Tuesday, 17 April 2018

YANGA TAYARI WAMESHAANDAA DAWA YA WAETHIOPIA



Kikosi cha Yanga tayari kimekamilisha maandalizi ya mchezo wa Kombe la Shirikisho dhidi ya Wolaita Dicha kuelekea mechi itakayopigwa leo mjini Awassa, Ethiopia.

Meneja wa timu, Hafidh Saleh, ameeleza kuwa tayari kikosi kimeshakamilisha mazoezi yake jana na wako tayari kwa mtanange huo.

Akizungumza moja kwa moja kutoka Ethiopia, Saleh amesema wachezaji wote wako fiti kucheza leo na akisema hakuna aliye majeruhi.

Yanga itasonga mbele kwenye mashindano hayo mpaka hatua ya makundi endapo itatoa sare yoyote ile ama kuibuka na ushindi.

Katika mchezo wa mkondo wa kwanza uliopigwa Dar es Salaam, Yanga iliibuka na ushindi wa mabao 2-0.

Kusonga mbele kwa Yanga kutaiwezesha kutwaa zaidi ya milioni 600 za kitanzania kama ilivyo utaratibu wa CAF kutoka kitita hicho cha pesa
Previous Post
Next Post

post written by:

0 comments: