iundwe tume ya kupita kitabu kwa kitabu tujue miaka 20 fedha zetu zilienda wapi za wananchi hao, wiki mbili milioni 200 hebu tuwaulize miaka 20 wameleta nini?" Alihoji Mhe. Pinda.

 

"Pia kuna ubadhilifu wa milioni 44 zilizotolewa na mkandarasi anayejenga barabara ya kiabaoni- Sitalike ambaye amelipa fedha kwa kijiji bila utaratibu. Uchunguzi nani amechukua fedha taslimu ambazo hazijulikani zilipokwenda wapi ufanyike". Amesema Mhe. Pinda.

 

Aidha, ameuelezea mpango wa WMA kama wenye faida kubwa kwa vijjji vinavozunguka hifadhi na kutolea mfano wa wilaya ya Tanganyika kama wilaya inayonufaika na mpango huo ambapo kwa mujibu wa Mhe. Pinda mwaka huu wa 2024 vijiji vinavyozunguka hifadhi vinaenda kupokea shilingi bilioni 16 .

 

Amesema kuwa, kiasi chochote cha fedha kitakachopatikana kupitia mpango wa WMA lazima wananchi wahusishwe matumizi yake ili fedha zinazokusanywa ziende kutumika kwenye shughuli za maendeleo ya vijiji husika.

 

Mkuu wa wilaya ya Mlele mkoa wa Katavi Alhaji Majid Mwanga ameahidi kuunda haraka Tume itakayohusisha vyombo vya ulinzi na usalama kama vile TAKUKURU, Jeshi la Polisi na Magereza ili kubaini kama upo ubadhilifu wowote wa fedha za umma basi wahusika waweze kuchukuliwa hatua stahiki.

 

"Hakuna atakayepona katika suala hilo na lazima tutawashughulikia wahusika wote waliowaibia wananchi. Kazi hii tunaiweza na hatutacheka  na mtu hata mmoja". Amesema Alhaji Mwanga.

 

Jumuiya ya Hifadhi ya Wanyamapori ya Jamii (WMA) katika halmashauri ya Mpimbwe wilaya ya Mlele inahusisha vijiji vya Kibaoni, Mirumba, IIalangula pamoja na kijiji kimoja kutoka wilaya ya Nkasi.