Mkuu wa Mkoa wa Tanga Omary Mgumba ameagiza kusimamishwa kazi na kuhojiwa na Taasisi ya Kupambana na Kuzuia Rushwa (TAKUKURU) watumishi wanne wa Halmashauri ya Muheza kutokana na matumizi mabaya ya fedha na usimamizi mbovu wa miradi ya Maendeleo.
Mkuu wa Mkoa huyo amechukua hatua hiyo wakati wa ziara yake Wilayani humo iliyokuwa na lengo la kukagua miradi ya maendeleo.
Kusimamishwa kwa watumishi hao kumekuja ikiwa ni mwezi mmoja na siku 19 kupita kwa aliyekuwa Mkurugenzi wa Halmashauri hiyo Nassib Mbaga kusimamishwa kazi na aliyekuwa Waziri wa Tamisemi Innocent Bashungwa Kutokana na kushindwa kusimamia majukumu yake ipasavyo na utendaji kazi usioridhisha.
Watumishi hao waliosimamishwa ni Ramadhani Mtingi (Idara ya ujenzi), Zainabu Mzindakaya ,Muweka hazina wa Halmashauri (DT), Furaha Sarakikya Idara ya Manunuzi na Afisa Elimu Sekondari Serapion Basgange
" Tunaanzia na hawa wa nne na wengine kadri ninaavyopata taarifa nitatoka maelekezo na hawa sio wasimame kupisha uchunguzi maalum lakini pia takukuru uanze kuhangaika nao" Alisema Mgumba nakuongeza kuwa haiwezeni waeendelee kubaki kwenye utumishi wa umma ndani ya Muheza maana hata madarasa tuliyopewa hayatakamilika na watoto hawawezi kuanza sababu wamesema milion 20 haikamilishi darasa nakwamba wanataka milion 35 Kwa darasa.
Pia ameagiza Mkazi wa hesabu za Serikali CAG afanye ukaguzi Maalum Kwa miaka mitatu mfurulizo katika miradi yote ya maendeleo Wilayani humo.
Post A Comment: