Tuesday, 21 May 2019

EWURA CCC YATOA ELIMU KWA ZAIDI YA WANAFUNZI 70 KWA CHUO KIKUU HURIA TANZANIA TAWI LA ARUSHA.
 Getrudi Mbilingi Afisa Utawala na Utumishi Ewura CCC Makao Makuu Dar es salaam akitoa ufafanuzi kuhusiana na haki ya mtumiaji wa Nishati na Maji.
 Lukingo Lukingo Afisa Menejimenti na Huduma kwa Wateja Ewura CCC akiwa anatoa ufafanuzi kuhusiana na kazi zinazofanywa na Taasisi hiyo ya serikali.
Said Mremi Afisa Uhusiano Tanesco Mkoani Arusha ;ni lazima mteja anapoluja kuomba kuunganishiwa umeme wakati anajaza fomu ya maombi lazima ajaze kwa usahihi,ahainishe idadi ya vifaa ambavyo anahitaji kuvitumia ili ikitokea hitilafu shirika liweze kuona namna ya kulipa fidia kwa mteja huyo
Jennifer Daniel Katibu wa kamati ya watumiaji huduma ya mkoa wa Arusha  (RCC) akiwasilisha mada kwa wanafunzi wa Chuo kikuu huria Nchini Tanzania tawi la Arusha  namna ya kutoa malalamiko kwa njia sahihi ili mteja aweze kulipwa stahiki zake 

 Dkt.Peter Kashingo Mwenyekiti RCC Mkoani Arusha.Aizungumza na wanafunzi wa chuo kikuu huria nchini Ranzania tawi la Arusha 
baadhi ya washiriki wa semina ya siku moja iliyoandaliwa na Taasisi ya kiserikali ya EWURA CCC mkoa wa Arusha iliyowajumuisha wanafunzi wa Chuo kikuu huria Tanzania tawi la Arusha 
Gerald sambayuka Mjumbe wa kamati ya watumiaji wa mkoa ambayo ipo chini ya EWURA CCC mkoani Arusha
Washiriki wa semina kutoka Chuo kikuu huria nchini Tanzania tawi la Arusha wakifuatilia kwa makini mada mbalimbali  zinazowasilishwa katika mafunzo yaliyoandandiliwa na Baraza la uUshauri la watuamiaji wa huduma ya a Nishati na Maji  Ewura CCC 
Injinia Raymond David ambae ni Mhazini wa RCC Arusha akitoa ufafanuzi wa sheria kwa watumiaji wa wa huduma za Nishati na Maji .
 Getrudi Mbilingi Afisa Utawala na Utumishi Ewura CCC Makao Makuu Dar es salaam akitoa ufafanuzi kuhusiana na haki ya mtumiaji wa Nishati na Maji.
 Kutoka katikati ni Lugiko Lugiko Afisa Menejimenti na Huduma kwa wateja  Ewura CCC Jijini Arusha,wa kwanza kushoto ni Mwenyekiti wa Bodi ya Ewura CCC Dkt.Peter Kashingo,kulia kwake ni Mhazini wa RCC Arusha Raymond David,Kutoka kulia ni Jennifer Daniel Katibu RCC Arusha,kulia kwake ni Gerald sambayuka Mjumbe wa kamati ya watumiaji wa mkoa ambayo ipo chini ya EWURA CCC mkoani Arusha

Na.Vero Ignatus,Arusha.

Baraza la uUshauri la watuamiaji wa huduma ya a Nishati na Maji  EwuraCCC  imeendesha programu ya mafunzo kwa wanafunzi zaidi ya sabini wa Chuo Kikuu Huria Tanzania katika tawi la Arusha.

Lukingo Lugiko ni Afisa Menejimenti na Huduma kwa wateja Ewura CCC amesema semina hiyo ni sehemu ya uelimishaji ambazo wanalenga kuifikia jamii ya watanzania hususani watumiaji wa huduma za Nishati na Maji.             

Lukingo amesema  lengo kubwa   ninkuwafundisha watumiaji wa huduma hizo kuzitambua haki zao kwani watu wengi hawajui haki na wajibu wao kama walaji.  

 "Watanzania wengi wanatabia ya kunung'unika badala ya kulalamika kwa maandishi ili wahusika waweze kutatua matatizo yao yananyowakabili wao kama walaji" alisema Lugingo

Getrudi Mbilingi Afisa Utawala na Utumishi Ewura CCC Makao Makuu Dar es salaam akitoa ufafanuzi kuhusiana na haki ya mtumiaji wa Nishati na Maji amesema kuwa taasisi inayo dawati kwa uelimishaji kwa umma kuhakikisa taarifa zinafika kwa kushirikiana na watoa huduma na watendaji wa serikali za vijiji na mitaa ammbao wanafanya nao kazi kwa ukaribu

Said Mremi ni Afisa uhusiano kutoka Tanesco ambaye alimuwakilisha meneja amesema kuwa mteja kabla ya kuomba kunganishwiwa huduma ya umeme ni vyema akajaza fomu kwa usahihi sambamba na idadi ya vifaa amabavyo mteja atavitumia ili tatizo litakapotokea iwe rahisi kutatuliwa au kupewa fidia kwa mteja husika.

"Kama mteja ana madai ya fidia anayohisi yamesababishwa na tanesco swala la utaratibu la ulipaji wa fidia tanesco wanadawati la fidia,vyema mteja husika alete malalamiko yake kwa maandishi na awe na uhakika kwamba anachokileta ni kile alichokijaza kwenye fomu maana kuna baadhi ya wateja ni waongo na wanataja taarifa za uongo"alisema Mremi

 Akijibu swali la mmoja wa washiriki wa semina hiyo kuhusiana na tatizo la kukatikakatika kwa umeme na kwanini tanesco hawalipi fidia Mremi amesema kuwa yapo matatizo ya umeme ambayo tanesco wananyapanga na wanatoa taarifa kwa wateja wao, matatizo mengine yanatokea kwa dharura siyo kwa kupanga ambayo yapo nje ya uwezo wa Tanesco.

"Mfano limepita gari lina vyuma likakata nyaya na umeme ukakatika,mtu amekata mti huko ukaangukia nyaya umeme ukakatika huwezi kuja kuidai tanesco kisa samaki zako zimeharibika,mtu amegonga nguzo akakimbia wananchi wamechelewa kutoa taarifa hilo halowezi kuwa kosa letu hilo ni tatizo la umeme la dharura" alisema Mremi

Dkt.Peter Kashingo ni Mwenyekiti wa kamati ya RCC mkoa amesema  kutumia teknolojia mpya ambayo inaweza kupunguza matumizi ya umeme majumbani kutoka 50%-70% kwa kuthibiti muda ambao taa huwaka bila sababu za msingi.

"Utumiaji wako mzuri wa huduma ya umeme ni moja ya njia sahihi ya haraka za kupungiza bili yako ya Nishati." Alisema Dkt.Peter Kashingo.

Injinia Raymond David ni Mhazini wa Ewura RCC ambapo amesema kuwa mtoa huduma anatakiwa kuhakikisha hatuabanazochukua dhidi ya mteja aliyeshindwa kulipa bili ni sahihi na siyo za kibaguzi

"Hakuna mteja atakayekatiwa huduma kama notisi ya siku 30 haijatolewa" alisema Raymond.

Ewura CCC ni Taasisi ya Kiserikali iliyoanzishwa kwa lengo ka kutetea na kulinda maslahi ya watumiaji wa Nishati na Maji katika sura 414 ya sheria ya Ewura kifungu cha 30

WAZIRI JAFO ARIDHISHWA NA UJENZI WA HOSPITALI YA WILAYA YA KILOLO MKOANI IRINGA
Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo akiongea na waandishi wa habari juu ya kuridhishwa ujenzi wa hospitali ya wilaya ya kilolo mkoani Iringa 
Mkuu wa mkoa wa Iringa Ally Hapi akieleza jinsi gani atakavyo hakikisha wanawasimamia vilivyo wakandarasi wa wanaojenga hospitali hiyo ili kusitokee kasoro zozote zile
 Haya ni baadhi ya majengo yaliyojengwa katika hospitali ya wilaya ya kilolo mkoani Iringa ambayoWaziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo ameridhishwa na kasi ya ujenzi wake

NA FREDY MGUNDA, IRINGA.
 
Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo ameridhishwa na kasi ya ujenzi wa hospitali ya Wilaya ya Kilolo mkoani Iringa unaotekelezwa kwa kutumia  zilizotolewa na Rais Dkt. John Magufuli katika kuboresha sekta ya afya nchini.

Akizungumza na wanahabari mara baada ya kukagua hospitali hiyo Waziri Jafo amesema kuwa kasi ya ujenzi wa hospitali ya Wilaya ya Kilolo inaridhisha na baada ya kukamilika kwake itawasaidia wananchi wengi wa maeneo hayo pamoja na kupunguza msongamano katika hospitali ya rufaa.

“Niwahakikishieni viongozi wa wilaya na mkoa kuwa nimeridhishwa na kasi hii ya ujenzi wa hospitali hii kwa kuwa mnasimamia vilivyo kwa kuhakikisha fedha za serikali zinatumia vizuri hivyo niwapongeze sana” alisema Jafo

Jafo alisema kuwa Serikali ya awamu ya tano ipo makini katika kuhakikisha wananchi wa chini wanapata huduma muhimu bila kizifuata kama ilivyokuwa awali na amehaidi kuwa atazifukisha salamu kwa Mheshimiwa Rais juu ya hatua ambazo zinaendelea katika hospitali hiyo

“Leo naweza kuwapongeza mmefanya kazi kubwa ya kusimamia ujenzi huu ambao umekuwa ukienda vizuri kila hatua ambayo nimekuwa nikifuatia hatua kwa hatua hadi hii leo naona matunda yake” alisema Jafo

Aidha Jafo aliwataka viongozi kuhakikisha wanawasimamia vilivyo wakandarasi wa majengo hayo kumalizia vizuri ili kuondokana na kasoro mbalimbali ambazo zimekuwa zimejitokeza hasa kwenye milando bado kunashida kuhatajikajia kurekebishwa.

“Nimetembea kwenye majengo haya yamejengwa vizuri kwa kufuata vigezo stahili lakini tatizo ambalo nimelibaini ni kuwa mirango haijakaa vizuri inahitajika kutolewa na kuwekwa milango mipya hivyoa naombeni hakikisheni mnasimamia” alisema Jafo

Kwa upande wake mkuu wa mkoa wa Iringa Ally Hapi alisema kuwa wataendelea kuwasimamia wakandarasi hao ili kuhakikisha wanarekebisha kasoro zote ambazo zimejitokeza katika hatua hizo za umaliziaje wa ujenzi huo wa hospitali hiyo ya wilaya ya Kilolo.

“Mheshimiwa waziri tumezipokea pokea kasoro hizo ambazo umetuagiza tumsimamie waha wakandarasi na sisi tutazisimamia vilivyo ili kupata hospitali iliyo bora kwa kila kitu na kuwa mfano wa kuigwa kwa hospitali nyingine” alisema Hapi

Hapi alimuomba waziri Jafo kuhakikisha anawafikishia shukrani kwa Mheshimiwa Rais wa Jamhuri ya Muungano wa Tanzania Dr John Magufuli kwa kuwapa fedha nyingi za kutekeleza miradi mbalimbali ya mkoa wa Iringa.

“Kwa kweli tunamshukuru sana Mheshimiwa Rais wa Jamhuri ya Muungano wa Tanzania Dr John Magufuli kuendelea kutuletea fedha kwenye miradi mingi ya kimkakati hivyo tunashukuru sana” alisema Hapi

Naye mkuu wa wilaya ya Kilolo Asia Abdalah alisema kuwa atahakikisha kila uchwao anaendelea kusimamia ujenzi wa hospitali hiyo kwa kuwa ipo katika wilaya yake.

“Mimi nitaendelea kusimamia kwa umakini mkubwa ili kuhakikisha kila kitu kinaenda kama ilivyokusudiwa na kuwa hospitali ya mfano hata nchini hivyo nikuahidi nimeyachukua kwa umakini mkuwbwa maagizo yako” alisema Abdalah
WABUNGE WAPITISHA KWA KISHINDO BAJETI YA WIZARA YA KILIMO


Waziri wa Kilimo Mhe. Japhet Hasunga (Mb) akitoa ufafanuzi wa hoja za wabunge zilizojitokeza kwenye Bajeti ya Matumizi ya kawaida ya wizara hiyo ya mwaka 2019/2020. Leo tarehe 20 Mei 2019 (Picha Zote Na Mathias Canal, Wizara ya Kilimo).
Waziri wa Kilimo Mhe. Japhet Hasunga (Mb) akionyesha ramani yenye ripoti ya afya ya Udongo wakati wa ufafanuzi wa hoja za wabunge zilizojitokeza kwenye Bajeti ya Matumizi ya kawaida ya wizara hiyo iliyosomwa kwa mwaka 2019/2020. Leo tarehe 20 Mei 2019
Sehemu ya wabunge wa Bunge la Jamhuri ya Muungano wa Tanzania wakimpongeza waziri wa Kilimo Mhe. Japhet Hasunga (Mb), Naibu maziri wa Kilimo Mhe Omary Mgumba na Mhe Innocent Bashungwa mara baada ya Bajeti ya Matumizi ya kawaida ya wizara hiyo kwa mwaka 2019/2020 kupita kwa kishindo, Leo tarehe 20 Mei 2019.
Sehemu ya wataalamu wa Wizara ya Kilimo wakiwa katika picha ya pamoja na waziri wa Kilimo Mhe. Japhet Hasunga (Mb), Naibu maziri wa Kilimo Mhe Omary Mgumba na Mhe Innocent Bashungwa, Katibu Mkuu wa wizara ya Kilimo Mhandisi Mathew Mtigumwe na Naibu Katibu Mkuu wa wizara hiyo Prof Siza Tumbo mara baada ya Bajeti ya Matumizi ya kawaida ya wizara hiyo kwa mwaka 2019/2020 kupita kwa kishindo, Leo tarehe 20 Mei 2019.

Na Mathias Canal, Wizara ya Kilimo, Dodoma

Wabunge wa Bunge la Jamhuri ya Muungano wa Tanzania leo tarehe 20 Mei 2019 wameridhia kwa kauli moja na kupitisha kiasi cha Shilingi Bilioni 253.8 kwa ajili ya kugharamia matumizi ya kawaida na miradi mbalimbali ya maendeleo ya Sekta ya Kilimo kwa mwaka wa Fedha wa 2018/2019.

Wabunge hao wameridhia ombi la Waziri wa Kilimo Mhe. Japhet Hasunga (Mb) alilolitoa wakati akiwasilisha Bajeti ya Matumizi ya kawaida ya wizara hiyo juzi tarehe 17 Mei 2019.

Akisoma Bajeti kuhusu makadirio ya mapato na matumizi ya Fedha za Wizara ya Kilimo kwa Mwaka 2019/2020, Waziri wa Kilimo, Mhe. Japhet Hasunga alisema, Serikali imepanga kubadilisha kilimo kutoka kuwa cha kujikimu na kuwa kilimo cha kibiashara kama ilivyoainishwa katika Dira ya Taifa ya Maendeleo 2025.

Aidha, Mpango wa Pili wa Taifa wa Maendeleo umesisitizia mapinduzi ya viwanda na umeitambua Sekta ya Kilimo kuwa mhimili imara kwa ajili ya upatikanaji wa malighafi za viwanda.  

Miongozo hiyo ya Kitaifa, pamoja na Ilani ya Uchaguzi ya CCM ya mwaka 2015 na Sera ya Kilimo ya mwaka 2013, inatekelezwa na Wizara kupitia Programu ya Kuendeleza Sekta ya Kilimo Awamu ya Pili (ASDP II) ambayo inalenga kuleta mageuzi katika Sekta ya Kilimo na kwa kutambua umuhimu wa kuongeza mitaji, teknolojia na ubunifu, Sekta Binafsi inashirikishwa kikamilifu katika utekelezaji wa ASDP II.

Fedha nyingi katika kiasi hicho cha Bilioni 253.8 zilizopitishwa na wabunge hao zitaelekezwa kwenye utekelezaji wa Programu ya Maendeleo ya Kilimo Awamu ya Pili (ASDP II) iliyozinduliwa rasmi tarehe 4 Juni, 2018 na Mheshimiwa Dkt. John Joseph Pombe Magufuli, Rais wa Jamhuri ya Muungano wa Tanzania, ambayo inalenga kubadilisha maisha ya mkulima kwa kufanya mageuzi makubwa kwenye kilimo kwa kuzingatia mazao ya kipaumbele kulingana na ikolojia za kilimo.

Akizungumzia kuhusu upatikanaji wa chakula katika mwaka 2018/2019 Waziri Hasunga amesema upatikanaji wa chakula kwa mwaka 2018/2019 ulifikia tani milioni 16.89 zikiwemo tani milioni 9.53 za mazao ya nafaka na tani milioni 7.35 za mazao yasiyo nafaka. Kiwango hicho cha uzalishaji kimeiwezesha nchi kujitosheleza kwa mahitaji yake ya chakula ya tani milioni 13.56 na hivyo kuwa na ziada ya tani milioni 3.32 za chakula kwa kiwango cha utoshelevu cha asilimia 124.

“Niwahakikishie watanzania kwamba, tunacho chakula cha kutosha nchini.  Hata hivyo, tuendelee kuweka akiba katika kaya zetu hadi tutakapovuna tena kwani inaonekana kwamba huenda tusiwe na mavuno mazuri sana msimu huu kutokana na uhaba wa mvua kwenye maeneo ya Kanda ya Ziwa, Kati na Kaskazini mwa nchi yetu”. Amekaririwa Waziri Hasunga.

Kuhusu kilimo cha umwagiliaji, Mhe. Hasunga alisema katika mwaka 2018/2019, Wizara kupitia Tume ya Taifa ya Umwagiliaji imekamilisha mapitio ya Mpango Kabambe wa Taifa wa Umwagiliaji wa mwaka 2002 ili kubaini maeneo yanayofaa kwa kilimo cha umwagiliaji kwa kuzingatia Mipango Shirikishi ya Maendeleo ya Rasilimali za Maji.

Katika mpango huo, hekta 560,880 zimepangwa kuendelezwa kwa lengo la kuongeza eneo la umwagiliaji kutoka hekta 475,052 mwaka 2018/2019 hadi hekta 1,000,000 ifikapo mwaka 2035.

Waziri Hasunga ameuzungumzia Ushirika na kusema Wizara kupitia Tume ya Maendeleo ya Ushirika imeendelea kuimarisha Sekta ya Ushirika kwa kusimamia na kuhamasisha maendeleo yake. Vyama vya Ushirika vimeongezeka kutoka vyama 10,990 Desemba 2017 hadi vyama 11,331 kufikia Desemba 2018. Vilevile, idadi ya wanachama wa vyama vya ushirika imeongezeka kutoka 2,619,311 mwaka 2017 hadi 3,998,193 Februari, 2019 sawa na ongezeko la asilimia 53.

Hadi Desemba 2018, mikopo yenye thamani ya Shilingi trilioni 1.3 imetolewa kwa wanachama ikilinganishwa na Shilingi bilioni 902 iliyotolewa kufikia Desemba 2017.

Aidha, Akiba na Amana za wanachama katika SACCOS zimefikia Shilingi bilioni 575 na hisa Shilingi bilioni 79.

MWISHO

UTPC YAWASILISHA MPANGO KAZI WA UTETEZI ZA BINADAMU KWA BLOGGERS
Na George Binagi-GB Pazzo, BMG
Muungano wa Klabu za Waandishi wa Habari Tanzania (UTPC) umewasilisha mpango kazi wa mradi wa Utetezi na Ushawishi wa kutumia Takwimu (Data Driven Advocacy-DDA), unaotekelezwa kwa ushirikiano wa Klabu ya Waandishi wa Habari mkoani Arusha (APC) kupitia waandishi wa habari wa vyombo vya habari mbadala (Alternative Media).

Mpango kazi huo umewasilishwa leo Mei 20, 2019 jijini Dodoma kupitia kikao kazi kilichowajumuisha waandishi wa habari wa mitandaoni 23 kutoka mikoa mbalimbali ya Tanzania Bara na Visiwani.

Akiwasilisha mpango kazi huo, Victor Maleko ambaye ni Afisa Programu kutoka UTPC amesema pamoja na mambo mengine, umelenga kuwajengea uwezo waandishi wa habari wa mitandaoni kuzifahamu sheria mbalimbali za habari ikiwemo Sheria ya Takwimu 2015, Sheria za Huduma za Vyombo vya Habari 2016 pamoja na Sheria ya Makosa ya Mtandao 2015 ili kuripoti kwa weledi habari za utetezi na ushawishi wa haki za binadamu kwa kutumia takwimu.

Naye Mwenyekiti wa Klabu ya Waandishi wa Habari mkoani Arusha (APC), Claude Gwandu amewataka washiriki wa mradi huo kuwajibika ipasavyo ili kuhakikisha unafikia malengo yaliyokusudiwa na kwamba klabu hiyo hakitakuwa tayari kuona mradi unakwama kutokana na baadhi ya washiriki kutowajibika.

Kwa upande wake Mwenyekiti wa kundi la waandishi wa habari wa vyombo vya habari mbadala kupitia mradi huo, Midraji Ibrahim amesema ili vyombo hivyo viendelee kuwa na manufaa katika jamii, lazima waandishi wake waweke habari zenye maudhui bora yakiwemo yanayogusa utetezi na ushawishi wa kutumia takwimu sahihi.

Mradi wa Utetezi na Ushawishi wa kutumia takwimu (Data Driven Advocacy-DDA), unafadhiliwa na taasisi ya Freedom House ambapo ulianza mwaka jana 2018 ukitarajiwa kufikia tamati mwaka 2022.
Afisa Program kutoka UTPC, Victor Maleko akifafanua jambo kwenye kikao kazi hicho kilichofanyika jijini Dodoma.
Afisa Program kutoka UTPC, Victor Maleko akiwasilisha mpango kazi wa utekelezaji wa Utetezi na Ushawishi wa kutumia Takwimu (Data Driven Advocacy-DDA) kupitia kundi namba tatu linalowajumuisha waandishi wa habari wa vyombo vya habari mbadala (Altenative Media).
Mwenyekiti wa Arusha Press Club (APC), Claude Gwandu akizungumza kwenye kikao kazi hicho.
Washiriki wakimsikiliza Mwenyekiti wa Arusha Pres Club (APC), Claude Gwandu kwenye kikao kazi hicho.
Meneja Mradi wa Utetezi na Ushawishi wa kutumia takwimu (DDA) nchini Tanzania, Wakili Daniel Lema akifafanua jambo kwenye kikao kazi hicho.
Washiriki wakimsikiliza Meneja Mradi wa Utetezi na Ushawishi wa kutumia takwimu (DDA) nchini Tanzania, Wakili Daniel Lema.
Mwenyekiti wa kundi namba tatu linalowajumuisha waandishi wa habari wa vyombo vya habari mbadala (Alternative Media),  Midraji Ibrahim (aliyesimama) akizungumza kwenye kikao kazi hicho.
Washiriki wa kikao kazi hicho wakifuatilia mada.
Baadhi ya washiriki wa kikao kazi hicho.
Washiriki wa kikao kazi hicho.
Kikao kazi hicho kimewajumuisha washiriki 23 kutoka mikoa ya Tanzania Bara na Visiwani.
Washiriki wakifuatilia mada kwenye kikao kazi hicho.
Washiriki wakiwa kwenye kikao kazi hicho.
Washiriki wakifuatilia kikao kazi hicho.
Washiriki wakifuatilia mpango kazi wa utekelezaji Mradi wa Utetezi na Ushawishi wa kutumia takwimu (Data Driven Advocacy-DDA), kupitia kundi namba tatu linalowajumuisha waandishi wa habari wa vyombo vya habari mbadala (Altenative Media) nchini Tanzania.
Washiriki wa kikao kazi hicho kilichofanyika jijini Dodoma.
Walioshiriki kikao kazi hicho ni pamoja na Kadama Malunde (Malunde Blog), William Bundala (Kijukuu Blog), Merina Makasi (Ngasa TV), Mohamed Zengwa (Global TV), Eliya Mbonea (Mtanzania Digital), Midraji Ibrahim (Sub Editor Mwananchi Digital), Mika Ndaba (Ayo TV), James Range (Sub Editor/ Programme Manager Global TV), Frankius Cleophace (Cleo24 News and Dar Mpya), Asha Shabani (Asha Shabani TV), George Binagi (Binagi Media Group), Albert G. Sengo (GSengo Blog).

 Wengine ni Francis Godwin (Dar Mpya Blog/ Matukio Daima Blog), Abubakar Kisandu (Kisandu Zenji Blog), Rashid Said Rukungu (Rukungutz Blog CG Online Tv), Edither Karo (Correspondent (Michuzi Blog and Malunde Blog), Joseph Mwaisango (Mbeya Yetu Online TV), Bakari Chilumba (Correspondent Dar Mpya Blog, Millard Ayo, Mpekuzi na Muungwana), Abdulaziz Ahmed (Lindi Yetu Blog na Lindi yetu Online TV), Gabriel Kilamlya (Dar 24 Blog), Ibrahim Said Limala (Correspondent Global TV online), Clavery Christian (Muungwana Blog) pamoja na Hamza Mashore (Ruvuma TV).
Maafisa Programu wa Mradi wa Utetezi na Ushawishi wa Haki za Binadamu kwa kutumia takwimu (DDA) nchini Tanzania wakiwa kwenye kikao kazi hicho.
Picha na Kadama Malunde, Malunde 1 Blog

Monday, 20 May 2019

RAIS DKT. MAGUFULI AMUAPISHA DKT. MPOKI ULISUBISYA KUWA BALOZI WA TANZANIA NCHINI CANADA IKULU JIJINI DAR ES SALAAM LEO MEI 20, 2019
 Rais wa Jamhuri ya Muungano wa Tanzania Dkt. John Pombe Magufuli akimuapisha Dkt. Mpoki Ulisubisya kuwa Balozi wa  Tanzania nchini Canada  wakati wa hafla fupi iliyofanyika  Ikulu
jijini Dar es salaam leo Jumatatu Mei 20, 2019
 Rais wa Jamhuri ya Muungano wa Tanzania Dkt. John Pombe Magufuli akimshuhudia Dkt. Mpoki Ulisubisya akiweka sahihia baad ya kumuapisha kuwa Balozi wa  Tanzania nchini Canada  wakati wa hafla fupi iliyofanyika  Ikulu jijini Dar es salaam leo Jumatatu Mei 20, 2019
  Rais wa Jamhuri ya Muungano wa Tanzania Dkt. John Pombe Magufuli akikabidhi nyenzo za kazi Dkt. Mpoki Ulisubisya baada ya kumuapisha kuwa Balozi wa  Tanzania nchini Canada  wakati wa hafla fupi iliyofanyika  Ikulu jijini Dar es salaam leo Jumatatu Mei 20, 2019

 Rais wa Jamhuri ya Muungano wa Tanzania Dkt. John Pombe Magufuli akimsindikiza Mzee Ulisubisya Mwasumbi baba mzazi wa Dkt. Mpoki Ulisubisya baada ya kumuapisha mwanae kuwa Balozi wa  Tanzania nchini Canada  wakati wa hafla fupi iliyofanyika  Ikulu jijini Dar es salaam
leo Jumatatu Mei 20, 2019
Rais wa Jamhuri ya Muungano wa Tanzania Dkt. John Pombe Magufuli akisalimiana na mke wa Dkt. Mpoki Ulisubisya baada ya kumuapisha mumewe kuwa Balozi wa  Tanzania nchini Canada  wakati wa hafla fupi iliyofanyika  Ikulu jijini Dar es salaam leo Jumatatu Mei 20, 2019. Wengine ni Baba na wana familia ya Balozi huyo mpya

PICHA NA IKULU
RC MAKONDA AWATAKA WAISLAMU KUJIANDIKISHA KATIKA DAFTARI LA WAPIGA KURA
Na  Heri Shaaban
MKUU wa Mkoa wa Dar es Salaam Paul Makonda amewaomba  Maimamu wa Mkoa wa Dar es Salaam  kuwahimiza Waislam wa mkoa huo kujiandikisha katika daftari la mpiga kura ili waweze kushiriki uchaguzi wa Serikali ya mtaa.
Makonda aliyasema hayo Dar es Salaam leo wakati wa hafla fupi ya ugawaji futari kwa Maimamu ,Watumishi na Makundi maalum.

"Ili tuweze kupambana na mapambano ya rushwa katika Mkoa wangu nawaomba mkajiandikishe ili muweze kuchagua kiongozi bora sio bora kiongozi"alisema.

Makonda alisema viongozi bora wanapatikana kuanzia serikali ya Mtaa  kwani Serikali  bora inanzia serikali ya Mtaa mchague viongozi wasiopenda rushwa.

Alisema hivi karibuni inatarajia kufanyika uchaguzi wa Serikali ya mtaa amewataka waumini wa kiislam kutumia fursa ya kujiandikisha katika daftari mpiga kura.

Alisema mwezi wa Ramadhani ni mwezi muhimu unatukumbusha tuendelee kuishi katika maandiko takatifu  na kujifunza ndani ya mwezi wa Ramadhani.

Aidha alisema katika kipindi cha Ramadhani kuna kuwa na utulivu mkubwa watu wasio waislam pia wanaheshimu.

Pia alitumia nafasi hiyo kuwashukuru Waumini wa Kiislam ni sehemu ya watu walio msaidia katika shughuli mbalimbali.

Aliwataka waumini wa Kiislam kuendelea kuwajenga watoto wao katika misingi ya maadili kwasababu wazazi wengine wanashindwa kuwalea watoto wao katika maadili mema na amewataka Waikristo  kuwaimiza watoto wao kusoma Bibilia.

Kwa upande wake Shekhe wa Mkoa wa Dar es Salaam Alhad Mussa Salum alisema kwa niaba ya Shekhe Mkuu wa Tanzania kuwa Sikukuu ya Idd Fitir Kitaifa Mkoa wa Tanga  na Dar es Salaam kimkoa Viwanja vya Mnazi mmoja
Mwisho
Viwanja vya Arnatogolulo
Leo Mei 20/2019
RAIS DKT. MAGUFULI AKUTANA NA WAZIRI WA USHIRIKIANO WA KIMATAIFA NA MAENDELEO WA SWEDEN MHE PETER ERIKKSON IKULU JIJINI DAR ES SALAAM LEO JUMATATU MEI 20, 2019
 Rais wa Jamhuri ya Muungano wa Tanzania Dkt. John Pombe Magufuli akisalimiana na Mhe. Peter Erikkson, Waziri wa Ushirikiano wa Kimataifa na Maendeleo wa Sweden alipokutana na kufanya naye mazungumzo Ikulu jijini Dar es salaam leo Jumatatu Mei 20, 2019
 Rais wa Jamhuri ya Muungano wa Tanzania Dkt. John Pombe Magufuli akimzawadia picha ya kuchorwa Mhe. Peter Erikkson, Waziri wa Ushirikiano wa Kimataifa na Maendeleo wa Sweden alipokutana na kufanya naye mazungumzo Ikulu jijini Dar es salaam leo Jumatatu Mei 20, 2019.
Kushoto ni Balozi wa Sweden nchini Tanzania Mhe. Andres Sjoberg
 Rais wa Jamhuri ya Muungano wa Tanzania Dkt. John Pombe Magufuli akiwa katika mazungumzo  na Mhe. Peter Erikkson, Waziri wa Ushirikiano wa Kimataifa na Maendeleo wa Sweden alipokutana na kufanya naye mazungumzo Ikulu jijini Dar es salaam leo Jumatatu Mei 20, 2019. Kushoto ni Balozi wa Sweden nchini Tanzania Mhe. Andres Sjoberg.
Rais wa Jamhuri ya Muungano wa Tanzania Dkt. John Pombe Magufuli kaatika picha ya pamoja na  Mhe. Peter Erikkson, Waziri wa Ushirikiano wa Kimataifa na Maendeleo wa Sweden na ujumbe wake pamoja na maafisa wa Wizara ya Mambo ya Nje wa baada ya kukutana na kufanya naye
mazungumzo Ikulu jijini Dar es salaam leo Jumatatu Mei 20, 2019. Kushoto ni Balozi wa Sweden nchini Tanzania Mhe. Andres Sjoberg.
PICHA NA IKULU
MAFUNZO YA JINSIA KWA WANAHABARI KANDA YA ZIWA YAFIKIA TAMATI JIJINI MWANZA
Na George Binagi-GB Pazzo, BMG
Mafunzo ya kuwajengea uwezo waandishi wa habari kutoka mikoa ya Kanda ya Ziwa (Mwanza, Mara, Shinyanga, Simiyu na Geita) ili kuandika habari za kijinsia kwa weledi yamefikia tamati jijini Mwanza.

Mafunzo hayo ya siku mbili kuanzia jumamosi Mei 18, 2019 yaliandaliwa na Taasisi ya Vyombo vya Habari Kusini mwa Afrika (MISA) tawi la Tanzania kwa kushirikiana na ile ya Vyombo vya Habari nchini Finland VIKES.

Mkurugenzi wa MISA Tanzania, Sengiyumva Gasirigwa alitumia fursa hiyo kuwahimiza waandishi wa habari Tanzania kufanya kazi kwa kuzingatia sheria, misingi na miiko ya uandishi wa habari huku wakitoa usawa wa vyanzo vyao vya habari kwa kuzingatia jinsia.

"Bado vyanzo vingi vya habari vinawahusisha wanaume huku wanawake wakisahaulika hivyo mafunzo haya yawe chachu ya kuleta mabadiliko kwenye kazi zenu kwa kuibua na kutangaza masuala mbalimbali yanayowahusisha wanawake pia" alisema Gasirigwa.

Naye Maridhia Ngemela kutoka Radio Iqra FM ya jijini Mwanza aliyeshiriki kwenye mafunzo hayo alisema changamoto kubwa katika uandaaji wa habari na makala kwa kuzingatia jinsia ni baadhi ya wanawake kutokuwa tayari kutoa ushirikiano kama ilivyo kwa wanaume hivyo ni vyema elimu ikaendelea kutolewa ili kuondoa hali hiyo..

Hata hivyo mmoja wa wakufunzi wa mafunzo hayo, Alex Mchomvu kutoka Chuo Kikuu cha Mtakatifu Agustino jijini Mwanza alisema suala la imani, mila na tamaduni mbalimbali linakwamisha usawa wa kijinsia hapa nchini hivyo waandishi wa habari ni vyema wakatumia nyenzo zao kutoa elimu ili kubadili fikra hizo na hivyo kuleta usawa wa kijinsia baina ya wanawake na wanaume.
Mkurugenzi wa MISA Tanzania, Sengiyumva Gasirigwa (wa tatu kulia) na Mkufunzi Kenneth Simbaya ambaye ni Mwenyekiti Mtandao wa Waandishi wa Habari za Afya Tanzania (wa pili kushoto) wakiwa kwenye picha ya pamoja na baadhi ya washiriki wa mafunzio hayo.
Mmoja wa wakufunzi, Alex Mchomvu kutoka Chuo Kikuu cha Mtakatifu Agustino jijini Mwanza akiwasilisha mada kwenye mafunzi hayo.
Washiriki waki-refesh viungo vya miili yao kwenye mafunzo hayo.
Washiriki wakimsikiliza Mkufunzi, Kenneth Simbaya wakati akiwasilisha mada.
Mkufunzi, Kenneth Simbaya akiwasilisha mada kwenye mafunzo hayo.
Baadhi ya washiriki wakifuatilia mada kwenye mafunzo hayo.
Baadhi ya washirikiwa wakiwa kwenye majadiliano kupitia makundi.
Mwanahabari mkongwe, Florah Magabe (kushoto) pamoja na mwanahabari chipukizi, Sefroza Joseph (kulia) wote kutoka jijini Mwanza, wakifurahia jambo kwenye mafunzo hayo.
Baadhi ya washiriki wakifuatilia jambo kwenye mafunzo hayo.
Baadhi ya washiriki wakisikiliza kwa umakini jambo kwenye mafunzo hayo.