Madereva kutokuona ndio chanzo cha ajali Singida

Jeshi  la  Polisi  mkoa  wa  Singida  kwa   kushirikiana  na  shirika  la  Sightsaver  wameendesha  zoezi  la  kuwapim a  macho  Madereva  na  kubaini  kuwa  kati  ya  madereva  miamoja  madereva  kumi  wanauoni  hafifu ,jambo  ambalo  linaweza  kuwa  ni  moja  ya  chanzo  cha  kusababisha  ajali.

Hatua   hiyo  imefikiwa  kwenye  zoezi  la  siku  kumi  la mafunzo  kazini  kwa  madereva  na   kuwapima  macho  na  kubaini  kati  ya  madereva  elfumoja  miatano  na  tatu  walio  kwishapimwa  madereva  miamoja na sitini  na  tano  wamebainika  wanauoni  hafifu  huku   wakiendesha  vyombo  vya  moto.

Awali   kamanda  wa   Polisi  mkoa  wa  Singida  ACP  Debora  Magiligimba  amesema  baadhi  ya  ajali  zimekuwa  zikisababishwa  na   uoni  hafifu  kwa  madereva,  ndio  maana  jeshi  la  polisi  likaamua    kuwapima  macho  dereva  wote  wa mkoa  wa  Singida.

Kwaupande  wake  mratibu  shirika    lisilo  la  kiserikali  la  Sightsaver   Bwana  Edwin   Maleko  amesema  toka  waanze  kutoa  huduma   za  matibabu  ya  macho mwaka 2016,kwa  zoezi  la  kupima  madereva  ni  mara  ya  kwanza   na  wamekuta  wagonjwa   ni  wengi,huku  madereva  waliopimwa  wakipongeza  zoezi  hilo.