MSUMBA NEWS BLOG: MANUMBA

KILELE CHA MAADHIMISHO YA SIKU YA WANAWAKE DUNIANI KIMKOA YAFANYIKA MSALALA

MSUMBA on March 06, 2025

Mkuu wa Mkoa wa Shinyanga Mhe. Anamringi Macha amehitimisha kilele cha Maadhimisho ya siku ya Mwanamke Duniani Kimkoa leo Machi 6, 2025 yaliyofanyika kwenye Kata ya Bugarama, Halmashauri ya Wilaya ya Msalala.

Ametoa wito kwa wanawake wote kuwa wanao wajibu wa kuhakikisha watoto wanapata elimu kwani elimu ndiyo msingi wa maisha bora kwa jamii na kwa Taifa.

Mhe. Macha amewataka wanawake kuchangamkia fursa za mikopo isiyo na riba inayotolewa na Halmashauri ikiwa na Lengo la kuwainua kiuchumi kuliko kukimbilia mikopo ya kausha damu inayotolewa kwa masharti magumu pamoja na riba kubwa inayopelekea kudidimia kiuchumi.

Aidha amewasihi wanawake kuendelea kutumia nishati safi kwa mazingira ikiwa ni pamoja na matumizi ya gesi na mkaa bandia unao tengenezwa viwandani kwa kutumia mabaki ya pumba za Mpunga kwa ajili ya kupikia ili kuunga mkono juhudi za Rais wa Jamhuri ya Muungano wa Tanzania Mhe. Dkt. Samia Suluhu Hassan katika kuhakikisha Mazingira yanabaki salama.

Mhe. Macha amekabidhi hundi zenye jumla ya thamani ya Sh. 1,508,915,000/= kwa Halmashauri tatu ikiwa Msalala sh. 317,255,000/=, Shinyanga Vijijini sh. 152,500,000/= na Ushetu sh. 1,039,160,000/= na kuwataka wanufaikaika hao kuitumia vyema mikopo hiyo kwani si mali yao bali ni fedha za Watanzania wote ambazo zitatakiwa kurejeshwa kusudi na wengine wapate kunufaika.

Katibu Tawala Mkoa wa Shinyanga Mhe. Salum Hamduni amewashukuru wananchi na wadau wote waliojitokeza kushiriki katika Maadhimisho hayo na kuwataka kuendelea kufanya jitihada kuhakikisha maslahi ya mtoto wa kike yanaendelea kulindwa na kuboreshwa.

Mkurugenzi Mtendaji wa Halmashauri ya Wilaya ya Msalala Bi. Rose Manumba amewataka wanawake kuendelea kuunga mkono juhudi za Mhe. Rais wa Jamhuri ya Muungano wa Tanzania Dkt. Samia Suluhu Hassan ambaye anapambana Kuhakikisha maendelea yanapatikana katika Taifa letu na huduma bora na nzuri kuendelea kupatikana kwa kina Mama.

Maadhimisho haya yamefanyika kwa muda wa siku tatu mfululizo kuanzia Machi 4 na kufikia kilele chake Machi 6, 2025 katika Kata ya Bugarama, Halmashauri ya Wilaya ya Msalala.

Kauli Mbiu “Wanawake na Wasichana 2025: Tuimarishe Haki, Usawa na Uwezeshaji”.

Imewasilishwa na Kitengo cha Mawasiliano Serikalini Msalala, DC.

soma zaidi »

MANUMBA

RC SHINYANGA AWEKA JIWE LA MSINGI SHULE MPYA YA SEKONDARI BUMVA HALMASHAURI YA WILAYA YA MSALALA

MSUMBA on March 04, 2025

MKUU wa Mkoa wa Shinyanga Mh. Anamringi Macha ameweka jiwe la msingi Shule mpya ya sekondari Bumva, Kijiji cha Bumva Kata ya Segese Halmshauri ya Wilaya ya Msalala iliyojengwa kwa gharama ya Sh. Milioni 603,890,563/=ambayo inatarajia kupokea wanafunzi zaidi ya 100 kutoka shule za sekondari ya Mwalimu Nyerere na Segese wanaotoka katika vijiji vya Bumva, Busongo C, Wisolele na Senta mashariki kwa vitongoji vya Misungwi na Itembe.

Mkuu wa mkoa Mh. Anamringi Macha amesema, Serikali ya Dk. Samia Suluhu Hassan imeendelea kuboresha na kusogeza miundombinu ya elimu kwa wananchi kusudi kuhakikisha watoto wenye umri wa kwenda shule wanapata elimu na sio kuwatumikisha mashambani na kuchunga mifugo. Amesisitiza Miundombinu hiyo iendelee kutunzwa na kuzingatia suala la utunzwaji wa Mazingira ikiwemo upandaji wa miti.

Katibu Tawala wa Mkoa CP. Mhe. Salum Hamduni amesema Serikali inayoongozwa na Dk. Samia Suluhu Hassan imeendelea kutoa fedha za ujenzi wa miradi mbalimbali. Zaidi ya Bilioni 6 ndani ya Mkoa wa Shinyanga zimetolewa ambayo inaendelea kutekeleza miradi mbalimbali ya maendeleo ikiwemo ujenzi wa shule mpya ya Bumva inayoendelea kujengwa kwa kiasi cha Sh. Milioni 603,890,563/= na hivyo kuweza kusogeza huduma ya upatikanaji wa elimu karibu na wananchi.

Mkurugenzi Mtendaji wa Halmashauri ya Wilaya ya Msalala Bi. Rose Manumba amemshukuru Rais wa Jamhuri ya Muungano wa Tanzania Mh. Dkt. Samia Suluhu Hassan kwa kuendelea kutoa fedha za kutekeleza miradi mbalimbali ya maendeleo katika Halmashauri hiyo ikiwemo shule ya Sekondari Bumva ambayo inakwenda kupunguza adha ya wanafunzi kutembea umbali mrefu na utoro sugu.

Aidha DED Manumba amewataka Watumushi wa Halmashauri hiyo kuendeleza jitihada na kasi ya usimamizi na utekelezaji wa miradi mingine inayoendelea kutekelezwa kuhakikisha inakamilika kwa wakati kwa kuzingatia ubora wa mradi na thamani ya pesa ionekane.

Akitoa taarifa ya ujenzi wa sekondari hiyo leo tarehe 03 Machi 2025 Mkuu wa Shule ya sekondari ya Mwalimu Nyerere, Bw. Kafuru Songoro amesema, kukamilika kwa shule hiyo ya Bumva kutasaidia wanafunzi kuondokana kuondokana na msongamano madarasani na kusaidia kupunguza mimba za utotoni. Shule mpya ya Sekondari Bumva ina majengo yafuatayo: Jengo la utawala, vyumba nane vya madarasa, Ofisi ya walimu, jengo la Tehama na Maktaba, Maabara(3), vyoo na kichomea taka.

Mh. Anamringi Macha ameshiriki zoezi la upandaji miti na kuwataka wananchi kushiriki kikamilifu katika suala zima la utunzaji wa mazingira kwa kupanda miti katika maeneo yao.

Imewasilishwa na :

Kitengo cha Mawasiliano Serikalini.

Msalala DC