Meneja wa Ruwasa Mkoa wa Tanga Mhandisi Upendo Lugongo akizungumza na waandishi wa Habari mara baada ya kumalizika utiliaji wa saini makubaliano hayo
NA OSCAR ASSENGA, TANGA
WAKALA wa Usambazaji wa Maji Safi na Usafi wa Mazingira Vijijini ( Ruwasa} Mkoa wa Tanga leo wameingia makubaliano na Kampuni ya Kahama Oil Mills Limited kwa ajili ya usambazaji wa mabomba yenye thamani ya Milioni 419 kwa ajili ya kuhudumia miradi minne katika vijiji vinne vilivyopo kwenye wilaya za Handeni,Mkinga,Kilindi na Lushoto.
Halfa ya makubaliano hayo ilifanyika leo kwenye ofisi za Ruwasa zilizopo eneo la Gofu Jijini Tanga ambapo Meneja wa Ruwasa Mkoa wa Tanga Mhandisi Upendo Lugongo aliingia makubaliano hayo na Mhandisi wa Uzalishaji na Mauzo kutoka Kampuni ya Oil Kahama Alfred Shima
Akizungumza mara baada ya makubaliano hayo Meneja wa Ruwasa Mkoa wa Tanga Mhandisi Upendo Lugongo alisema miradi hiyo ni upanuzi wa mradi wa maji eneo la Mkata wilayani Handeni,Ujenzi wa mradi mpya wa Mahezangulu wilaya ya Lushoto,Ukarabati mkubwa wa mradi wa Maji Maraba wilaya ya Mkinga na Mradi wa Maji Mafisa wilaya ya Kilindi.
Alisema miradi hiyo itakapokamilika itaongeza idadi ya watu 28,638 katika upatikanaji wa huduma watu hao ni sawa na asilimi 1 ya watu wa Tanga watakuwa wamepata hduuma ya maji safi na salama
Mhandisi Lugongo alimtaka msambazaji wa mabomba hayo kuhakikisha anayasambaza mapema na ndani ya mwezi mmoja baada ya siku 14 kutoka leo mabombo yafike kwenye miradi ili kazi ziweze kufanyika na wananchi waanza kupata huduma.
Awali akizungumza Meneja wa Ruwasa wilaya ya Mkinga Mhandisi Kaijage Thomas Mzee aliwataka wananchi kwenye maeneo ambayo mabomba hayo yanakwenda wahakikishe wanaitunza miundombinu hiyo ili lengo la mradi liweze kufikiwa.
Naye kwa upande wake Mhandisi wa Uzalishaji na Mauzo ya Kampuni ya Kahama Mills Mhandisi Alfred Shima alihaidi wana Tanga kwamba watawapelekea mabombo yenye ubora kwa ajili ya kusambaza katika miradi hiyo.
Mwisho.
Post A Comment: