MSUMBA NEWS BLOG

Saturday, 20 July 2019

Magazeti Ya Leo Jumapili 21 July 2019














RC GAMBO:TAIFA LINAHITAJI VIONGOZI WA DINI WANAOHUBIRI HABARI NJEMA ZA AMANI.

 Umati wa waumii waliofurika katika uwanja wa Kumbukumbu ya Sheikhe Amri Abeid Karume Jijini Arusha kusikiliza neno la Mungu linaloendelea kuhubiriwa na Muhubiri wa Kimataifa kutoka nchini Sweeden Johannes Amrizer ambapo unakwenda sambamba na maadhimisho ya mika 80 ya Kanisa la Tanzania Assemblies of God Tanzania.
 Mkuu wa Mkoa wa Arusha Mhe.Mrisho Gambo akisalimia wananchi waliohudhuria katika mkutano huo wa neno la Mungu ambao ulianza rasmi siku ya Jumatano ambapo siku ya kesho ndiyo Kilele chake.
Muhubiri wa Kimataifa kutoka nchini Sweeden Johannes Amrizer akisalimiana na mkuu wa mkoa wa Arusha Mhe.Mrisho Gambo jioni ya leo 

Na.Vero Ignatus,Arusha.

Mkuu wa mkoa wa Arusha Mrisho Gambo amesema Taifa linahitaji viongozi wa dini wanaohubiri habari njema kuhusiana na Mungu kwaajili ya kuleta Amani katika Taifa na wananchi kwa ujumla.

Mhe. Gambo ameyasema hayo jioni ya leo  katika mkutano wa Injili unaoendelea katika uwanja wa kumbukumbu ya Sheikh Amri Abeid alipokaribishwa kusalimia waumini waliokuwepo na muhubiri wa Kimataifa Johannes Amrizer kutoka nchini Sweeden."

Amesema kuwa kesho ni kilele cha maadhimisho miaka 80 ya Kanisa la Tanzania Assemblies of God Tanzania hivyo amewaomba wananchi kujitokeza kwa wingi ili kuungana na kanisa holo la TAG kusheherekea mwambie hata mwenzio aliyeko nyumbani.aje.kusikiliza.siyo.dhambi"

Waambieni wengine waliopo nyumbani wamechelewa angalau wajitahidi wafike siku ya kesho ili waweze kupata majumuisho ya kile kilichokuwa kinaendelea uwanjani hapa kwa wiki nzima"Alisema.Gambo.

 Gambo amewahakikishia wananchi kuwa usalama upo wa kutosha na siku ya kesho wataimarisha usalama zaidi 

Amesema kanisa hilo la TAG wanalipenda kwasababu Askofu wake mkuu ni mtu mzuri,hana makuu,na ni mtu ambaye viongozi wa serikali wanamuheshimu,hivyo ni mfano mzuri wa kuigwa hata na viongozi wengine wa kidini.

Amesema kuwa wale ambao wakisikia neno la Mungu linahubiriwa wanasema ni kelele mapepo washindwe, kwani Mtu yeyote akikwambia huwezi kufanikiwa wewe jitikise kama punda utajitikisa mwisho utajikuta upo juu.

Kwa upande wake muhubiri huyo kutoka nchini Sweeden Johannes Amrizer amemshukuru mkuu wa Mkoa wa Arusha Mrisho Gambo kwa kumtia moyo akiwa katika mkoa huo wa Arusha

WANANCHI SINGIDA WAMBEBA MBUNGE WASUKUMA GARI LAKE

Wananchi wa Kitongoji cha Kaugeri Kata ya Mwaru katika Halmashauri ya Wilaya ya Ikungi mkoani Singida wakimlaki Mbunge wao Elibariki Kingu baada ya kuwasili kwa ajili ya kufanya mikutano ya hadhara kwenye kata hiyo jana.
Wananchi wa Kitongoji cha Kaugeri Kata ya Mwaru wakiwa wamembeba mbunge wao.
Mbunge wa Jimbo la Singida Magharibi,  Elibariki Kingu akipata maelezo kutoka kwa Diwani wa Kata ya Mwaru, Iddi Makangale alipo kuwa akikagua ujenzi wa Zahanati ya Kitongoji cha Mlandala.
 Mbunge wa Jimbo la Singida Magharibi,  Elibariki Kingu akizunfumza na Wanafunzi wa Shule ya Msingi Mlandala.
 Diwani wa Kata ya Mwaru, Iddi Makangale akizungumza na Wananchi wa kitongoji cha Mlandala katika mkutano wa mbunge huyo.
Mbunge wa Jimbo la Singida Magharibi,  Elibariki Kingu akiwahutubia  Wananchi wa kitongoji cha Mlandala
 Mkutano ukiendelea kitongoji cha Mlandala.
 Mbunge wa Jimbo la Singida Magharibi,  Elibariki Kingu akiwa katika picha  na viongozi pamoja na Wanafunzi wa Shule ya Msingi Kaugeri baada ya kukagua ujenzi wa shule hiyo.
Wanafunzi wa Shule ya Msingi Kaugeri wakitoa burudani kwenye mkutano huo.
Na Dotto Mwaibale, Singida
 
WANANCHI wa Kitongoji cha Kaugeri Kata ya Mwaru katika Halmashauri ya Wilaya ya Ikungi mkoani Singida wameshindwa kujizuia furaha yao na kujikuta wakimbeba na kusukuma gari la Mbunge wao Elibariki Kingu kutokana na jitihada zake za kuwapelekea miradi ya maendeleo.
 
Wakiongea kwa nyakati tofauti jana kwenye mikutano ya hadhara aliyoandaa mbunge huyo katika vitongoji vya Kaugeri na Mlandala walisema haijawahi kutokea tangu vianzishwe vijiji hivyo kwa kupata maendeleo makubwa katika kipindi cha miaka minne tangu mbunge huyo aingie madarakani.
 
Akizungumza katika mkutano huo mmoja wa wananchi wa kitongoji cha Kaugeri aliyejitambulisha kwa jina moja la Maganga  alisema haijawahi tokea mbunge wa mfano kama Kingu.
 
” Mbunge huyu hana wa kumlinganisha naye amejitahidi sana kutuletea maendeleo katika Kata yetu yenye vitongoji vitano vya Kaugeri, Mdughuyu, Mlandala, Mpugizi na Mwaru.
 
Alisema katika vitongoji hivyo ameweza kujenga shule, zahanati na sasa amewaletea mradi mkubwa wa maji ambao utasambaza maji kwenye vitongoji vyote vya kata hiyo.
 
Diwani wa Kata hiyo Iddi Makangale alisema tangu miaka 50 iliyopita hakujawahi kutokea Mbunge kama Kingu kwani kazi iliyofanywa na Rais John Magufuli na Mbunge huyo kwa kushirikiana na wananchi imewarahisishia upatikanaji wa kupata kura nyingi katika uchaguzi mkuu kwa chama chao cha Mapinduzi (CCM).
 
” Kwa kazi hii kubwa iliyofanyika hatuna wasiwasi CCM itapata ushindi mnono ambao haujawahi kupatikana katika uchaguzi wowote tuliowahi kuufanya” alisema Makangale.
 
Akizungumza katika mkutano huo Kingu aliwashukuru wananchi hao na kuwaambia maendeleo hayo wanayapata baada ya Rais John Magufuli kuwabana mafisadi na matumizi mabaya ya fedha na kuzielekeza kwa wananchi wanyonge kwa kuwapelekea miradi ya maendeleo.
 
Alisema haijawahi kutokea kwa kipindi chote kilicho pita katika jimbo hilo kufanyika kwa miradi mingi kiasi hicho ikiwemo miradi mikubwa ya maji 22 huku mchakato wa kupata umeme wa REA ukiendelea.
 
Kingu aliwataka wananchi wa kata hiyo kuacha majungu badala yake wafanye kazi kwa bidii ili kujiletea maendeleo.
 
Katika hatua nyingine Kingu anatarajia kuitisha mkutano mkubwa wenye lengo la upigaji kura ya kuwabaini wahalifu wa mauaji ya watu katika Kata ya Mwaru kwa kushirikiana na Jeshi la Polisi.

Friday, 19 July 2019

Serikali kufanya usajili wa Ardhi ndani ya Mkoa husika



WAZIRI wa Ardhi, Nyumba na Maendeleo ya Makazi, Wiliam Lukuvi, amesema serikali itaanza kusajili nyaraka na hati milki za ardhi ndani ya mkoa husika, badala ya utaratibu wa mwanzo  wa kusajiliwa ndani ya kanda zilizokuwa zimetengwa lengo ni kupunguza ucheleweshaji wa usajili wa nyaraka hizo na kuepusha usumbufu wa wananchi.


Waziri Lukuvi ametoa kauli hiyo leo Jijini Dodoma wakati akifungua, mkutano wa wataalamu wa sekta ya ardhi na wakurugenzi na makatibu tawala wa mikoa, wanaokutana jijini  Dodoma, kutathmini malengo ya sekta hiyo, sambamba na kuwajengea uwezo wataalamu  hao namna bora ya ufanyaji  kazi na namna ya kutatua changamoto zilizopo.

Amesema wamekusudia kuhamisha ofisi za kusajili nyaraka za ardhi kutoka katika kanda, na kuzirudisha ndani ya mikoa husika, ili kurahisisha zoezi hilo, na upatikanaji wa nyaraka hizo kwa wakati,  na tayari wakuu wa mikoa wameridhia na kutoa majengo yatakayotumika kama ofisi za wizara za usajili ndani  ya mikoa.

“Nataka hatimiliki zote zitolewe na kusajiliwa mikoani kwani watu wamekuwa wakipoteza muda na gharama nyingi za usafiriki kufuatilia hati hivyo hatuwatendei haki hawa wananchi wanyonge kwa kuwatwisha mzigo wa gharama”amesema Lukuvi.

Na katika kuhakikisha wananchi wanyonge wanapata huduma stahiki, amepiga marufuku wakuu wa idara za ardhi kupokea tozo ambazo hazistahili, pamoja na utumiaji wa madalali ndani ya ofisi za umma.

Amesema kuwa wananchi hivi sasa wamekuwa wakipatashida kupata hatimiliki zao za maeneo kutokana ofisi nyingi kuwepo katika maeneo ya kanda pekee yake.

Pia amesema yupo mbioni kuandaa kanzi data ya matapeli wa ardhi na kuiweka katika tuvuti ya wizara ya ardhi ili wananchi wawajue na kujiepusha nao ili wasitapeliwe ardhi zao na watu hao na hata muogopa mtu yeyote.


Waziri Lukuvi pia amesema kuwa haitakuwa na maana kwa serikali kama itaendelea kuwapa mzigo wa gharama wanachi wake wakati wa ufuatiliaji wa hati miliki za  maeneo yao na ndio maana wakaja na mpango huu.

“Tunataka kuwasaidia wananchi kupata hati miliki za maeneo yao huku gharama wanazozitumia ni nyingi leo hii unakuta mtu anatoka Kigoma anakuja Tabora, kufuata hati lakini tofauti na nauli anatumia siku saba hadi kumi kukamilisha zoezi hilo”, amesema

Mbali na hilo amewaonya watumishi wa idara za ardhi nchini kuacha tabia ya kupandisha bei ya maeneo pamoja na gharama za upimaji kwa madai kuwa wanajiongezea mapato ya ndani.

Amesema bei ya viwanja lazima ziwe kwamujibu wa sheria zilizowekwa na siyo kila mtu kujipangia bei zake ambazo zinageuka kuwa kero kwa wananchi na kubaki kumilikiwa na wachache wenye uwezo wa kifedha.

 Amemtaka katibu mkuu wa wizara hiyo Doroth Wanyika, kuhakikisha anapanga safu ya wakuu wa idara  haraka watakao kwenda kufanya kazi katika ofisi za wilaya na ofisi za mipango miji na orodha hiyo ipite mikononi mwake kabla ya wahusika kupewa barua za uteuzi.

Vilevile amesema wataanza kutumia tehama katika kurasimisha ardhi na wameanza katika mkoa wa Dar es saalam na unafanya  kazi kwa kasi sana na kuanzia mwakani zoezi hilo litakuwa la Tanzania nzima.

Amebainisha kuwa baada ya mkutano huo wataanza utaratibu wa kuwapisha kiapo cha maadili kwa watumishi wote kuanzia ngazi ya wizara hadi ngazi za chini ili kuhakikisha kila mtu katika kitengo  chake  anafanya kazi kwa uadilifu mkubwa kuleta mabadiliko chanya ndani ya wizara hiyo.

Katibu mkuu wa wizara ya Ardhi nyumba na maendeleo ya makazi, Doroth Mwanyika amesema kuwa lengo la kikao hicho ni kufahamiana na kuleta mapinduzi katika sekta ya ardhi nchini.

Amesema lengo jingine ni kupunguza migogoro ya ardhi ambayo imekuwa ikisababisha kudolola kwa shughuli za uzalishaji mali ikiwa ni pamoja na kuondoa tatizo la kiwanja kimoja kumilikishwa kwa mtu zaidi ya mmoja.

Irene Uwoya na Steve Nyerere Wahojiwa na Jeshi la Polisi

Kaimu Kamanda wa Polisi Kanda Maalum ya Dar Es Salaam, Camilius Wambura, amethibitisha kumuita msanii wa filamu nchini,  Irene Uwoya na Steve Nyerere, kufuatia kitendo alichokifanya cha kuwarushia pesa, wanahabari katika  mkutano uliofanyika mapema mwa wiki hii.
Kamanda Wambura amesema, walimuita na kumhoji siku ya Julai 17, ambapo alidhaminiwa na kutoka kwa dhamana huku Jeshi la Polisi likiendelea na uchunguzi.

''Waliitwa kuja, walionekana kwenye clip moja, Yule Irene alionekana anatupa fedha, kwa wanahabrari, na alihojiwa na kudhaminiwa na uchunguzi mwingine unaendelea'' amesema Kamanda Wambura.

Ikumbukwe kuwa  siku ya Julai 15, Irene Uwoya, alionekana katika baadhi ya video zilizosambaa mitandaoni, akirusha fedha kwa wanahabari, kitendo kilichotafsiriwa kuwa ni udhalilishaji na Irene alikiri kukosea na kuomba radhi kupitia ukurasa wake wa Instagram.

WAZIRI MKUU AMSIMAMISHA KAZI MHANDISI WA MAJI SAME.




WAZIRI MKUU Kassim Majaliwa amemsimamisha kazi Mhandisi wa Maji wa Wilaya ya Same, Mussa Msangi kwa kosa la kumdanganya kuhusu mradi wa maji aliouzindua leo katika kata ya Hedaru.

Amechukua uamuzi huo leo jioni (Ijumaa, Julai 19, 2019) wakati akizungumza na mamia ya wakazi wa Hedaru mara baada ya kuzindua mradi wa maji wa Lengeni-Hedaru, wilayani Same.

Waziri Mkuu alibaini kuwepo kwa tatizo wananchi walipoanza kuzomea wakati zikitolewa salaam za utambulisho kwa viongozi alioambatana nao. Kabla hajahutubia, aliamua kumuita Mhandisi huyo aelezee ukweli wa madai ya wananchi kwamba maji yametoka leo kutokana na ujio wake.

"Eleza ni kwa nini nilipofungua maji, hayakuwa na presha ya kutosha na wewe umesema upatikanaji wa maji umefikia zaidi ya asilimia 80?"

Alipoulizwa kwa mwezi wanakusanya kiasi gani cha fedha kutokana na mauzo ya maji hayo, Mhandisi Msangi alijibu kwa mwaka uliopita walikusanya sh. milioni saba tu.

"Haiwezekani kama maji yanatoka, wenye KAMATI wapate shilingi milioni saba. Ni ama maji hayatoki au wanakusanya hela na wanazila."

Alipoambiwa aelezee utendaji wa mradi huo wa maji na kama alikuwa akiufuatilia, alishindwa kutoa maelezo kamili, akidai kuwa leo maji yanatoka kidogo kwa sababu kuna hali ya mawingu. "Mbona kule ndani ulisema zile betri zinasaidia kuvuta maji na kubalance upatikanaji wa maji wakati hakuna jua la kutosha?" alihoji Waziri Mkuu. 

Waziri Mkuu aliamua kumuita mwenyekiti wa Jumuiya ya watumiaji maji au Kiongozi mwingine yeyote aje atoe maelezo, lakini wote hawakuwepo kwenye mkutano huo. Ndipo akachukua uamuzi wa kuzivunja jumuiya hizo.

"Jumuiya zote za maji nazivunja kuanzia leo, na wahusika wote watafutwe na Jeshi la Polisi. Haiwezekani nipewe kazi ya kuzindua mradi ambao hauna maji," alisema Waziri Mkuu.

"Katibu Tawala wa Mkoa lete wakaguzi wa mahesabu kwenye huu mradi, pia leta Mhandisi mwingine asimamie huu mradi. Huyu arudishwe kwa Waziri wake," alisema.

Waziri Mkuu pia alimwagiza Naibu Waziri wa Maji, Jumaa Awesu abaki Hedaru na afuatilie utendaji wa mradi huo kisha ampe taarifa.

Wakati akimaliza kutoa maagizo hayo, Katibu wa Jumuiya ya watumiaji maji Hedaru-Masasi (HEWAUA), Bw. Francis Kazen Kiondo aliletwa akiwa chini ya ulinzi wa polisi, lakini Waziri Mkuu alielekeza apelekwe kituoni akatoe maelezo.

Taarifa zilizothibitishwa zimebainisha kuwa Kata ya Hedaru inazo Jumuiya tatu za watumiaji maji ambao ni Hedaru-Masasi, Lung wana na Mradi wa Kati. Wakazi wa Hedaru wanakadiriwa kufikia 20,000.

Ilibainika kwamba wiki iliyopita, Mwenyekiti wa Hedaru-Masasi, Bw. Clement Ngoka aliamua kujiuzulu nafasi hiyo kwa sababu ya upinzani aliokuwa akipata kwa viongozi wenzake ambao pia wanadaiwa kuwaunganishia maji baadhi ya watu hadi majumbani kwao na fedha zilizolipwa hazijulikani zilipoenda.

Awamu ya pili ya mradi wa maji alioenda kuuzindua Waziri Mkuu, inahusisha ujenzi wa chanzo cha maji katika korongo la mto Rangeni ambao ulikamilika Desemba 2018. Chanzo hicho cha mtiririko, kilitarajiwa kuzalisha lita 750,000 kwa siku ili kusaidia maji yanayozalishwa kwenye visima ambayo yana ujazo wa lita 7,500 kwa saa.

WANANCHI WAITIKIA ZOEZI LA UBORESHAJI DAFTARI LA KUDUMU LA MPIGA KURA JIMBO LA ARUMERU MASHARIKI


Afisa mwandikishaji Jimbo la Arumeru Mashariki Ndg.Emmannuel Mkongo akizungumza na mwandishi wetu,amesema mwitikio wa zoezi la uandikishaji wa daftari la kudumu la mpiga kura jimbo humo upo vizuri  kwani Katika Kata alizotembelea Akheri,Kwarisambu, Poli wananchi wanajitokeza kwa wingi haswa vijana waliotimiza miaka 18 wanaojiandikisha kwa mara ya kwanza, pia katika Kata hizo mwitikio ni mkubwa zaidi maeneo yenye mikusanyiko ya watu unaotokana na shughuli za kibiashara tofauti na maeneo ya pembezoni ambapo mwitikio ni mdogo.
Mkongo amesema hakuna changamoto iliyojitokeza ikaahiri zoezi  hilo hadi sasa kwani baadhi ya Mashine za Bvr  zilizo kuwa na itilafu na shindwa kuchapa  vitambulisho ilitatuliwa na wataalamu wa TEHAMA  "Nilipopita kukagua zoezi hili la uandikishaji  Kituo cha Kupigia chuo cha Mifugo Tengeru LITA  nilikuta BVR KIT haifanyi kazi  na kwa sasa wataalam wa TEHAMA mameshatatua na wananchi wanapata huduma"ameeleza Mkongo.
Mkongo ametoa rai kwa  Wananchi kuhifadhi vizuri vitambulisho vyao vya  Mpiga Kura  kwani wengi wao wanaokwenda kuboresha taarifa zao  imeoneka vitambulisho vyao vya awali kuharibika (vunjika) kutokana na kuvikali vikiwa mifukoni nk, "Ndugu Mwananchi Kitambulisho cha mpiga kura ni kitambulisho muhimu kwani kinakupa haki ya kikatiba ya kushiriki uchaguzi mkuu wa Rais ,Mbunge na Diwani hivyo hamna budi kuvihifadhi vizuri" amesisitiza Mkongo. 
Mkongo ametoa rai kwa wananchi ambao wanataka kurekebisha na  kuhamisha taarifa zao,kufuta taarifa zao, wanaotimiza umri wa  miaka 18 ifikapo tarehe 28 Mwezi Octoba 2019 na wenye miaka umri wa 18 ambao hawajajiandikisha kujitokeza na kujiandikisha na kupata vitambulisho vya Mpiga Kura kwani zoezi hilo litadumu kwa siku saba tu, kuanzia tarehe 18 /07/2019 hadi tarehe 24/07/2019.
PICHA ZA TUKIO
Afisa uandikishaji jimbo la Arumeru Mashariki ,ambaye pia ni Mkurugenzi Mtendaji wa Halmashauri ya Wilaya ya Meru NDG.Emmanuel Mkongo akifuatlia utendaji wa BVR KIT Operator Ndg.Mbora Kweka ,katika kituo cha kupiga kura Mkwakirika Kata ya Poli.
Ndg.Ayob Mbise akiwa ameripoti kituo cha kupiga kura Nkwakirika kwaajili ya kujiandikisha.

Mwandishi msaidizi Ndg.Christopher Saimon akimwelewesha mama aliyefika kujiandikisha ,BVR KIT operator akimwandikisha Ndg.Ayoub Mbise.
Ndg.Ayob Mbise akitia saini yake kwenye Mashine ya BVR
Ndugu Ayob Mbise akiweka alama za vidole wakati wa zoezi la uandikishaji wa daftari la kudumu la mpiga kura.
Ndg.Ayob mbise akiweka alama za vidole wakati wa zoezi la uandikishaji wa daftari la kudumu la mpiga kura.
Zoezi la kujiandikisha likiendelea katika Kituo cha kupiga kura Poli chama cha Msingi.
Wananchi wakipata ufafanuzi katika kituo cha  kupiga kura Poli chama cha Msingi.
Afisa uandikishaji Jimbo la Arumeru Mashariki akipokea maelezo toka kwa BVR KIT operature Geturd Mkumbwa na Mwandishi msaidizi Nakaji Lukumay kituo cha kupiga kura Polli chama cha Msingi.
Afisa uandikishaji Jimbo la Arumeru Mashariki akikagua utendaji wa BVR KIT operato Ndg.David Josiah, kituo cha kupiga kura Makumira Consumer.
Zoezi la uandikishaji daftari la kudumu la mpiga kura likiendelea katika kituo cha kupigia kura Makumira Consumer.
BVR KIT , kituo cha kupiga kura Makumira Consumer, Ndg. David Josiah akimkabidhi  kitambulisho cha mpiga kura miongoni mwa wananchi waliojitokeza kuboresha taarifa zao katika daftari la mpiga kura.

Magazeti ya leo Jumamosi Julai 20 2019


















Next
Notification
This is just an example, you can fill it later with your own note.
Done